الموضوع: حــــد يشوفلي جير اوتوماتيك ! اسطوانيتن دبرياج في سنتين !

السلام عليكم !

مرخمتش على القسم ده من فترة .. قفلت لازم ااعدي :)


السيارة فيات باليو 2006 - 1242 سي سي

السيارة عاملة 76 الف كم حاليا .

--

عند ال 40,000 كم ( منذ سنة و نصف تقريبا ) .

العربية بدات تفوت ... يعني ادوس بنزين ... المحرك بيحرق .. و مفيش سحب خالص .
فضلت كدة شوية .. يومين تلاتة بقت مش راضية تنقل اصلا !

رحت الميكانيكي قالي الطقم كامل

رحت التوكيل قالولي 1250 جنيه .. قلتلتهم شكر .. نزلت شارع دمقش جبت واحد ماركة valeo تقريبا صناعة فرنسية .. و الله اعلم الطقم كامل وقف ب 650 جنيه .

ركبت .. في يوم ضائع كامل ... كله تمام .. حسيت الدبرياج مختلف شوية عن قبل كدة .. بس اتعودت عليه .

دلوقتي انا عامل 76 الف .. من شهرين بالظبط ... ابتديت احس ان السيارة بتحرق على الفاضي تاني .. بس مش بنفس الدرجة ..

يعني اول تاني تالت شغالين حلو اوي .. لما ييجي الرابع ماشي .. لو كبست بنزين مرة واحدة .. المحرك بيحرق على الفاضي زي العربيات الاوتوماتيك كدة .. ,وبعد ثانيتين تلاتة ينزل تاني و يبتدي يسحب صح .

سيبتها كدة الى امبارح .. و هي بنفس الحالة .. ساعات تعمل كدة و ساعات متعملش كدة و تشتغل عادي خالص .. و مفيش مشاكل في النقل .

الميكانيكي قالي انه طقم مرة اخرى !!!

قللته دنا حتى لو مبرعرفش اسوق ... مش حبوظها في 30 الف كم ...

قالي مبقاش في قطع غيار معمرة دلوقتي !

--

السؤال الان ..

الطقم الاصلي بقى ب 900 جنيه
وال valeo اليل جبته المرة الي فاتت ب 500 جنيه .

اجيب الاصلي الي مكملش مع العربية 40 الف ...

ولا اجيب التاني الي مكملش 30 الف ... و بنصف التمن .

--

و تعليق بسيط .. انا ركبت بروتون ويرا .. و لقيتها مختلفة عني في حاجة .. لما باجي انقل ..لازم ترزع الدبرياج للاخر غير كدة الفتيس بيحك و بيعمل اصوات من التروس سيئة..

انا عندي لو حطيت صباع رجلك بس على الدبرياج بتقنل عادي ... ماعدا في المارشيدير .. هل ده يكون عيب في الدواسة مثلا ؟ عايزة توطى شوية ؟؟

شكرا .