حاسس انى بيشتغلنى

**smsm061274** · 13-04-2010 06:25 PM

ان شارى العربيه من شهر 10 وكان دايما عندى مشكله فى التدوير الصبح لحد ما رحت لبتاع بطاريات الشهر الماضى وغيرلى ماء البطاريه بالكامل وقاللى ان كثافته عاليه واخد 10 جم ومن ساعتها العربيه بقت رهيبه وبتدور من اول مره حتى لو اتركنت يومين فشجعنى ورحت له النهارده راح مغير المياه تانى فلما سألته عن سبب الكثافه العايه من وجهه نظره قال لى ان البطاريه نحتاج لسحبها من العربيه يومين تنظيف واعاده شحن وهتبقى فل الفل واخد منى المره دى 15.00جم ولما سألته عن الزياده قال لى عشان حطيت مياه كتيييير .
وقالى انا مستيك 15/05 ان شاء الله
كلامه صح ولا اشتغاله من اشتغالات الزمن
البطارية 70 نسر سائله والعربيه لادا2105 1995

**SkyBird** · 13-04-2010 09:42 PM

يومين تنظيف واعاده شحن

شكلو بيشتغلك يا مان
والظاهر انه سحب المية من البطارية وخد 10 جنيه وبعدين رجعها وخد 15 جنيه
وممكن يكرر العمليه الشهر اللي جاي
والله اعلم

**smsm061274** · 13-04-2010 11:34 PM

لا هو الحقيقة كان بيرمى المياه القديمة فى الشارع .
كان استفسارى هو حوار تنظيف البطاريه واعاده شحنها ده سليم.

**محمد بازيد** · 14-04-2010 12:06 AM

يجب الكشف على البطارية كل شهر فى الشتاء وكل شهرين فى الصيف أو اذا استدعت الحالة وذلك للكشف على كثافة الماء وقياس شحن الدينامو

**sab3aawy** · 14-04-2010 11:04 AM

طول ما العربية بتدور معاك كويس ابقى افتح غطاء البطارية كل شهر او شهرين مرة وبص على السائل، لو لقيته مغطى الشرائح الرصاصية يبقى المسائل تمام ومتعملش حاجة، لو لقيت السائل نقص او الدوارة ضعفت ابقى زور بتاع البطاريات، انا حصل معايا فى رمضان اللى فات ان العربية الصغيرة قطعت بطارية خلاص، دورتها زق ورحت لبتاع البطاريات لقى المية ناقصة، زودها مية وحامض وظبط الكثافة، ومن ساعتها لحد ديلوقتى ادينا داخلين على رمضان اللى بعده محدش جه ناحيتها تانى وشغالة الحمد لله زى الفل، فقط كل شهر او اتنين كدة ببص على مستوى المية