الموضوع: لينيا خلصت من مصر

من أسبوعين ربنا وفقني و أقنعت المدام تيجي معايا تتفرج على اللينيا و طبعا بعد معارضة شديدة و عنيفة و سخرية شديدة جدا من إني عايز أشتري 128 موديل 2010 و ما أقولكش التريقة من طوب الأرض على ال 128 اللي أنا عايزها
مع إن و لا واحد شافها و لا عارفين شكلها ايه بس مادام فيات تبقى 128 و بتسخن و كل 50 كيلو ننزل نفتح الكبوت عشان تبرد

المهم يا سيد رضيت أخيرا و سبنا مريم ( سنة و نص ) عند حماتي و رحنا أوماترا اللي في عمارات التوفيق و سألت على لينيا قالي آخر عربية في مصر صاحبها بيستلمها دلوقتي و احتمال تيجي آخر السنة و ميعرفش أسعارها ايه و ميعرفش هل هيكون فيه جديد فيها و لا هتنزل زي ما هيه

طبعا كنت عايز أوقف الراجل و أستئزن منه نتفرج على العربية بس اتكسفت الصراحة المهم المدام شافت ضهر العربية و الراجل بيمشي عجبتها الفوانيس الخلفية و كمان الراجل بتاع المبيعات اداني بورشور العربية و خد تلفوني عشان لما يكون فيه أخبار يكلمني و هوه كان معاه لستة بتلفونات و أسماء و وظائف الناس اللي بتسأل عن عربيات فيات

حد عارف لينيا ايه الجديد فيها عن 2009 ؟
هتيجي امتى ؟
سعر كل فئة هيكون ايه ؟