الاخوة الاعزاء أرجو الاهتمام

**ahmadhussein** · 24-04-2010 09:32 AM

يا جماعة انا عندى مشكلة ابتدت من عشرة ايام ان لاقيت زيت بيسقط على الارض من حوض العربية روحت للميكانيكى قاللى ده اولسيه الكاتينة عايز يتغير وده شغلانه ياريت تجيبها لى بدرى من الصبح المهم ... تانى يوم لاقيت الزيت بينزل برده من الناحية التانية يعنى بقى ينزل من ناحية الكاتينة ومن الناحية التانية برده بس نقط بسيطة ومتوسطة مع انى كنت بعانى من الموضوع ده قبل كده والمفروض انه كان اتصلح ...المهم قولت يوم الجمعه اوديهاله من الصبح و بعدها بيومين تلاته كده لاقيت ان صوت الماتور بقى فيه خشانه بتبان قوى وانا على السريع اول حاجه شكيت فيها جوانات الشكمان طلع الجوانات مافيهاش حاجه روحت للميكانيكى تانى قالى لما تيجى يا باشا يوم الجمعة نبص عليها وحسيت انه مش راضى يقول فى ايه ؟؟ المهم فضلت وراه لغاية ماقالى ان الماتور صوته فيه نقرة مع انى ماسمعتش نقرة ولا حاجه انا سمعت صوت خشانه بس و قاللى ده حاجه من الاتنين يا نقص الزيت يا أما سبايك وهنبقى نكشف عليها ونشوف عمرة ولا طقم شمبر

المهم انا شكيت شويه فى كلامه لان الماتور عندى مش بيطلع بخرة ولا دخان ابيض والماكنه كان صوتها ناعم نوعا ما ومافيش زيت بينتر على البوجيهات ...

فارجو من اهل الخبرة افادتى هل اروح لميكانيكى تانى ولا اخلينى معاه وهل كلامه فعلا صح ولا ممكن يكون نقص الزيت هو اللى عامل صوت الخشانة
ملحوظة انا على صدد ايضا تغيير الزيت الايام القليله القادمة لانه عدى الكم
فهل ممكن يكون قلة لزوجه الزيت مع نقصه هو اللى عمل كده ؟؟ (( مقاس الزيت بين الماكس والمينى بعد زيادته بنصف كيلو ))

أرجو الافادة

وشكرا مقدما واسف جدا على الاطاله ولكن احببت ان اشرح الموضوع كاملا.

**aymanmaly** · 24-04-2010 10:22 AM

السلام عليكم
انصحك تغير الميكانيكى
متهيئلى الموضوع مش هايعدى ضبط سير الكاتينة و لو نوعها وحش يبقى هات واحدة نوع جيد
و يمكن فية جوانات مرشحة عايزة تتغير
لو ساكن جنب المهندسين ممكن اوصفلك ميكانيكى كويس
بس هية العربية نوعها اية؟
و يستحسن ما تمشيش بالعربية الا لما تصلحها لان لو سير كاتينة او نقص زيت غلط تمشى عليها

**samirayad** · 24-04-2010 10:55 AM

ملحوظة انا على صدد ايضا تغيير الزيت الايام القليله القادمة لانه عدى الكم
فهل ممكن يكون قلة لزوجه الزيت مع نقصه هو اللى عمل كده ؟؟ (( مقاس الزيت بين الماكس والمينى بعد زيادته بنصف كيلو ))

كنصيحه أوليه

غير الزيت والفلتر بزيت لزوجته الساخنه عاليه

فمثلا حط زيت موبيل xhp 20w50

وغيره على طول كل فتره بين 2500 و3000

لو أستقرت الأمور معاك

وتابع تسريب الزيت من عند الكاتينه ومن عند الفلام

لأن واضح أن أهمال تغيير الزيت
بدأ يأثر عندك على سبايك الكرنك

وحاليا الخلوص زاد شويه بين ركب عمود الكرنك وباطن السبايك من الداخل

وبقت طبقت الزيت مش قادره تشيل الكرنك مع السرعات

وده حاليا مأثر على سيلات الكرنك والخلفى ( وممكن تكون باظت )

