سؤال عاجل بالنسبة للبونتو

**hesham_soaida** · 24-04-2010 06:51 PM

مساء الخير علي منتدى الفيات كله
سؤالي بالنسبة لسيارتي البونتو, وهي موديل 2002 وعاملة 62000 ك, العربية الباور فصل فجأة ومش شغال ولمبة الباور منورة. أنا بصراحة مبتعاملش مع التوكيل, فوديت العربية للكهربائي اللي انا بتعامل معاه وكشف على كل الفيوزات ولقاها شغالة. وقاللي مفيش حل غير ان العربية تروح التوكيل, احتمال ان البوردة بتاعة الباور تكون ضربت. المهم مش عايز أطول عليكم, سؤالي هو, انا عايز حد كويس يكشف على العربية بالكمبيوتر, ويكون ثقة وأسعاره متهاودة, على الاقل لو حضطر اغير حاجة في التوكيل محدش ينصب عليا. وياريت لو حد قابلته المشكلة دي يقوللي حلها ازاي. وشكرا

**Dr. Halawa** · 24-04-2010 08:24 PM

طبعا انت عارف ان الباور بتاعك كهرباء و بتاع البونتو بالذات فيه مشكلة السيتى ده لو انت بتنساه مفتوح او بتستخدمه كتير بيبوظ القطمة الالكتريك بس ده اسوأ سيناريو يعنى انت كده كده لازم توديها التوكيل يمكن ان شاء الله تطلع حاجة صغيرة عشان القطمة دى ممكن توصل 6000 جنيه و عند الكيلانى ب3000

**hemaah48** · 24-04-2010 09:02 PM

المشاركة الأصلية كتبت بواسطة dr. Halawa

طبعا انت عارف ان الباور بتاعك كهرباء و بتاع البونتو بالذات فيه مشكلة السيتى ده لو انت بتنساه مفتوح او بتستخدمه كتير بيبوظ القطمة الالكتريك بس ده اسوأ سيناريو يعنى انت كده كده لازم توديها التوكيل يمكن ان شاء الله تطلع حاجة صغيرة عشان القطمة دى ممكن توصل 6000 جنيه و عند الكيلانى ب3000

يعنى كده افهم من كلامك ان لما بتشغل السيتى كتير غالبا عيبوظ ديه لو صينى نقول اه ممكن طيب دى ايطالى ازاى الناس ديه عامله حاجه مش معمره زى كده وكمان اللنيا على ما اعتقد بتشتغل سيتى وباور بس اتوماتيك بدون تدخل على حسب السرعه يبقى عليه العوض فى موضوع الباور خالص

**Dr. Halawa** · 24-04-2010 10:08 PM

اللينيا مش كهربا الباور بتاعها زيت

**hemaah48** · 24-04-2010 10:24 PM

المشاركة الأصلية كتبت بواسطة dr. Halawa

اللينيا مش كهربا الباور بتاعها زيت

ماشى يا دكتور طيب بالنسبه للبرافو برده عيبقى فيها نفس العيب لان هى والجراند فيها سيتى انا عن نفسى نادرا لما بشغل السيتى

**mohmdomar** · 25-04-2010 12:25 AM

قبل الباور ما يعمل كدا كنت بتسمع صوت مع لف الدركسيون؟؟ و الصوت دا طقطقة ولا صوت احتكاك؟ وكنت بتشغل السيتي كتير؟

**hesham_soaida** · 25-04-2010 02:22 AM

المشاركة الأصلية كتبت بواسطة mohmdomar

قبل الباور ما يعمل كدا كنت بتسمع صوت مع لف الدركسيون؟؟ و الصوت دا طقطقة ولا صوت احتكاك؟ وكنت بتشغل السيتي كتير؟

ماكنتش بشغل السيتي خالص, وكان فيه فعلا صوت احتكاك بسيط جدا مع لف الدريكسيون, وكان بيتسمع بس في مكان هادئ

**hesham_soaida** · 25-04-2010 02:29 AM

المشاركة الأصلية كتبت بواسطة dr. Halawa

طبعا انت عارف ان الباور بتاعك كهرباء و بتاع البونتو بالذات فيه مشكلة السيتى ده لو انت بتنساه مفتوح او بتستخدمه كتير بيبوظ القطمة الالكتريك بس ده اسوأ سيناريو يعنى انت كده كده لازم توديها التوكيل يمكن ان شاء الله تطلع حاجة صغيرة عشان القطمة دى ممكن توصل 6000 جنيه و عند الكيلانى ب3000

الكيلاني قاللي معندوش في الوقت الحاضر وكان بيبيعه ب2700. هو انا بس عايز اكشف على العربية الاول علشان اعرف فيها ايه

**damasry** · 25-04-2010 02:38 AM

المشاركة الأصلية كتبت بواسطة hemaah48

ماشى يا دكتور طيب بالنسبه للبرافو برده عيبقى فيها نفس العيب لان هى والجراند فيها سيتى انا عن نفسى نادرا لما بشغل السيتى

البرافو ال120 حصان فيها زرار لتشغيل وفصل الباور لكن ال150 حسان بتشتغل اليكترونى وليس يدوى.

ما تقلقش يا باشاا مشكلة الباور دى فى البونتو القديم بس ومش على طول بتحصل واللى بتحصل ليه بتكون بعد ال120 الف كيلو، لكن مفيش اى مشاكل خالص حصلت للجراند او البرافو.

الموضوع: سؤال عاجل بالنسبة للبونتو

LinkBack

أدوات الموضوع

عرض

سؤال عاجل بالنسبة للبونتو - انشر الموضوع فى :

-

-

-

-

-

المواضيع المتشابهه

بلد المنشأ للبونتو كلاسيك الموديلات الحديثة ؟؟ سؤال يحتاج لخبراء

استفسار بالنسبة للبونتو كلاسيك

سؤال بالنسبة للاسكندرية

سؤال مهم جدا جدا جدا جدا بالنسبة لى

الكلمات الدلالية لهذا الموضوع

المفضلات

المفضلات

ضوابط المشاركة