نسيت اقول حاجة كمان مهمة جدا، الباور بتاع الليون احسن بكتير، البي إم تقيلة بطريقة ملحوظة و ده بسبب الاكتيف ستيرينج، الهو موضوع كبير اوي مقدرش اشرحه هنا.
رقم العضوية : 175
تاريخ التسجيل : 25Apr2007
المشاركات : 506
النوع : ذكر
الاقامة : Mokattam
السيارة: سوزوكي التو
السيارة[2]: سيات ليون
الحالة :
إصدقائي الأعزاء،
شوفت تجربة مفيدة و فكرت انكم ممكن تحبوا تسمعوا عنها. انا من ملاك السيات ليون ٢٠٠٩ مانيوال ١٦٠٠ سي سي و صديقي لسه شاري بي إم ٣٢٠i فإليكم المقارنة بينهم
البي إم ٣٢٠i للمش عارف 320i يعني الفئة الثالثة ٢٠٠٠ سي سي، و ملخص المقارنة للمكسل يقراء إن البي إم مش أحسن بكتير من الليون و لما ركبت معاه البي إم و سوقتها بنفسي كمان مالقتهاش أحسن بكتير من الليون زي ماكنت فاكر، و اليكم المقارنة بالتفاصيل.
بي إم موديل ٢٠٠٧ ماشية ٥٠،٠٠٠ كيلو الليون موديل ٢٠٠٩ ماشية ٦٠،٠٠٠ كيلو
مزايا في البي إم مش في الليون
١- ESP مش موجود في الليون المعاياه، موجود في الفئات الاعلي.
٢- دفع خلفي الليون طبعا دفع أمامي.
مع وجود الميزتين دول الهما بيزودو الثبات، انا مش حاسس خالص أنها أثبت من الليون، يعني تقريبا زيها زي الليون في الثبات، يمكن عشان الليون جنوتها اكبر ١٧" ٢٢٥ مم عرض ، البي إم كانت ١٦" و مش فاكر عرض كام بس اقل من الليون.
و بالنسبة للدفع الخلفي محستش بأي فرق الحقيقة يعني لو انا معرفش كنت عمري مهعرف انهي دفع خلفي و انهي امامي. كنا واقفين نمون في البنزينه و كانت ممورة كنت بديها حتت بنزين كده احس انها بتتهز يمين شمال كده زي عربيات النقل، بس مع الفارق طبعا :)
٣- موتور ٢٠٠٠ سي سي ، الليون ١٦٠٠
٤- ستارت ستوب بوتون
٥- بلوتوث و aux مش عندي في الليون موجودين في فئات تانية من الليون
٦- خامات و تأفيل أحسن بكتير مع إن الليون مش وحشة خالص بس البي إم احسن
٧- الفتيس الاوتوماتيك التيبترونيك مع إن صديقي ده بيفضل المانيوال اكتر
٨- الريموت بيفتح السيارة و ضغطة طويبة يفتح الإزاز و فتحة السقف، الليون زيها بس فتحة السقف مابتفتحس بالريموت
٩- نظام تحسس ضغط الهوا في الإطارات مش موجود عندي موجود في فئات اعلي
١٠- فرشها جلد تحفة، الليون المعاية قماش بس في فئات تانية جلد
مزايا في الليون مش في البي إم
١- كروز كونترول
٢- كليمات كونترول يعني تكييف بزراير مش ببكر
٣- الإزاز كله بيتقفل بدغطة واحدة طويلة علي الريموت لما الإزاز يبتدي يقفل بتسيب الزرار و هي بتقفل، البي إم لازم تفضل دايس علي الزرار لغاية لما تقفل خالص يعني تفضل واقف جنبها عشان تقفل و دي حاجة مدايقة صاحب العربية اوي.