وأنا أشك فى هذا بنسبه عاليه للغايه

______________________________

دا غير أنك المفروض تكشف أيضا على منطقة سير الكاتينه

فلو كان الزيت مغرق السير بشكل محلوظ

فلازم تغير السير وتغير السيلات بالمره

بدل ماينقطع منك سير الكاتينه وتبقى مشكله أكبر

بسبب تأثر السير بالزيت الهربان اليه من عند السيل الخلفى للكرنك ومطريه ونافشه وممكن يخليه يفتل بدون متحس
وكده أنقطع السير ..............باظت المكنه

لاقدر الله طبعا

**samirayad** · 24-04-2010 11:01 AM

على الله بأه
الجماعه اللى بيقولوا ممكن نزود ساعات تشغيل الزيت

عن وضعه الطبيعى

يتفرجوا ويشوفوا

أيه اللى حصل مع زميلنا الفاضل

______________________

يعنى المفرض كلنا نتعظ من هذه الحاله
ونلتزم بتغيير الزيت فى ميعاده

ومنسمعش للهجس اللى بيتقال فى المنشورات

اللى شوفناها فى المنتدى هنا

**ahmadhussein** · 24-04-2010 11:16 AM

المشاركة الأصلية كتبت بواسطة aymanmaly

السلام عليكم
انصحك تغير الميكانيكى
متهيئلى الموضوع مش هايعدى ضبط سير الكاتينة و لو نوعها وحش يبقى هات واحدة نوع جيد
و يمكن فية جوانات مرشحة عايزة تتغير
لو ساكن جنب المهندسين ممكن اوصفلك ميكانيكى كويس
بس هية العربية نوعها اية؟
و يستحسن ما تمشيش بالعربية الا لما تصلحها لان لو سير كاتينة او نقص زيت غلط تمشى عليها

نوعها ريجاتا موديل 85 وللاسف انا ساكن فى المعادى يا باشا

**ahmadhussein** · 24-04-2010 11:17 AM

نوعها ريجاتا موديل 85 وللاسف انا ساكن فى المعادى يا باشا

**ahmadhussein** · 24-04-2010 11:24 AM

المشاركة الأصلية كتبت بواسطة samirayad

على الله بأه
الجماعه اللى بيقولوا ممكن نزود ساعات تشغيل الزيت

عن وضعه الطبيعى

يتفرجوا ويشوفوا

أيه اللى حصل مع زميلنا الفاضل

______________________

يعنى المفرض كلنا نتعظ من هذه الحاله
ونلتزم بتغيير الزيت فى ميعاده

ومنسمعش للهجس اللى بيتقال فى المنشورات

اللى شوفناها فى المنتدى هنا

باشا انا بستخدم زيت فيسكو موتور اويل والناس هنا فى المنتدى كانوا بيقولوا انه بيقعد 5000 كم وهو عامل معايا لغاية دلوقتى 2500 كم وانا كنت ناوى اغيرة على 2300 كم للامان وبالعكس انا مهتم جدا بتغيير الزيت فى معاده وهو ده اللى مجننى بس انا هغير الموتور اويل وهحط بعد كده فيسكو 2000 ايه رايك يا باشا ؟؟؟؟

**samirayad** · 24-04-2010 11:31 AM

لانه عدى الكم

طيب نفسر دى بأيه

عموما كده دايرة شغل الزيت عندك مش تمام

اللهم أذا كان عندك مشكله أساسا فى المكنه

وهى خلوص كبير بين سبايك وركب الكرنك

علشان منظلمش الزيت برضه

**romeo_6887** · 24-04-2010 05:17 PM

حصل معايا نفس الحوار بالظبط كان سيل الكاتينه عايز يتغير تمام فطبعا عشان نغيره لازم الميكانيكي البرنس هيفك سير الكاتينه المهم غير السيل و جاي بيركب السير اعد يعافر مع السير لحد ما سمعت صوت خشانه من ايه ؟ بليه الكاتينه عايزه تتغير و الميكانيكي الحمار السبب ... و الله فكرتني بيوم ما يعلم بيه الا ربنا

**Ahmed Galal** · 24-04-2010 08:23 PM

كانت عندى مشكلة التسريب بس من ناحية الكاتينة و غيرت اويل سيل كامة و كرانك و طرمبة زيت قلت كل الاويل سيلات اللى فى المنطقة ديه اغيرها و الحمد لله كله تمام و فعلا زى ما قال البشمهندس سمير ياريت ما نقعدش نطول فى مواعيد غيار الزيت النتيجة بتبقا مش حلوة فى الاخر