السلام عليكم
بص يا باشا احسن واسلم حل عشان متخليش ميكانيكى يلعب فى الأنجيكشن بتاع العربيه ولا اللكترونى بتاعها روح اكشف عليها فى شركة النصر هما عندهم اسكانر بتاع الشاهين انا كنت لسه هناك من كام يوم بشترى حبة قطع غيار لقيت اكتر من 10 عربيات شاهين ملاكى وتاكسى بيعملوا صيانه وسألت هما لسه شغالين صيانه قالوى اه الشركه لسه شغاله صيانه للشاهين وال128 والفلوريدا + بيع قطع الغيار بتاعتهم انما الى وقف هو الإنتاج انما الشركه لسه مفتوحه حتى الراجل بيقولى انهم مستنين طالبية قطع غيار جديده جيالهم فى السكه انا روحت الفرع الى فى غمره بجوار المستشفى العسكرى مباشرة وفى فرع ليهم تانى فى حلوان فى وادى حوف بس لو هتروح اتصل الأول بيهم عشان تعرف فنى الإسكانر موجود ولا لأ عشان هو مبيجيش كل ايام الإسبوع ده الى عرفته من الراجل الى هناك
يارب اكون افادتك
المفضلات