عايز اجيب كاربيراتور؟!

**mentaloss** · 02-05-2010 02:41 PM

السلام عليكم عندى مشكله ان الكاربيراتور مبرجلى العربيه على الأخر بتترج وكل ما اضبط كهرباء تتضبط يوم او يومين وترجع تبرجل تانى ... انا دلوقتى لو عايز اغير الكاربيراتور بجديد اجيب ايه انا سمعت عن ماركه اسمها ويبر ...er وهى فى الأساس امريكى هل هو موجود فى مصر ولا ايه؟! واذا كان حد من الأخوه يعرف حد متخصص فى الكاربيراتورز يدلنى عليه لإن المشكله دى زهقتنى وخلتنى افكر ابيع العربيه

العربيه نوعها ريجاتا 1500

وشكرآ للجميع وجزاكم الله خيرآ

**Ahmed Galal** · 02-05-2010 08:06 PM

جمبى مركز الصفا فى جسر السويس بعد سوق القنال الدولى كويسين بس مش عارف كاربراتير الريجاتا فيه منه جديد و لا لا

**ahmed2y** · 02-05-2010 08:39 PM

المشاركة الأصلية كتبت بواسطة ahmed galal

جمبى مركز الصفا فى جسر السويس بعد سوق القنال الدولى كويسين بس مش عارف كاربراتير الريجاتا فيه منه جديد و لا لا

باشا ممكن توصفلى مركز الصفا فين بالظبط الله يباركلك

**Ahmed Galal** · 02-05-2010 08:44 PM

المشاركة الأصلية كتبت بواسطة ahmed2y

باشا ممكن توصفلى مركز الصفا فين بالظبط الله يباركلك

انا مش عارف حضرتك ساكن فين بس لو افترضنا انك تعرف طريق جسر السويس هاتمشى فيه كله و تعدى منطقة الجراج فيها خط سكة حديد مش شغال ده اول خط هاتعدى عليه تدنك ماشى بعديه خط تانى شغال عند منطقة سوق القنال الدولى هاتعديه و تدنك ماشى لغاية ما تلاقى اول يو تيرن شمال سيبها و خش على اللى بعدها و انت بتلفها هاتلاقى بنزينة فى وشك و يمينها شارع صغير هاتدخل فى الشارع ما فيش دقيقة هاتلاقى المركز شمالك و بيفتحوا من 9 تقريبا كل يوم ماعدا الاحد بس رحلهم بدرى عشان الحجز و الزحمة

**tabeb** · 02-05-2010 09:33 PM

اللي عرفته من المنتدي هنا ان طقم الاصلاح من اكس وبوابة ما بينفعش
نضفه الاول تنضيفة كويسة ولو ما اتحسنش يبقي تشتري واحد اوفرلك

**mentaloss** · 04-05-2010 12:14 PM

طيب دلونى اشترى جديد منين ربنا يبارك فيكم؟!!

**ahmed2y** · 04-05-2010 02:34 PM

المشاركة الأصلية كتبت بواسطة ahmed galal

انا مش عارف حضرتك ساكن فين بس لو افترضنا انك تعرف طريق جسر السويس هاتمشى فيه كله و تعدى منطقة الجراج فيها خط سكة حديد مش شغال ده اول خط هاتعدى عليه تدنك ماشى بعديه خط تانى شغال عند منطقة سوق القنال الدولى هاتعديه و تدنك ماشى لغاية ما تلاقى اول يو تيرن شمال سيبها و خش على اللى بعدها و انت بتلفها هاتلاقى بنزينة فى وشك و يمينها شارع صغير هاتدخل فى الشارع ما فيش دقيقة هاتلاقى المركز شمالك و بيفتحوا من 9 تقريبا كل يوم ماعدا الاحد بس رحلهم بدرى عشان الحجز و الزحمة

الف شكر يا باشا