السلام عليكم
ازيكم كلكم من اولكم لاخركم ومن كبيركم لصغيركم
باركولى يا جماعه انا غيرت علبه الدركسيون لانها كانت بتسرب وكمان السيور كلها وطقم البوجيهات وكمان ركبت تيل جديد
وغيرت ماستر ورا وصلحت النافذه الخلفيه وكمان ركبت فيوز التكييف غلط برضه لان الاستاذ الكهربائى ركب 25 وده قضاء ربنا وانا لسه بدور على 40 قبل ده ما يسيح
واليكم اسعار قطع الغيار
علبه الدركسيون ب 300 جنيه استيراد
سير الكاتينه 45 جنيه
سير التكييف 25 جنيه
سير الباور 15 جنيه ايه يا جماعه سير الباور ده
فلتر هواء 30 جنيه
بليه شداد للكاتينه 30 جنيه
سير دينامو 30 جنيه
طقم تيل امامى 45 جنيه
بليه تكييف 40 جنيه
عبه زيت باور 10 جنيه
جلبه بليه كاتينه 20 جنيه
طقم كاوتش ميزان 20 جنيه
ماستر عجل خلفى 35 جنيه
اوعى حد يسالنى عن اى حاجه من اللى فوق دى لانى ما اعرفش اى حاجه انا دفعت زى الباشا بس المطلوب منكم تقولولى الاسعار دى كويسه ولا لا وكما تقدرولى المصنعيه تطلع كام
بصراحه الرجل ضبط العربيه تمام
ولكن الحلو ما يكملش وانا مروح بالعربيه لاقيت الفتيس ونا باخد الاول بيتحرك زى ما هوه عايز كانه ماشى فى شارع بدون رصيف المهم اتصلت بحمايا وهو المسئول عن عربيتى لحد اما اتعلم بما انه عنده خبرة وهو على فكره اللى ودانى للميكانيكى ده المهم لما جه حمايا قالى ان فى كاوتشه اتقطعت هى اللى عملت كده بصراحه انا كنت مضايق جدا فسبت له العربيه وروحت وقلت له اتصرف انت والراجل بصراحه ربنا يكرمه خد العربيه وراح يعملها
ارجوكم يا جماعه انا فى انتظار تعليقاتكم ولو طلعت الحاجات كويسه انا هكتب لكم عنوان الميكانيكى بس بعد ما اطمئن على السيارة يومين ثلاثه هو على فكرة فى خلوصى فى شبرا
المفضلات