الموضوع: الحقوني او الحقوا العربيه الجديده بتاعتي

ياباشا اطلع على اى مكتب تعليم قياده
وقوله انك عاوز تتعلم على اتوماتيك
هتاخدلك كام جلسه عندهم وتبقى تمام
وعلى مهلك ماتستعجلش

زي ما أستاذ أبوهاشم قال لحضرتك أي مركز تعليم سواقة و يكون فيه أوتوماتيك ... و خد كورس سواقة أسبوع متواصل و حاول تمارس كتير بالليل أو في أماكن مش زحمة الاول و بعد كده إطلع في الشوارع و لف كتير و ياريت يكون جنبك حد بيسوق كويس ...

اتعلم مانيوال الاول وبعدين سوق اوتو
والسواقه مفهاش استعجال عشان هتبقى روحك وروح اللى راكبين معاك امانه فى ايدك
متستعجلش وخد الموضوع على مهلك
انا مش بخوفك بس العربيه ممكن توصلك الشغل وممكن توصلنا كلنا الى القبر (بعد عمر طويل ان شاء الله)
مش مشكله خالص لما تستلم العربيه وتركنها تحت البيت لغايه ما تتقن السواقه

بص يا سيدي انا هتكلم عن الاوتوماتيك العادي
غيارات الاوتوماتيك في 4 منها مهمين

الغيار p
يعني لما تركن او تقف وتعشق العربية
والعربية الاوتوماتيك بتعشق حتى وهي دايرة
الغيار n
يعني وضع المور
الغيار d
يعني شغل العربية ودوس بنزين والعربية هتمشي معاك وتغير لنفسها اوتوماتيك
الغيار r
الرجوع للخلف والمهم انك تستخدمة وانت دايس فرامل علشان العربية تبقى واقفة تماما

الفتيس في بعض العربيات مبيتحركش اول حركة غير وانت دايس فرامل
وفي بعض الانواع في زرار في عصاية الفتيس تدوس عليه بالابهام وتغير

بص يا باشا
1-حط المفتاح في الكونتكاكت وشغل العربية
العربية مش هتشتغل غير والغيار على الوضع n او p
2- هتستخدم قدم واحدة اللي هي اليمين وتركن الرجل الشمال على جنب وتخلي كعب رجلك بين دواسة البنزين والفرامل
دوس بنزين وامشي عادي جدا والعربية هتغير لوحدها كل ما دوست بنزين وزودت السرعة
3- لما تحب تقف شيل رجلك من على البنزين ودوس فرامل لغاية ما العربية تقف وهات الفتيس على الوضع p
بس خلاص
هي دي الاوتوماتيك العادي
اما بخصوص القيادة كفن فلازم تتعلم في مركز تعليم محترم

تماام يا عمر الله ينور