الموضوع: مشكلة سخونة البولو ارجو الافادة

اخى العزيز
السلام عليكم

1- ممكن تكون دورة المياة واخدة هواء وبالتالى انت لازم تزود مياة وتفك الخرطوم اللى فى القربة لجد ما يخرج منة مياة وتستمر لمدة دقيقة لجد ماتلاقى المياة خارجة بدون هواء اى بدون تقطيع
2- ممكن يكون هناك تسريب من احد الخراطيم الواصلة من والى الريداتير والموتور ذى ماقال الاخ smax
المشكلة دى كانت معايا فى ابيزا 94 اعتقد انه نفس الموتور وطلع العيب من الشجرة كان في تسريب من عندها

المشاركة الأصلية كتبت بواسطة smax

اغسل الموتور و بعدين شوف اي اثار تسريب مياة لاو مفيش اي اثار.
انا حصل معايا حاجة غريبة زمان في فيليشيا العربية جابت وش سلندر و بقيت احط مياة في الرادياتير تنزل كلها من الشكمان! مش عارف ممكن يكون عندك تسريب بسيط بين دورة المياة و دورة الاحتراق.

هو انا كنت بصيت قبل كده و مفيش تسريب بس انا بردو رحت غسلت الماتور عشان ابقى مطمن مالقتش اى تسريب او اى اثار تسريب
اما حكاية المياه من الشكمان فانا بصيت على الشكمان ومع تزويد بنزين مكنش بينزل مياه ولا حاجة
وشكرا جدا لحضرتك

المشاركة الأصلية كتبت بواسطة m_o_b_i

اخى العزيز
السلام عليكم

1- ممكن تكون دورة المياة واخدة هواء وبالتالى انت لازم تزود مياة وتفك الخرطوم اللى فى القربة لجد ما يخرج منة مياة وتستمر لمدة دقيقة لجد ماتلاقى المياة خارجة بدون هواء اى بدون تقطيع
2- ممكن يكون هناك تسريب من احد الخراطيم الواصلة من والى الريداتير والموتور ذى ماقال الاخ smax
المشكلة دى كانت معايا فى ابيزا 94 اعتقد انه نفس الموتور وطلع العيب من الشجرة كان في تسريب من عندها

وعليكم من السلام ورحمة الله وبركاته

بالنسبة لموضوع الهواء اللى فى دورة المياه ده انا هنفذ اللى حضرتك قولته وربنا يسهل
و اما عن السبب التانى انا معلوماتى مش قد كده فى الميكانيكا فهو ايه الشجرة دى؟
وشكرا لحضرتك