الموضوع: ليه البطاريه بتبوظ؟؟؟

لو بايظه ممكن يكون فى حاجه فى الكهرباء بتبوظ البطاريه؟؟؟

لا اللي بيبوظ البطاريه الدينامو لو بايظ عشان لو مش شغال البطاريه مبتتشحنش فهتنتهي علي طول

البطاريات زيها زى أى حاجه فى الكون ليها عمر أفتراضى

ولازم تتغير بعد فتره محدده

الفتره دى بتعتمد على أسباب كتير

1- كفاءة شحن البطاريه

2- تكرار عمليات الدواره بدون داعى

3- عدم المتابعه الجيده لشحن البطاريه

زى مثلا

المفروض يتعمل مشوار محترم كل فتره للوصول الى شحن كامل ونشاط كامل داخل مكونات البطاريه كحامض وألواح داخليه فى أرباع البطاريه

4- طبعا بتفرق جودة تصنيع البطاريات من شركه لشركه


_______________________________

عموما من أفضل أنواع البطاريات اللى تعاملت معاها ال ac delco


ففى أحد المرات كان كابل البطاريه الموجب مهوى شويه والبطاريه أنا قولت خلاص .............فيها بطاريه تانيه

لأن لمبة الأنذار مكنتش شغاله حتى

جبت زميل ودورت ببطاريته ( علشان أروح أشترى واحده تانيه )

وأذا بنا نلاحظ أن لون لمبة الهيدروميتر المبنى داخل البطاريه ( أسود مش أبيض )

قولنا .............طب مانجرب نركبها تانى ....ونشحنها بدينامو العربيه ونشوف النظام ( طالما لم يبيض لون عين الهيدروميتر )


وقد كان

تم عمل مايلزم من نظافه للقواطيش وصوابع البطاريه
ومشوار محترم بتاع 20 كم رايح جاى

والى الآن

ترعرعت عين البطاريه مثل الزرع الأخضر ولونها أخضر

ومازال الحال جيدا من حوالى عام

البطاريه فى السياره وتعمل على مايرام من حوالى 40 شهرا

لأنى جايب العربيه من الزيرو بالبطاريه دى فى شهر يناير 2007

يعنى النوع ده كويس فعلا

شكرا ليكم جميعا
وديت البطاريه لواحد قالى بايظه بس هنحطها على الشحن و نشوف ... بعد يوم رحتله قالى مقبلتش شحن .. بصراحه مطمنتش لكلامه خصوصا ان العين لونها اسود مش ابيض فأخدتها و رحت لواحد تانى حطها على الشاحن و تانى ىوم كانت زى الفل .. ركبناها فى العربيه و دارت على طول و شاف شحن الدينامو سليم ... اللى لقيته ان المدام نزلت تسخن العربيه تانى يوم ما سافرت و حد من الاولاد كان معاها و فتح نور الصالون و سابه ... هى طبعا سابت العربيه اسبوع على ما جت تدور تانى كانت البطاره فضيت و حتى لما دارت زق محدش خد باله ان النور شغال ففضيت تانى !!!

الحمد لله انها جت سليمه :)