غيرت فلتر التكيف لفيات بونتو

**Moe86** · 26-04-2010 11:24 PM

السلام عليكم يا وحوش الفيات
عربيتى بقالها سنتين و نص و مشيت 33 ألف كيلو , بقالى سنة كدة مش مبسوط من ريحة التكيف و أدائه , كشفت عليه و عرفت انه مسرب شوية فريون بسيط (بس دة مش موضزعنا)
فكيت من كام شهر فلتر التكيف بتاع العربية و نظفته بالهواء فى بنزينة بس ماحصلش أى فرق
المهم روحت الكيلانى جيبت من عنده فلتر هواء جديد للتكيف 140 جنيه و بالمرة فلتر زيت 40 جنيه , فى رأيى الأسعار عالية شوية و تكاد تكون زى التوكيل بس عادى بأة المهم انهم أصلى
غيرت فلتر التكيف بنفسى , ليه مسمارين صغيرين تحت التابلوة فى ناحية الراكب , بعد التركيب الريحة البايخة اختفت بنسبه 95% و أداء التكيف عموما تحسن حاجة بسيطة فى دفع الهواء الساقع
ودى صورة الفلتر الأصلى جنب الجديد و باين فرق اللون الفظيع بينهم و جنبهم فلتر الزيت

**ahmadmidop** · 27-04-2010 01:04 AM

الف مبرووك ياباشا بس هل فلتر الزيت ده من عند الكيلاني .. اصل لو من عنده يبقى دي نفس قطع الغيار الي بيجبها التوكيل

**Moe86** · 27-04-2010 03:13 AM

الله يبارك فيك
أيوا فلتر الزيت من عنده
أنا لو مش متأكد ان القطع اللى عنده 100% زى التوكيل ماكونتش جيبتها, علشان كدة الفرق بسيط فى السعر
انما حاجة زى الفانوس مثلا لما جيبت واحد ب460 جنيه, هو قالى انه تقليد بس زى الأصلى بالظبط (الأصلى فى التوكيل ب1300 !!)
و علشان كدة بتجنب التوكيل على قد ما أقدر, خصوصا انى لسة مش مأمن على العربية لحد دلوقتى