هاقولك علي الصحراوي عشان ده اللي في الغالب باستخدمه
أولا:هتوصل للصحراوي ازاي؟؟؟
1-المحور
2-الدائري
3-نهاية شاره الهرم وفيصل (ميدان الرمايه)
ثانيا:هتمشي في الصحراوي مباشر ولا يمين ولا شمال لغاية ماتعدي الباوبتين بس خلي بالك من الرادار وخلي بالك عشان في تحويلات كتير في الطريق عشان بيجددوه وبيعملوه طريق حر
ثالثا:
بعد بوابة اسكندرية هتكمل علي طول وتطلع 3 كباري لغاية ماتلاقي لفه شمال كبيره عند كارفور هتخشها وهتلاقي معظم العربيات دخلتها
تكمل علي طول هتلاقي كوبري محرم بك ما تطلعوش وتكمل من جنبه شمال بعدها هتلاقي كوبري تاني تطلعه وتخش النفق وتعدي مزلقان صغير هتلاقي نفسك بقيت علي الكورنيش وعلي شمالك مكتبة الاسكندرية تمشي علي طول في الكورنيش حتي سيدي بشر
خلي بالك عشان الكورنيش واسع جدا وخطر وخليك في النص عشان بعض اليو تيرنات معمولة بغشامة
المفضلات