وعليكم السلام ورحمة الله وبركاته
انا رحت المعرض مع واحد صاحبي وهو بيشتري نيو اكسنت من هناك ,, بصراحه كانت معاملته ممتازه ,وفي اهتمام واضح بالعميل ,المبيعات بتاعته كبيره جدا( بسم الله ما شاء الله )وبيكون عنده معظم الوان الموديل ودي ميزه مهمه جدا ,
لكن تفاصل معاه كويس لانك بتعرف تجيب منه سعر اقل من باقي المعارض ,حاول تاخد لفه كده وتعرف اسعار باقي المعارض وبعدين تروحله وتقوله انا خدت عرض سعر من الحته الفلانيه وكان كذا ,وهتلاقيه نزل معاك عن المكان التاني ,,عن تجربه .
لما حضرتك تستلم العربيه شيك عليها كويس جدا لان المكان اللي عنده ملزق العربيات في بعضها والعمال وهما بيطلعولك العربيه احيانا بتحك في بعضها (وحصلت قدامي ),, بعض الناس اللي بتتفرج ماعندهاش اي مسؤوليه وتلاقيه فتح الباب جامد وخبط في العربيه اللي جنبه (وعااااااااااادي جدا) كمان تتاكد من العتب من تحت والاكصدامات لانهم احيانا بيكونوا محكوكين وبيقولوا انها لازم تكون موجوده عشان العربيات وهيا نازله العربيات الكبيره اللي بتنقلها بتحك في الارض !!!!
واعتقد انه واخد احسن موزع السنه اللي فاتت او حاجه زي كده مش فاكر لانه ملزقها على كل حيطه في المعرض.
اسف طولت على حضرتك ويارب اكون قدرتك افيدك
تحياتي
المفضلات