المشاركة الأصلية كتبت بواسطة alaa74
هابيتات ممتازة وعن تجربه قديمه وكذلك تجربه جديدة
وتحديدا من يومين بس لسه شارى مرتبتين علشان حجرة إبنى عمر
طبعا فى أنواع كتير ودة بيختلف حسب طبقات الحشو سواء فيبر أو إسفنج أو لباد وسوست طبعا
المهم أول نوع عندهم إسمه gold دة عبارة عن سوست وطبقه لباد وطبقه إسفنج وتقريبا طبقه فيبر بس هى فى الحقيقه مش مريحه لأنك هتحس بالسوست ودى سعرها 697جم ودة مقاس 120*190 وارتفع المرتبه 20سم
وفى نوع تانى طبعا مش فاكر اسمه ولا مكوناته لكن دة تقريبا سعرة فوق 1000جم تقريبا 1300
على ما اتذكر .
لكن أنا إشتريت نوع كويس جدا واسمه new cotton وهو عبارة عن سوست وطبقه فيبر وطبقه لباد وطبقتين إسفنج وطبقتين قطن والسعر 882جم مقاس 120*190 ارتفاع 22 سم
وفى الحقيقه هى مريحه وكويسه جدا .
وطبعا فى عندهم حاجه كويسه جدا أولا التوصيل مجانى لغايه عندك وكمان الحاجه بتطلعلك وتتركب كمان ، وكمان بتاخد خصم على اجمالى مشترياتك قبل 10 % ضريبه المبيعات حوالى 4.50% وبتاخد الخصم فى صورة كوبون خصم وتستخدمه خلال سنه عند الشراء منهم مرة تانيه .
يعنى مثلا لو مشترياتك مثلا 1100جم والسعر دة كان قبل الضريبه 1000جم يبقى هتدفع 1100جم وتاخد خصم 4.50% على 1000جم يعنى 45جم فى صورة كوبون وعند شراؤك مرة تانيه تقدم الكوبون دة ويتخصم قيمته من مشترياتك التاليه .
والفروع بتاعتهم فى فرع أول عباس العقاد مدينه نصر وكمان فرع داخل اركاديا مول على كورنيش النيل وكمان فرع بجانب مصنعهم فى مدينه العبور بعد كارفور العبور بحوالى 3كم .
أرجو أن أكون قد أفدتك .
تقبل تحياتى ...
علاء الشناوى