السلام عليكم ورحمه الله وبركاته

كان عندي استفسار بسيط بخصوص دواء اسمه calmepam 1.5 mg كان تم ترشيحه لصديق لي ليساعده على الإحساس بالهدوء والاستقرار النفسي خاصه مع ضغوط الشغل والحياه بشكل عام

والخوف هو ان يكون الدواء ده بيعمل نوع من التعود او شبه ادمان

ارجو من الساده المختصين توضيح كل ايجابيات وسلبيات هذا الدواء وهل فعلا ممكن الدوا ده يكون زي ادمان او شئ من هذا القبيل

معلش ياجماعه هتعبكم معايا , بس اتمنى تقولولي كل التفاصيل الخاصه بالموضوع ده


مع مراعاه ان صديقي ده عمره ما اخد مهدئات ولا بيحب الادويه اصلا

هو نازل جدول مخدرات- هو مش منوم - هو على حسب فهمى بيعمل ارتخاء للعضلات فبيريح ويساعد على النوم
انا استخدمته فتره - بروشتة دكتور برضه علشان ضغوط الشغل
بعد كده استخدامه معايا بيبقى فى حالات الارق الشديد او التوتر - السفر والطيران الطويل
اهم حاجه ميسوقش وهو واخده- لانه بياخر رد الفعل
ال 1.5 مش تقيل قوى- ولو خايف يبتدى بنص قرص
والاحسن منه بقى كباية ينسون

أدوية سيئة في أثرها وأعراضها الجانبية وفي أعراض الانسحاب بعد توقيفها...يعني اللي متوتر شوية ومنفعل عنده عشرات الوسائل الأخرى للتغلب على ذلك...ولا يلجأ لهذه الأدوية إلا في حالة الفشل التام لبقية الوسائل الأخرى

أنا كنت بأخد ال 3 مللج!

كالميبام

المادة الفعالة( برومازيبام)
ينتمي للجدول التاني للأدوية المخدرة
يسبب التعود

......
المعلومات الصريحة عنه إنه مهدئ ..ومضاد الهياج

وبصراحة
مفيش دكتور محترم بيكتبه إلا في حالات محدودة جدا
يعني ..لو واحدة ست جوزها مات-على سبيل المثال- بتاخد الكالميبام ده كنوع من المهدئات في المواقف الصعبة إلي زي دي

وغيره كده ...ماينفعش تاخده

..والله أعلم..

ياخبر ابيض !!!!!!! ده على كده غلط وخطر على الصحه العامه !!!!!!!!

مش خطير للدرجه دى
- زى ما اتقال خطره فى التعود عليه
عموما لازم يستعمل بحرص وتحت اشراف طبى

بصراحه انا شخصيا اعرف كذا حد بياخده بس بجرعات خفيفه جدا وقت اللزوم ومفيش اي مشكله حصلت , ومن ضمن الناس دي والدة واحد صاحبي , والدكتور كاتبلها عليه عشان يساعدها على النوم تقريبا , لكن مش كـ منوم !!!!!!

ايوه هو مش منوم- يعنى هو بيساعد على الاسترخاء فالواحد يسهل عليه النوم - لكن لو حد نده على الواحد يصحى عادى- وانا بصراحه ما قابلتش صعوبه فى انى اتوقف بعد فتره - جايز لانى كنت باخد جرعات خفيفه-
ولو هو خطير ما كانش دكتور متخصص قلب وصفه لى
بس زى اى دوا له تاثيرات زى دى لابد تتابع مع طبيب ويتاخد بحرص
لكن لحد دلوقت ما قابلتش حد اشتكى من اعراض جانبيه
وانا مع اللى بيقول لو فى بديل للاسترخاء غير الادويه يبقى احسن طبعا
بس احيانا الضغوط بتبقى عاليه جدا
يعنى مثلا كنت مسافر بره مصر ومرهق جدا من السفر وتانى يوم الصبح بدرى فى اجتماع وزى محاضره مطلوب القيها
طيب مرهق ومش جاى لى نوم
مالهاش حل غير حاجه زى كده - بس لو مثلا الاجتماع كان متاخر - كنت حاخد شويه سوائل زى الينسون والكركديه واحاول انام ولو ساعه او اتنين
يعنى انا باقول لو الدكتور هو االلى وصف الدوا لصحبك ياخده ويتابع مع الدكتور
اللى خلى الدوا يدخل جدول مخدرات هم الصيادله خربى الذمه اللى بيبيعوا الادويه دى للمدمنين باسعار خياليه - وطبعا المدمن مش بياخد قرص واحد ونص ملجم لا ده بيبلبع 2 او 3 من تركيز ال 3 كمان
بالضبط زى ادويه الكحه اللى فيها كودين - طبعا بسببهم اتمنعت وبعد ماكان دوا الكحه بياثر بلطف وسرعه بقى زى قلته
للاسف شعب كيييف قوى

طيب و بالنسبة لل trittico يا د.احمد....؟