٤- نظام التحكم في ارتفاع الكرسي في البي إم لو شديت المقبض بتاع ارتفاع الكرسي الكرسي يقوم غاطس بيك لو نازل لتحت بتبقي كويسة لو عايز تطلع لفوق لازم تسند كده حواليك عشان تخف من علي الكرسي عشان يرتفع، الليون مش كده الليون دغطة لتحت الكرسي ينزل شدة لفوق الكرسي يرتفع.
٥- اماكن للتخزين تحت الكراسي
٦- الشنطة بتاعت البي إم واسعة ما شاء الله بس الليون شنطتها مربعة يعني ممكن تحط فيها صندوق او اي حاجة مكببة انا كنت حاطط فيها كرسي بلاستيك من الكراسي المقاسها معروف الموجودة في اي نادي، البي إم شنططها مبططة زي اي عربية سيدان.
٧- الكاسيت بتاع الليون في شاشة كبيرة
٨- الليون لو فتحتها بالريموت بعض فترة بتقفل لوحدها للأمان البي إم لاء
٩- المساحة الداخلية في الليون اوسع قليلا بالذات في الإرتفاع تحس إن فوقق في مساحة شوية البي إم ساقفها واطي.
١٠- مرايات بتتقفل بالكهربة و بالريموت.
حاجات متساوية في السيارتين
١- قوة الفرامل
٢- الإستهلاك للبنزين مع إن البي إم ٢٠٠٠ سي سي لكن نفس إستهلاك الليون ال١٦٠٠
من الأخر يا جماعة و ده اهم حاجة عندي إحساس السواقة متساوي في الإتنين الإتنين عربيات ألماني نضيفة جدا، العايز اقولو إن سيات عربيات محترمة جدا و حرام عليهم انهم مش مسوقين لنفسهم كويس، انا شخصيا كنت متخيل إن البي إم هتبقا حاجة تانية خالص و ده طبعا بسبب التسويق و كلام الناس.
انا بصراحة كنت طاير من الفرحة لما حسيت إن البي إم مش أحسن من الليون بكتير، الأتنين تحس فيهم بالتحكم و الثبات الفظيع و متحسش بالسرعة.
و يا جماعة ارجوكم انا مش عايز حرب هنا ، ده رأي شخصي جدا و انا مش خبير في العربيات ولا حاجة انا بشارك بتجربتي الشخصية، و كل واحد لي رإيه.
شوية صور، و نبداء بالبي إم بردو إحتراما ليها
هو عربيتو فضي و موديل ٢٠٠٧ مافيعوش الخطين الفي وسط الكبوت، انا حاسس ان من غيرهم احلي.
انا عربيتي لونها ابيض، و فيها زينون و جنوط ١٧"
بس هو عربيتو اوتوماتيك و مافيهاش iDrive يعني مافيش شاشة في النص ولا المقبض الفضي المدور الفي النص ده.
بس انا عربيتي مش fr يعني معنديش علامة fr علي الدريكسيون و العدادات شكلها مختلف شوية و معنديش الفتيس العجيب ده.
منتظر تعليقاتكم
رقم العضوية : 175
تاريخ التسجيل : 25Apr2007
المشاركات : 506
النوع : ذكر
الاقامة : Mokattam
السيارة: سوزوكي التو
السيارة[2]: سيات ليون
الحالة :
نسيت اقول حاجة كمان مهمة جدا، الباور بتاع الليون احسن بكتير، البي إم تقيلة بطريقة ملحوظة و ده بسبب الاكتيف ستيرينج، الهو موضوع كبير اوي مقدرش اشرحه هنا.
