ازاى انضف سقف العربية

**YaSSerwIN** · 29-03-2010 02:45 PM

ازاى انضف سقف العربية انضف سقف العربية من الداخل

فيه اجزاء مش نظيفة

استخدم اية فى تنظيفه

**A.Saad** · 29-03-2010 10:57 PM

عن غير تجربة

هات بنزين تنظيف من محطة بنزين
وجربه
اما سالت عليه قالوا انه ينفع فى الاقمشة والملابس فكدة ممكن ينفع للسقف \بس جرب فى حتة صغيرة الاول

**m.aligamal** · 30-03-2010 12:06 PM

مفيش اسهل من فوم تقريبا العلبه كبيره بتعمل 14 جنيه انتا بترجها كويس و بعدين ترش على السقف هوا بيطلع زى الاسبراى كده بينزل على السقف المتسخ و بعدين تلاقيه بيعمل رغاوى غزيره بتنتهى بعد حوال دقيقتين و بعد ميخلص الرغوه تجيب فوطه نظيفه و تدعك السقف برفق هتلاقى الوساخه اتشالت باذن الله بس طبعا ده بالنسبه للتراب و الكلام ده مجربتوش مع بقع و على فكره الفوم ده كمان ممكن تنضف بيه ارضيه العربيه و الابواب و التابلوه و بينضف فى منتهى السرعه و ن شاء الله جيبلك اسمه بس هوا عامه منتشر جدا و رائحته جميله

**smax** · 30-03-2010 08:37 PM

يا ريت حضرتك تجيبلنا اسمة و هل جربتة قبل كدة و هل بعد ما تخلص تلاقي حتة انضف من حتة و لا تلاي كلة بقي زي بعضة؟
انا عن نفسي ممكن اجربة في موكيت الارض بس السقف بصراحة يخوف.

**ahmedbasto** · 31-03-2010 06:32 PM

افضل حل تروح كار كير

**m.aligamal** · 01-04-2010 12:51 PM

المشاركة الأصلية كتبت بواسطة smax

يا ريت حضرتك تجيبلنا اسمة و هل جربتة قبل كدة و هل بعد ما تخلص تلاقي حتة انضف من حتة و لا تلاي كلة بقي زي بعضة؟
انا عن نفسي ممكن اجربة في موكيت الارض بس السقف بصراحة يخوف.

يباشا انا مجربه بس انا بقول انه للاتساخ مش البقع
sk cleaner
functional foam cleaner
هتلاقى عللامه الاسد داخل الشعار sk

**smax** · 01-04-2010 01:36 PM

المشاركة الأصلية كتبت بواسطة abocato

يباشا انا مجربه بس انا بقول انه للاتساخ مش البقع
sk cleaner
functional foam cleaner
هتلاقى عللامه الاسد داخل الشعار sk

شكرا يا باشا ,
انا عارف انة للاتساخ بس قصدي انة بيبقع يعني لما بيكون القماش متوسخ (مش مبقع) بيكون كلة لونة اغمق من العادي بس مفيهوش بقع,هل بعد استعمال الاسبراي بتلاقي كلة نضف زي بعضة و بقي كلة لونة فاتح ولا تلاقي حتت مش عايزة تنضف( لونها غامق) و حتت نضفط و لونها بقي افتح؟