هل يمكن ضبط خلوص اللانوس على 0.50 ؟

**tompina** · 08-04-2010 09:29 PM

بما إني اشتريت فيللر .. فطبعا مش هاسكت إلا لما أفتكس لي حوارات معاكم وخصوصا الباش مهندس سمير هو وأبو يوسف علشان هم أكتر اتنين بيكرهوا الافتكاسات ولولا بقية من صبر كانوا ضربونا بالنار !

المهم .. اللانوس بيتظبط الخلوص بتاعها على 0.80 ملم .. ولو كان أكبر من كده الموبينا بتتضر مش كده ؟
طب لو ظبطناه على أضغر من كده .. 0.50 مثلا .. دا أحسن وللا أسوأ ؟

**samirayad** · 08-04-2010 09:33 PM

ممكن تنزل ل0.7 مم
أما 0.5 مم

يبقى حتشترى بالقريشينات بوجيهات

ياتعملك خط أتصال مع ngk

لأنك كل يوم
ممكن تحتاج طقم بوجيهات

لو أصريت على 0.5 مم

**tompina** · 08-04-2010 09:36 PM

ههههههههههههه !
يعني أفهم من كلام حضرتك إن البوجيه لو الخلوص بتاعه صغر عمره الافتراضي هايقل ..
ولو كبر عمر البوبينا الافتراضي هايقل ؟

**samirayad** · 08-04-2010 09:41 PM

يعني أفهم من كلام حضرتك إن البوجيه لو الخلوص بتاعه صغر عمره الافتراضي هايقل ..

نعم

ولو كبر عمر البوبينا الافتراضي هايقل ؟

غير متأكد من هذا

وأعتقد مفيش علاقه ( مجرد أعتقاد )

الى أن أوافى بالدليل الفنى عن هذه الأحتماليه

**tompina** · 08-04-2010 09:49 PM

المشاركة الأصلية كتبت بواسطة samirayad

غير متأكد من هذا

وأعتقد مفيش علاقه ( مجرد أعتقاد )

الى أن أوافى بالدليل الفنى عن هذه الأحتماليه

ماهو ياباشا لو أنا معايا حجر وعاوز أرميه لمسافة صغيرة يبقى هابذل مجهود صغير وكل ما زادت المسافة المطلوب إلقاء الحجر إليها زاد الجهد المطلوب .
(العفو يا باشا أنا مش بعدل عليك) بس دا تخيلي للبوبينا .
يعني علشان أدي شرارة بين خلوص أكبر هاضطر أبذل جهد أعلى ؟
وللا أنا مش فاهم وللا إيه ؟

**samirayad** · 08-04-2010 10:06 PM

ماهو ياباشا لو أنا معايا حجر وعاوز أرميه لمسافة صغيرة يبقى هابذل مجهود صغير وكل ما زادت المسافة المطلوب إلقاء الحجر إليها زاد الجهد المطلوب .

تمام

(العفو يا باشا أنا مش بعدل عليك) بس دا تخيلي للبوبينا .

بالعكس أنا بأحب الراجل اللى بيفكر زيك كده

وطالما فكرنا
حنطلع الزبد

ماهو الأجانب مش عندهم دماغ ..........وأحنا عندنا كوارع

بالعكس
نحن نفوقهم بمراحل ...........بس ياخساره
مابنفكرش زيهم

وتركيزنا مشوش فى أكثر من أتجاه

وميزتهم عننا
اللى بيفكروا فيه .....بينفذوه مهما كان
ليه ..........لأنهم مركزين فيه

يعني علشان أدي شرارة بين خلوص أكبر هاضطر أبذل جهد أعلى ؟

كلامك ده
لما تكون البوبينا بتشوف قيمة الثغره وبتتصرف على أساسها
لقت الثغره واسعه .............زودت الفولت

لقت الثغره ديقه ...............قللت الفولت

ولو أحنا فكرنا بالشكل ده

يبقى ده

البوجيه لو الخلوص بتاعه صغر عمره الافتراضي هايقل

غلط طبعا
وأحنا أتفقنا غير كده
وقولنا أن تقليل الثغره عن المقنن حيبوظ البوجيهات

طيب ليه ياحمو
البوبينا لما شافت الثغره صغيره
مقللتش الفولت

ومبذلتش مجهود بسيط علشان البوجيهات متبوظش

**Badrawy** · 08-04-2010 10:18 PM

بيتهيألي الموبينا بتطلع جهد ثابت على حسب عدد لفات الملف الرئيسي والثانوي بغض النظر عن حجم الفتحه بتاعت البوجيه وبيتهيألي برضو علشان كده في ناس بتقول انه مش لازم البوجيه ال 3 شمعه يبقي احسن من ال 1 شمعه لنفس العربيه
كل عربيه ليها تصميم معين للموبينا على اساسه بيتحدد الفولت الى طالع وبالتالي بيتحدد البوجيه كام شمعه وكل شمعه الفتحه او الثغره حجمها قد ايه

