من منكم له في الفسيخ والمسائل دي.. انا ماليش في الفسيخ ولا اطيق رائحته، ولا الملوحة..بس لي في الرنجة!!! ناس كتير بيستغربوا ازاي استحمل الرنجة ولا اطيق الفسيخ؟؟!!! اقول لكم ازاي:
قبل اختراع الثلاجات كان يتم حفظ الطعام بتجفيفة بثلاثة طرق هم التمليح والتسكير (الزبيب والمشمش) والتدخين
الرنجة:
الرنجة الطبيعية بتتعمل من نوع سمك اسمه الهيرنج (في مصر بتتعمل من نوع قريب الشبه من الهيرنج) ويتم تمليحها ثم تدخينها على خشب محروق (نوع معين من الخشب طبعا) يعني بتعدي على حرارة في التصنيع
الفسيخ:
بيتعمل من سمك البوري البحري (عادة) ويتم تمليحه بملح رشيدي معتبر في خياشيمه ثم تخزينه في تانكات سيرامك أو خشب وإللي بيعمل الفسيخ في البيت بيخزنه في برطمنات زجاج..بس صناعة الفسيخ الصح لازم السمك يتساب في الأول حتى درجة تحلل معينه (تعفن يعني) ثم يتم التمليح..اي خطأ في أي خطوة من دول معناها تحول السمك لسم على طوووول.
الملوحة:
بيتعمل من نوع سمك نيلي (نهري) اسمه كلاب!!! وسبب التسميه إن فك السمك طالع منه انياب زي الكلب. والسمك الكلاب دا ماينفعش خالص في أي اكل غير إنه يتعمل ملوحة. والملوحة في الأصل أكلة سوداني. ويتم التمليح بعد شطف السمكة بعد الصيد مباشرة..عيبها الأساسي أنها تتباع في صفائح!!!
يبقى أنهي احسن بقى :-) دي أقصى معلوماتي عن الثلاثة أنواع..حد عنده معلومات أكتر؟
المفضلات