الموضوع: أجهزة كشف الردار

انا اللى اعرفة انها ممنوع
اما موجودة فى مصر مش عارف
ومتابع معاك عشان نعرف

لقيه فين
اسال عنه مين

أنا عايش في أمريكا من 12 سنة وأحب أفيدكم.
فيه نوعين من الرادارات ، نوع بيستخدم الموجات الصوتية وداه قديم ( أعتقد داه إلي موجود عندكم في مصر) . وداه ممكن يبقى ثابت في كمين أو متحرك في عربية. وبيعتمد على الموجات الصوتية الرادارية
داه الجهاز بتاع كاشفو موجود ورخيص جداً ، يمكن 70-80$. وداه كويس في الكشف عن الرادارات لانه بيلقط الموجة الصوتية وهي في طرقها من الكمين وينبهك قبل متخبط في عربيتك وترد تاني وتقرا عندو

أما النوع التاني وداه الجديد وموجود هنا هو رادار الليزر. داه عبارة عن مسدس ،يعني محمول ،بشيلو الظابط في ايده ويسلط على العربية. بس لازم مايكونش من ورا الزجاج و لازم يكون ثابت. ، ولازم ايدو متكنش مهزوزة
. داه عيبو انك ماتعرفش تكتشفو لانه ساعة مبيصلات الجهاز على عربيتك،بيكون أخد القراءة الفورية. لسة أخيراً نازل الجهاز إلي بيعرف يفكه وداه وظيفتو إن يعمل تشويش على شعاع الليزر، لكن مايعرفش ينبهك ليه . يعني بيعملك مجال خارج العربية بحيث الليزر مايعرفش يقرا سرعتك. داه غالي هنا وانا جبتو بحوالي 450$


هنا شركات بيع أجهزة كشف الرادار بتديلك عرض تحفة، لو إتمسكت سرعة وإنت مشغل الرادار ، هما يدفعولك المخالفة. حصلت معايا مرة بعتلهم المخالفة فالبريد وبعتولي تمنها.. بس لسة هتلبس البوينتس ،إلي هي أهم من المخالفة وبتعليلك إلينشورنس.
لو فيه حد عايز الجهاز داه يقول، وانا نازل أحاول أجبهولو/ حجمه أصغر من المحمول

طبعا مش هينفع نطلبه منك لانه ممكن يسبب لك مشكله في المطار او ممكن تلاقي مصر كلها طلباه منك :)

المشاركة الأصلية كتبت بواسطة moh.fahmy

و النوع الاول يا استاذ fadod بيتحط فين بالظبط في العربية يعني اقصد هل ممكن يتلاحظ من ظابط الكمين و لا مجرد ما يقرا المفروض اني اشيله علطول
و حضرتك نازل قريب و سهل بالنسبة لك انك تجيبه

شاكرين يا فندم علي الاضافة المفيدة

هو إلي أنا أعرفو إنه بتعلق على الزجاج وبيبقى فيه شاشة صغيرة بتوضح نوع البند بس لازم تعمل بحث هنا في المنتدى على الانواع إلي بتشتغل في مصر. متهيألي v1
هو إلي بيشتغل في مصر . هو فيه كذا حوار اتفتح عن الموضوع داه ، وبعد كدة نشوف هو بكم هنا


لو إنت دخل على كمين ، ممكن تخبيه في أي حتى في العربية ، إنت حتى ممكن تشيلو في جيبك. داه كل إلي أقدر أقولك عليه