رقم العضوية : 28646
تاريخ التسجيل : 28Dec2008
المشاركات : 1,727
النوع : ذكر
الاقامة : alex
السيارة: many cars
السيارة[2]: i do know
دراجة بخارية: لايوجد
الحالة :
شكرا لحضرتك لنقل التجربة
بصراحة الليون حكاية ربنا يبارك لك فيها يارب
رقم العضوية : 58591
تاريخ التسجيل : 10Jan2010
المشاركات : 261
الاقامة : Nasr City, Cairo
السيارة: Peugeot 207 RC 175 HP - 2008
السيارة[2]: Fiat Bravo T-Jet 120 HP- 2010
الحالة :
شكراً على مجهودك بس العربيتين ما ينفعش يتقارنوا ببعض لإختلاف الفئة
رقم العضوية : 175
تاريخ التسجيل : 25Apr2007
المشاركات : 506
النوع : ذكر
الاقامة : Mokattam
السيارة: سوزوكي التو
السيارة[2]: سيات ليون
الحالة :
تقييم الليون علي موقع توب جير ١٣/٢٠ و البي إم ١٤/٢٠ و متفتكروش إن ده قليل عليهم.
المرسيدس s ١٥/٢٠ لامبورجيني مرسيلاجو ١٦/٢٠
في حاجة كمان في الليون مش في البي إم، رشاشات مياه علي الكشافات.
رقم العضوية : 40298
تاريخ التسجيل : 14May2009
المشاركات : 5,965
النوع : ذكر
الاقامة : Heliopolis- Masr El Gedida
السيارة: I do not have
السيارة[2]: لا
دراجة بخارية: I do not have
الحالة :
شكرا على المقارنة الرائعة والحيادية
[img3]http://s11.postimg.org/5u651o4eb/bsmlhe41104899dnj0zx5.gif[/img3]
رقم العضوية : 17999
تاريخ التسجيل : 05Sep2008
المشاركات : 4,235
النوع : ذكر
الاقامة : El-Haram, Giza
السيارة: Mercedes C200 K 09
السيارة[2]: Kia Cerato High Line 09
الحالة :
شكراا جزيلا على نقل التجربه, و شكراا على المقارنه...
الليون طبعاً عربيه جميله جداا, لكن في رأي ان البي ام و تحديدا الـ320 حاجه تانيه كركوبه....
و ده لا يقلل من الليون في اي شئ طبعا, لأن العربيه دي عجباني جداا, بس عندي مشكله بسيطه....
اللي يقوللي ان ممكن يركبلها الـCD-MP3 Touch Screen زي بتاع الجولف + سينسور
بارك و يشتغل عليه, زي الجولف بردو, و متوفرين و يركبوا و تمام.... هحجزها بكره الصبح :))
مش عارف التوكيل ممكن يجيبهم او عندوا اصلا و يركبهم ولا لأ...!!!!
على كل حال شكراا على الموضوع يا باشا...
Eng. Mohammed Ghazy
The New Mercedes-Benz C 300
رقم العضوية : 22731
تاريخ التسجيل : 20Oct2008
المشاركات : 3,291
النوع : ذكر
الاقامة : القاهرة
السيارة: الحمدلله حمداطيبا كثيرا مباركا فيه
السيارة[2]: Seat IBIZA 99 6K 1.6
دراجة بخارية: لا
الحالة :
السيات مظلومة جامد فمصر الواحد بيبص لك اكنك معاك لسه 133 هههههيي
رقم العضوية : 175
تاريخ التسجيل : 25Apr2007
المشاركات : 506
النوع : ذكر
الاقامة : Mokattam
السيارة: سوزوكي التو
السيارة[2]: سيات ليون
الحالة :
شكرا ليكو يا جماعة، دا اقل واجب اقدموا امام المعلومات الكثيرة و المشاركات المفيدة الباخودها منكوا.
في حاجة في البي إم مش في الليون
تقدر تشوف مستوي الزيت و التيل فاضلوا كام كيلو الامامي و الخلفي و البوجيهات فاضلها كام كيلو.
رقم العضوية : 175
تاريخ التسجيل : 25Apr2007
المشاركات : 506
النوع : ذكر
الاقامة : Mokattam
السيارة: سوزوكي التو
السيارة[2]: سيات ليون
الحالة :
مرايات البي إم اكتشفنا انها بتتقفل بالكهربا بس من زرار داخل السيارة مش بالريموت.
المفضلات