بتاريخ 6 إبريل 2010 تم إنضمام نوكيا e66 و e71 إلى قائمة الهواتف التي تدعم الملاحة المجانية عن طريقالإصدار المجاني الحديث من برنامج Ovi maps الخاص بنوكيا

بصراحة انا كنت مستني الخطوة ديه من وقت ما فعلوا نفس النظام في ال n97 و ال e52 e72 ...
نوكيا بتقول انه بناء على طلب من جماهير المستخدمين تم ضم الموجيلين e66 و e71 إلى قائمة الهواتف المدعومة بنظام الملاحة المجاني من nokia ovi maps..
لتحميل البرنامج أختر هاتفك من القائمة الموجودة في هذا الرابط
Free Navigation on your Nokia. Forever - Ovi Maps - Downloads

دمتم في حفظ الله

الف مبروك

بس للأسف أنا لسه منتظر لما تليفوني الـ n79 يدخل القائمه هو كمان

انا معايا 82
ايه ظروفه؟

انت رائع انا مستنيه ينزل من زمان e71

اقتباس المشاركة الأصلية كتبت بواسطة mramzy انت رائع انا مستنيه ينزل من زمان e71

أنا لسه منزله عندي على e71 بردو . هل محتاج نحمله خريطة مصر برضو ولا ايه النظام ؟؟؟

خبر رائع
بس للأسف خرايط مصر ضايعة خالص
الواحد لو مشي ورا التوجيه بتاعها يا هاينزل في ترعة يا هايروح في داهية :)

انا كمان معايا e71 والله النهاردة كنت بفكر اشتريك لمدة سنة ب 81 جنية سبحان الله لسة بافتح النت وبدور كده لقيت الخبر فقلت افرحكوا:)
خرائط مصر نزلها عن طريق ال maploader or map updater وخخلية يلغي الخرائط القديمة هجرب النهاردة وانا مروح كدة وهبقى اكتب بكرة حصل ايه لو موقعتش في ترعة على رأي اخونا ابو حمزة:)

طيب انا اصلا كنت منزل البرنامج وكنت عامله حوار الي هو فك شفره البرنامج وضرب الشهاده وكذا حوار كده علشان يشتغل علشان في الاول كان بيطلب شراء البرنامج , فدلوقتي لو نزلت البرنامج وحطيته على الموبايل هيشتغل عادي ولا لازم كسر الحمايه وكده ؟؟؟؟؟؟؟؟؟؟؟

اقتباس المشاركة الأصلية كتبت بواسطة أبو حمزة خبر رائع بس للأسف خرايط مصر ضايعة خالص الواحد لو مشي ورا التوجيه بتاعها يا هاينزل في ترعة يا هايروح في داهية :)

انا معايا E52
و شغال بال OVI Maps من يوم ما جبته و الصراحة ممتاز فعلاً...
الخرائط و التوجيه بتوعه دقيقين جداً و المطاعم و الخدمات و كل الحاجات دي معمولها أبديت حديث...

عمري ما كنت أتخيل كم التكنولوجيا اللي إحنا فيه ده بصراحة :)

اقتباس المشاركة الأصلية كتبت بواسطة NaderNabil انا معايا E52 و شغال بال OVI Maps من يوم ما جبته و الصراحة ممتاز فعلاً...

ماشاء الله
أرزااااق بقى يا نادر
بصراحة هو أنقذني كتير بس برضة ساعات أكتر أجي أعتمد عليه ألاقيه مخرّف