حبيت اشارك معاكم اصلي لسه واخد الحاجات دي فى الكليه ههههههه

**samirayad** · 08-04-2010 10:36 PM

المشاركة الأصلية كتبت بواسطة badrawy

بيتهيألي الموبينا بتطلع جهد ثابت على حسب عدد لفات الملف الرئيسي والثانوي بغض النظر عن حجم الفتحه بتاعت البوجيه وبيتهيألي برضو علشان كده في ناس بتقول انه مش لازم البوجيه ال 3 شمعه يبقي احسن من ال 1 شمعه لنفس العربيه
كل عربيه ليها تصميم معين للموبينا على اساسه بيتحدد الفولت الى طالع وبالتالي بيتحدد البوجيه كام شمعه وكل شمعه الفتحه او الثغره حجمها قد ايه

حبيت اشارك معاكم اصلي لسه واخد الحاجات دي فى الكليه ههههههه

**Dr.lancer** · 08-04-2010 10:43 PM

وميزتهم عننا
اللى بيفكروا فيه .....بينفذوه مهما كان
ليه ..........لأنهم مركزين فيه

والله كلامك صح يا باشمهندس أنا شغال فى شركة أجنبية و بلاقيهم بيمسكوا حاجة صغيرة جدا و بيفصصوها بدرجة تعل بس لما بتخلص ماينفعش تزود أو تضيف حاجة عليها وده اللى بنقول عليه Subspeciality يعنى تخصص فى التخصص نفسه يعنى موش تخصص د.عظام لأ تخصص فى مفصل الركبة فقط (دكتور ركب فقط!!) و بنقعد نتريق عليهم و إحنا الغلطانين لأننا مبنركزش زى ما قلت.

**samirayad** · 08-04-2010 10:52 PM

ياباشا أنا روحت بلاد أجنبيه كتير

اليابان - الصين - ألمانيا - السويد - كوريا

وشوفت الناس بتفكر أزاى

والله آخر مره فى عام 2006

كنت رايح تفتيش على مسبوكات للشغل عندى
وأنا أساسا ميكانيكا باور ( مش ميكانيكا أنتاج )

يعنى أختيارى للسفر من مصر أساسه غلط

لأن معندناش حاجه أسمها تخصص

كله نظام
سمك لبن تمر هندى

بس قمت بفضل الله بالواجب وزياده مع الشركه الصينيه
وعملت أختبارات على كل القطع اللى أنا طالع أفتش عليها زى الكتاب مابيقول
( لأننى أخدت كورس عملى من الزملاء بترسانة بورسعيد )
كانوا 9 قطع بحوالى مليون جنيه

______________________

أديتهم شهادة تفتيش على قبولى ل4 قطع بعد مغلبونى معاهم شغل ليل نهار فى المسبك

وسيبتلهم خمس قطع عندهم بدون شهاده

______________________________

المهم أنا تيقنت تماما أنهم زى جهاز الكمبيوتر

ينفذ البرامج بدقه ولا يفكر بدماغه

جاله داتا غلط ...............يديك بيانات غلط
والعكس صحيح
قيس على كده غالبية الأجانب

_______________________

ولكن النجاح عندهم قادم من التركيزفى التخصص

الموضوع: هل يمكن ضبط خلوص اللانوس على 0.50 ؟

LinkBack

أدوات الموضوع

عرض

هل يمكن ضبط خلوص اللانوس على 0.50 ؟ - انشر الموضوع فى :

-

-

-

المواضيع المتشابهه

كيف يمكن اصلاح عتب اللانوس؟؟؟؟؟؟؟؟؟؟

خلوص البوجيهات كام ؟

هل يمكن مقارنة اللوجان بالفيرنا و اللانوس ؟!!!!!

ضبط خلوص التاكيهات

ظبط خلوص البوجيه فى اللانوس

الكلمات الدلالية لهذا الموضوع

المفضلات

المفضلات

ضوابط المشاركة