ما اسباب السخونة , الفيورا بتسخن

**maka** · 27-04-2010 10:42 AM

عندى الفيورا بقالها فترة لو مشيت مشوار طويل بتسخن والزيت كان قديم شوية فرحت غيرت لها زيت و للاسف عملت المشوار ده فى وقت متاخر و ملقتش غير مشحمة فاتحة و معندوش غير التعاون فحطيته وخلاص بعدها ب 3 ايام رجعت العربية تسخن تانى

علما بان :

1- مستوى المياه بيكون طبيعى وهى سخنة - مش ناقص -

2- المروحة بتكون شغالة و هى سخنة

3- الراديتير مفيهوش نفخ

4- اكس المروحة فيه عوجة بسيطة بس ده من زمان

بافكر اسيخ الرادياتير واغسل دورة التبريد , ولا تنصحونى بحاجة تانية ؟؟؟؟

**SAMEH_FOUAD** · 27-04-2010 03:16 PM

يعنى من كلامك ان مؤشر الحرارة عندك بيرتفع
يبقى دة لائما المروحة مش قوية ومش عارفة تبرد الماتور
او الردياتير مسدود وعايز يتنظف طالما مافيش اى نقص مياة عندك
وعلى فكرة اى حاجة فى مروحة العربية يبقى لازم تغيرها والحق الموضوع دة بسرعة عشان مايكبرش

**Abdm** · 27-04-2010 03:49 PM

هو طبيعى أن العربية 127 تسخن لكن لغاية النصف فقط عند ال 90 وبعد كدة المروحة تشتغل علشان تبرد وأنت لازم أولا تقولنا هل المروحة بتشتغل لما درجة الحرارة توصل ل 90 أو النصف ولا بتشتغل متأخر شوية يعنى بعد النصف لو بتشتغل متأخر شوية يبقى عيب ترموستات عايز يتغير بحيث يكون أخرة 80 لآن اللى أخرة 80 بيشتغل عند ال 90 أو أقل شوية هو على الرغم من أنة جديد لكن مش بيكون مظبوط على الملى
والله المستعان

**romeo_6887** · 27-04-2010 06:45 PM

نضف الريدياتير
و تأكد ان مفيهوش اي تسريب
المرواح شغاله اه
بس ممكن تكون ضعيفه
و اتأكد ان الثرموستات سليم

**Maged_Samy** · 27-04-2010 11:19 PM

1-اضبط التاكيهات .
2-قوى سلك الارضى بتاع المروحة .
3- غير نوع زيت الموتور.
4- اضبط الكهرباء جيداً من الاسبراتير مع ضبط خلوص فتحة الابلاتين.

**د-محمود اسامة** · 28-04-2010 02:56 AM

1 اتاكد من قوة المروحة ضعيفة
2 الريداتير عايز يتنظف لان فيه صدي
3 زيت المتور عايز يتغير
4 الترموستات مش مظبوط
5 ترومبة الماية بايظة

**sab3aawy** · 28-04-2010 09:26 AM

سيخ الردياتير واطمن على نضافته وخد رأى بتاع الردياتيرات فى حالته وحط مياه خضراء تحتوى على 40الى 50% ايثيلين جلايكول
لو مجابش نتيجة اضبط التاكيهات
ولو مجابتش نتيجة غير الثرموستات بثرموستات واطى
ولو جابش نتيجة غير المروحة
ولو مجابتش نتيجة غير الردياتير

**maka** · 28-04-2010 01:24 PM

شكرا لكل الاعضاء الافاضل اللى شرفونى بالرد والمعلومات

المشاركة الأصلية كتبت بواسطة abdm

هو طبيعى أن العربية 127 تسخن لكن لغاية النصف فقط عند ال 90 وبعد كدة المروحة تشتغل علشان تبرد وأنت لازم أولا تقولنا هل المروحة بتشتغل لما درجة الحرارة توصل ل 90 أو النصف ولا بتشتغل متأخر شوية يعنى بعد النصف لو بتشتغل متأخر شوية يبقى عيب ترموستات عايز يتغير بحيث يكون أخرة 80 لآن اللى أخرة 80 بيشتغل عند ال 90 أو أقل شوية هو على الرغم من أنة جديد لكن مش بيكون مظبوط على الملى
والله المستعان

هو الطبيعى بتاعها انه بتبقى ثابتة عند ال 90 فعلا و المروحة بتشتغل من عند ال 70ّّّ ~ 80 تقريبا

المشاركة الأصلية كتبت بواسطة sab3aawy

سيخ الردياتير واطمن على نضافته وخد رأى بتاع الردياتيرات فى حالته وحط مياه خضراء تحتوى على 40الى 50% ايثيلين جلايكول
لو مجابش نتيجة اضبط التاكيهات
ولو مجابتش نتيجة غير الثرموستات بثرموستات واطى
ولو جابش نتيجة غير المروحة
ولو مجابتش نتيجة غير الردياتير

شكرا باشمهندس سبعاوى , و باذن الله دى الخطوات اللى همشى عليها

بس تقريبا مفيش ثرموستات اوطى من اللى عندى

_____________________________________

و ياريت لو حد يقولى سعر المروحة جديدة بكام و استيراد بكام ؟؟؟

**ayman2** · 28-04-2010 01:43 PM

طبعا كا اللى اتقال صح ولازم تعمله علشان سلامه الموتور وعزمه وقوة السحب لكن كل هذا لن يمنع السخونه والحل الوحيد اللى انا عملته من 4 سنين وقضيت على السخونه نهائى وهو تركيب رادياتيرمقاس أكبر وهتلاقى عندك السياره مجهزه بفتحتين فى الصدر فتحه مثبت فيها الرادياتير الأصلى واخرى بعدها ودى للرادياتير الأكبر (مقاس 128 ) واشترى سربنتينه اردنى أو البستان أو ماشابه وفصل واحد وحط ماء اخضر الأسبانى أو ماء أحمر وانسى السخونه تانى ولو عاوز اى مساعده ابعتلى

-

الموضوع: ما اسباب السخونة , الفيورا بتسخن

LinkBack

أدوات الموضوع

عرض

ما اسباب السخونة , الفيورا بتسخن - انشر الموضوع فى :

-

-

-

-

المواضيع المتشابهه

السخونة والصيف

عربية بتسخن فى الجرى ام فى زحمة وسط البلد مش بتسخن

مشكلة السخونة

السخونة

الرياداتير و السخونة

الكلمات الدلالية لهذا الموضوع

المفضلات

المفضلات

ضوابط المشاركة