الموضوع: تغيير اضائة الانوس كامله ( فوانيس + عدادات + شنطه وصالون )

بسم الله

بصفه عامه اضائة الانوس مش حلوه اوى ومش واضحه ( old fashion ) شويه

فحبيت اعمل موضوع عن طريقة تغيير اضائة الانوس من لمبات عاديه لونها اصفر باهت واخضر

الى لمبات ليدات بضوء ابيض زاهى جميل

وطبعا زى ما اتعودنا مع بعض

الشغل هيكون بأيدينا وبكل سهوله ان شاء الله لأن كل خطوه موضحه بالصور


وبسم الله

هنبدأ

بفرانى الفوانيس الأماميه

هنفتح الكابوت ونبص على ضهر الفانوس الكبير هنلاقى غطاء بلاستك دوار هنفكه بأتجاه عقارب الساعه





هنلاقى فيشة الفيرانى السوداء





هنشدها لبره ونشيل اللمبه القديمه ونحط اللمبه الليد الجديده ونخلى بالنا ننور الفيرانى ونشوف لو الليدات نورت يبقى التركيب صح ولو منورتش نلف اللمبه لان الليدات ليها سالب وموجب





دى صورة كارت اللمبات واللمبه الواحده فيها عشر ليدات الكارت لمبتين ب 20 جنيه





هنقفل الغطاء عكس ما فتحناه ونقفل الكبوت ونبص على النتيجه





هنروح لضهر العربيه وكمان هنغير اضائة لمبتين النمر الخلفيه

هنفك المسمارين اللى ماسكين فرام كل لمبه





هنخرج الفرام لبره





هنلف دواية اللمبه عكس اتجاه عقارب الساعه ونشدها لبره

كده اللمبه بقت فى ايدنا

هنخلعها لبره ونركب مكانها لمبه ليدات ونخلى بالنا من اتجاه السالب والموجب





هنقفل تانى

ونبص على النتيجه







كمان هنغير الأضائة الداخليه لشنطة العربيه

هنخلع غطاء لمبة الشنطه بمفك عاده صغير وهنوصل سلك بطرفين موجب وسالب ونوصله لضهر الكنبه علشان نوصل شريط الليدات





هنلزق شريط الليدات فى ضهر الكنبه من فوق بلصق وشين
( المكان ده ممتاز فى توزيع الاضائه )





هنقفل ونبص على النتيجه





( على فكره لما بفتح الشنطه نور الليدات بيبقى رامى بره ورا العربيه بشكل جميل اوى )


كمان هنغير لمبتين المارشدير للفانوسين الخلفيين

هنفتح الشنطه

هنفك غطاء ضهر الفانوس الخلفى

هنفك لمبة المارشدير السفليه من الفانوس

هنركب مكانها لمبه ليدات بكعب كبير

هنقفل تانى

وده الشكل النهائى






كده خلصنا الأضائه الخارجيه





هندخل على الأضائه الداخليه

وندخل لصالون العربيه

ونبدأ بلمبة الصالون

هنشيل الغطاء الشفاف للمبه الصالون بمفك عاده صغير





هنشيل لمبه الصالون ونحط الليدات الجديده 18 ليد

وده شكل الكارت بتاعها وده برضه ب 20 جنيه

وفيه منه كمان لحد 36 ليد

وكل ما زاد عدد الليدات

زادت الأضائه





وده شكله بعد التركيب





ونخلى بالنا برضه من اتجاه التركيب السالب والموجب


ونبص على الشكل بعد التقفيل







والآن وبعد انتظار الجماهير

وأخيراٌ وليس آخراٌ

نور العدادات

هنبدأ بفك الطابلوه حته حته
الاول
هنشد الفبره اللى تحت التابلوه لبره





هنلاقى تحتها مسمارين ماسكين وحدة مفاتيح التكييف هنفكهم





هنشد وحدة التكييف بشويش لبره بمفك عاده





وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف





ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس
وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه





كده العدادات قدامنا هنفك الاربع مسامير اللى ماسكين العدادات





ونفك التلات فيش اللى واصلين بضهر لوحة العدادات





ونطلع اللوحه فى ايدنا و نقلبها ونفك الاربع دوايات بتوع الاربع لمبات الكبار ونخلع اللمبات القديمه ونحط اللمبات الليدات الجديده اللمبه عشره ليد ( فاكرينها اللى كنا حطينها فى الفريانى بتاع الفانوس اول الموضوع )





بالمره واحنا فاكين العدادات هنلون المؤشرات علشان نعمل نيولوك للعدادات
هنفك وش العدادات الشفاف عن طريق زق الكلبسات لبره بمفك عاده صغير

التلوين بقلم ماركر بأى لون تختاره عشان يدى لون وفى نفس الوقت ميقفلش اضائة المؤشر




ودى صورة العدادات بعد تعديل الإضائه







تقريبا كده خلصنا كل حاجه

نبدأ نعيد بالعكس كل اللى عملناه

ونربط كل شىء بأتقان

وعلشان ابقى مخبتش عليكم حاجه وانا بقفل لصقت كل اسطح التركيب بلصق وشين وكمان ورا العدادات علشان امنع اى اصوات زقزقه وصرصره بتطلع من ورا الطابلوه واللى بتجنن اى حد ودنه حساسه ذى حالى








وبكده نبقى عدلنا اضائة الدايو ومنعنا اصوات زقزقه الطابلوه

وطبعاٌ ده جزء بسيط من موضوع كامل عن تكتيم صوت السياره بالكامل وزيادة عزلها

هنا
http://www.nilemotors.net/Nile/315571-a.html


ودى صوره نهائيه للتابلوه






مستنى رأيكم

وطبعا دعواتكم

( بالصحه لى ولزوجتى ولأولادى وبالستر وسعة الرزق )

اى استفسار انا تحت امركم

وطبعا اتشرف بزيراتكم لها



ولقرائه بقية مواضيعى الرجاء اضغط على الرابط اسفل التوقيع


اخوكم عصام غنايم
نايل موتورز - NileMotors.net