ما الفائده الحقيقيه من وراء تقويه أرضي البطاريه ؟

**محمد الشامي** · 22-04-2010 09:37 PM

السلام عليكم ياجماعه

سؤالي ممكن يكون بسيط لكن اهميته كبيره جدا بالنسبه ليا , لاني محيرني من فتره

سمعت كتير عن تقويه ارضي البطاريه !!! وشوفت صور كتير لعربيات فيها الحكايه دي

ياترى ايه فائدته ؟؟ وبالنسبه للأرضي الأصلي بتاع العربيه بيتعمل فيه ايه ؟؟ لاني مش شايفه في الصوره تقريبا

ونشتري منين الكابلات المستخدمه في تقويه الأرضي زي اللي في الصوره ؟؟ وبكام ؟

يعني ياريت اعرف كل المعلومات المتاحه بالنسبه للموضوع ده

معلش هتعبكم معايا

**M.Zaher** · 22-04-2010 11:49 PM

متابع باهتمام
لاني سالت كذا كهربائي على الموضوع ده بس اتضح انهم كهربائيه بيوت مش عربيات

**Dr.lancer** · 23-04-2010 12:00 AM

المشاركة الأصلية كتبت بواسطة Moh_Zaher

متابع باهتمام
لاني سالت كذا كهربائي على الموضوع ده بس اتضح انهم كهربائيه بيوت مش عربيات

نفس الكلام. كنت حضحك لما واحد قالى تقوى نور العربية

**محمد الشامي** · 23-04-2010 03:32 AM

المشاركة الأصلية كتبت بواسطة د-شريف

نفس الكلام. كنت حضحك لما واحد قالى تقوى نور العربية

فعلا الواحد سمع افتاءات كتير في الموضوع ده

عشان كده قولت اسأل هنا أضمن وأفضل طبعا

**tompina** · 23-04-2010 04:02 AM

أبو يوسف قال إنها بتحسن تصريف الكهرباء في العربية وبتخلي صوت الموتور أنعم وضوء الكشافات بيكون أكفأ.
وأبو يوسف كان عنده الكيت بتاع التقوية .. وأنا بقول كان لأنه حاليا ـ على ما أعتقد ـ خلص من عنده ..
والكيت كان بـ300 جنيه .. وأفتكر إن بعض الأعضاء استكتروا تمنه فقال لهم إنه وسيط في بيعه وليس المالك وإن صاحبه هو اللي طالب فيه السعر ده .
عموما إنتم ممكن تجيبوا الكابلات والقفزان النحاس من عند أي بتاع اكسسوار وتنفذوا الفكرة بنفسكم .
أنا عملت الحوار ده عندي والكهربائي فكه أثناء اجراء بعض التصليحات وماركبتوش تاني .

**mahamedaraby** · 23-04-2010 04:07 AM

اسئل الاستاذ ممدوح هو عاملها فى عربيتوا وكان قبل كده بيبع كابل زياده عنده هو اكتر واحد يفديك فى الموضوع ده

**MMamdouh** · 23-04-2010 05:57 AM

المشاركة الأصلية كتبت بواسطة tompina

والكيت كان بـ300 جنيه ..

الكيت كانت ب 250 جنية

MMamdouh

**Dr.lancer** · 23-04-2010 01:27 PM

المشاركة الأصلية كتبت بواسطة mmamdouh

الكيت كانت ب 250 جنية

mmamdouh

شكرا للتوضيح

المشاركة الأصلية كتبت بواسطة tompina

أبو يوسف قال إنها بتحسن تصريف الكهرباء في العربية وبتخلي صوت الموتور أنعم وضوء الكشافات بيكون أكفأ.

هل هذة فوايده

**samirayad** · 23-04-2010 02:05 PM

المشاركة الأصلية كتبت بواسطة د-شريف

شكرا للتوضيح

هل هذة فوايده

نعم

فتقوية الأتصال الكهربى الأرضى للسياره بتعنى تسهيل المأموريه على عبور التيار الكهربى بأقصى سرعه ممكنه الى المستهلكات الكهربيه بالسياره بأنواعها
وبالتالى الحصول على آداء جيد وبأقصى كفاءه من هذه المستهلكات الكهربيه

سواء دايرة أشعال أو أنظمة تشغيل مثل الأناره والكاسيت وخلافه

______________________________________

نقدر نشبه القصه دى تماما من الناحيه الطبيه

مثل أستخدام العقاقير التى تزيد من سيولة الدم فى الأورده والشرايين

طالما هناك أخفاض فى سريان الدم الى مستهلكات الطاقه مثل العضلات وخلافه من الزاويه الطبيه

وممكن نشبه تشبيهات تانيه برضه

فأن الفلاح حينما يقوم بعمل تطهير لمجرى الماء الذاهب لتغذية المزروعات من الحشائش والملوثات وخلافه
فأنه بيساعد على وصول أثير الحياه ( الماء ) الى المزروعات وجعلها أكثر ترعرعا وأذدهارا

وهنا الماء ................هو التيار الكهربى الذاهب الى المستهلكات الكهربيه

تطهير المجرى المائى .........هو التقويه للأتصال الأرضى

المزروعات ................هى المستهلكات الكهربيه بالسياره بأنواعها

وجب التشبيه لتقريب الأمور بقدر الأمكان

الموضوع: ما الفائده الحقيقيه من وراء تقويه أرضي البطاريه ؟

LinkBack

أدوات الموضوع

عرض

ما الفائده الحقيقيه من وراء تقويه أرضي البطاريه ؟ - انشر الموضوع فى :

-

-

-

-

-

المواضيع المتشابهه

تقويه نور السيينا

لعموم الفائده( تغيير مياه الرادياتير )

كيف أشترك في الأنترنت رغم عدم وجود خط تليفون أرضي ....!؟ :b4_611:

حتى تعم الفائده

الكلمات الدلالية لهذا الموضوع

المفضلات

المفضلات

ضوابط المشاركة