ليه العربيه بتسخن منى وانا بركن؟

**DR/WAFEK** · 01-04-2010 06:09 PM

انا عندى جراج مرتفع حاجه بسيطه عن الشارع وانا بركن دايما بلاحظ ان المروحه بتشتغل علما بان الار بى ام مبرتفعش معايا علشان يكون ده السبب والمروحه نادر لما تشتغل وانا بره اشمعنى وانا بركن ؟

**Eng.Geo** · 01-04-2010 07:41 PM

الكلام ده وانت كنت في مشوار وراجع ولا وانت لسة هاتمشي؟
الجراج اعلي ولا اقل من الشارع ؟

**DR/WAFEK** · 01-04-2010 07:54 PM

المشاركة الأصلية كتبت بواسطة eng.geo

الكلام ده وانت كنت في مشوار وراجع ولا وانت لسة هاتمشي؟
الجراج اعلي ولا اقل من الشارع ؟

غالبا بعد مشوار بس برده بتحصل وانا بكون ممشتش كتير يعنى بعد نص ساعه مثلا والجراج اعلى حاجه بسيطه

**amrelsaqqa** · 01-04-2010 08:59 PM

لأنك لما بتكون ماشى على التانى او التالت بتبقى مريح الموتور وفي نفس الوقت الهوا اللى بيخبط فيه بيبرده

انما لما بتيجى تركن بتبقى على الاول او الريفرس و بتاخد فترة طويلة في الركن ده غير ان لو الجراج او مكان الركنة عالى بيستهلك بنزين اكتر و بالتالى الموتور يسخن وطبعا مفيش سرعة او هوا من برة يبرده فالمروحة تشتغل

والله اعلم

**tarek2001** · 01-04-2010 09:04 PM

برافو رد منطقى جدا واحييك

**Eng.Geo** · 01-04-2010 09:57 PM

لأنك لما بتكون ماشى على التانى او التالت بتبقى مريح الموتور وفي نفس الوقت الهوا اللى بيخبط فيه بيبرده

انما لما بتيجى تركن بتبقى على الاول او الريفرس و بتاخد فترة طويلة في الركن ده غير ان لو الجراج او مكان الركنة عالى بيستهلك بنزين اكتر و بالتالى الموتور يسخن وطبعا مفيش سرعة او هوا من برة يبرده فالمروحة تشتغل

والله اعلم

الكلام ده سليم ولكن مش بالصورة ده
وان كان اقرب الاحتمالات
بيقول ان مشواره نص ساعة والجراج مش عالي علي ما اظن من كلامه ان في علو رصيف عالي وده مش مجهود كبير
كدة ممكن يكون غطا القربة بتاعة الرادياتير مش مقفول كويس وممكن يكون زيت الموتور قليل او مش كويس او المياه في الرادياتير ناقصة
حاول تشوف كدة ايه من الحاجات ده ممكن يكون بيحصل وهنتابع معاك
وان شاء الله تتحل

**amrelsaqqa** · 01-04-2010 10:22 PM

المشاركة الأصلية كتبت بواسطة eng.geo

الكلام ده سليم ولكن مش بالصورة ده
وان كان اقرب الاحتمالات
بيقول ان مشواره نص ساعة والجراج مش عالي علي ما اظن من كلامه ان في علو رصيف عالي وده مش مجهود كبير
كدة ممكن يكون غطا القربة بتاعة الرادياتير مش مقفول كويس وممكن يكون زيت الموتور قليل او مش كويس او المياه في الرادياتير ناقصة
حاول تشوف كدة ايه من الحاجات ده ممكن يكون بيحصل وهنتابع معاك
وان شاء الله تتحل

ماشى بس هو ما قالش ان العربية بتسخن بتولع
هو قال يدوبك المروحة بتشتغل

وقال ان الموضوع ده في الركن بس مش في المشى العادى

يعنى تقريبا هو مستغرب ازاى المروحة بتشتغل في الدقيقتين بتوع الركن وما بتشتغلش في مشوار النص ساعة

فكان رايي اان التحرك بالعربية من على الارض بيحتاج عزم اكتر من الموتور عكس التحرك في وجود سرعة وده اللى بيزود استهلاك البنزين والحرارة ده غير موضوع الهوا اللى بيبرد الردياتير لما يكون ماشى بسرعة
وبرضه كلامك صح بس انا كنت بوضح ايه سبب ان المروحة تشتغل هنا وهنا لا

**DR/WAFEK** · 02-04-2010 02:51 AM

شكرا يا جماعه على ردودكم بس فعلا انا بقول انها بتسخن علشان المروحه بس مش موشر الحراره وبالنسبه لميه الردياتير مش ناقصه دى عند الماكسمم وزيت الماتور اللى عربيه زيرو وعامله 5 تلاف وهو بتغير عند عشره بس معرفش نوع الزيت الصراحه وانا اللى فهمه ان كل ما ار بلى ام ارتفع كل ما العربيه تكون اكتر عرضه للسخونه فى الركنه الار بى ام مبيوصلش ل 3 وبحس ان صوت العربيه عالى وده للان داخل مكان مقفول وبالنسبه للجراج فهو مش عالى يعنى حاجه بسيطه السوال بقى فايدة المروحه انها تشتغل لو زادت الحراره حاجه بسيطه ولا زادت جامد؟

**Ahmed Galal** · 02-04-2010 03:02 AM

انا عندى نفس الموضوع بتاعك فى عربيتى و الجراج عالى سنة عن الشارع و بادخل فيه و انا راجع بضهرى و بردك المروحة تقوم شغالة بس ده عادى جدا بعد مشوار او حتى بعد نص ساعة سواقة

**DR/WAFEK** · 02-04-2010 03:31 AM

المشاركة الأصلية كتبت بواسطة agmgranturismo2006

انا عندى نفس الموضوع بتاعك فى عربيتى و الجراج عالى سنة عن الشارع و بادخل فيه و انا راجع بضهرى و بردك المروحة تقوم شغالة بس ده عادى جدا بعد مشوار او حتى بعد نص ساعة سواقة

عالى مين يا عم ده انت بتركن فوق السطح ومش عايزها تسخن هههههههههه

الموضوع: ليه العربيه بتسخن منى وانا بركن؟

LinkBack

أدوات الموضوع

عرض

ليه العربيه بتسخن منى وانا بركن؟ - انشر الموضوع فى :

-

-

-

-

-

-

المواضيع المتشابهه

وانا برفع العربيه بالكرويك وشلت العجل لقيت العربيه وقعت على الارض

الرجاء المساعده العربيه بطلت ومش عايزه تدور؟!!!!العربيه وانا ماشى بيها لاقيتها مره وا

العربية بتسخن وانا اتخنقـــــــــــــــــــــــــــــــــــــــــــــ ـــت.

وانا كمان عربيتي بتسخن و بتبطل

وانا بركن كحت فى الرصيف و تنيت العتب Civic 2007

الكلمات الدلالية لهذا الموضوع

المفضلات

المفضلات

ضوابط المشاركة