الموضوع: المنصورة - طنطا

أن شاء الله تطلع من طريق المشايه السفلى لحد اخره من عند النشاجون الشرقيون وبعدين هتاخد شمال فى شمال لحد متوصل الصنيه الى عند كبرى طلخا تلف الصنيه وتتطلع الكوبرى شمال وتخلص الكبرى هتنزل عند الصينيه الى تحت كوبرى السريع تلفها شمال من تحت الكوبرى وكده تكون طلعت على السريع وتمشى طوالى ولا يمين ولا شمال وهتعدى على كذا علامه مميزه زى مركز العدوى لصيانه السيارات وكوبرى الراهبين العلوى وكفرالثعبانيه وسمنود وبعدين محله أبو على (منطقه زحمه شويه ) وبعدين هتعدى من أمام مديريه الأمن وتخليك طوالى لحد متلاقى الطريق بيلف بيك يمين وبرضه خليك مع الطريق اليمين ده ( الدائرى بتاع المحله ) أخر الطريق ده هيوصلك طريق طنطا المحله السريع ( هتلاقى نقطه مرور ) عدى من عندها وخش يمين ومشى علطول لحد متوصل طنطا هتلاقى قاعات أفراح كتير على اليمين والشمال
بس خلى بالك من المطبات طول الطريق علشان كتير وفى نص طريق المحله طنطا هتعدى من على مزلقان
وتوصل بالسلامه أن شاء الله وتنور طنطا

حمادة باشا اشكرك جداا على التوضيح

والطريق ياخدله قد ايه وقت تقريبا ؟؟

لو واحد يعتبر أول مره يمشى عليه 1.15
واحد متمرس فى الطريق وعارف المطبات أن شاء الله 45 دقيقه
وعموما فى التأنى السلامه وربنا يوصلك بالسلامه
ولو محتاج عنوان مكان فى طنطا او حاجه أنا تحت أمرك