حـد يعرف ايه ده ؟؟

**ramyar** · 02-05-2010 04:01 PM

يا جماعه من ضمن اهتماماتي اني اعرف الناس باجزاء الموتور ووظائف الاجزاء دي
طبعا الي هنشةفه مع بعض ده الثرموستات
وفي اتنين نوع من الثرموستات
ثرموستات كهرباء وده بيكون غالبا اسفل الردياتير
ووظيفته تشغيل وايقاف مروحه التبريد
النهارده هنشوف ونتكلم عن ثرموستات المياه
وده ميكانيكي بيشتغل عن طريق انكماش وتمدد المعدن

وده بيحصل عن طريق خليط من معدنين مختلفين وطبعا اي معدن ليه درجه تمدد ودرجه انكماش
المهم الثرموستات الي بنتكلم عنه النهارده بيكون راكب في في اتجاه دوره تبريد الموتور من الاعلي يعني لما نفتح كبوت العربيه هنلاقي خرطومين مياه واحد فوق وده اخره فيه كوع اكبر من حجم الخرطوم وده الي بيكون جواه السرموستات
وككمان في خرطوم تحت وده عادي
المهم الثرموستات وظيفته انه يفتح ويقفل علي درجه حراره معينه
وده للحفاظ علي انسب درجه حراره تشغيل للموتور
وعلي فكره الثرموستات لما بيقفل في خرطوم تاني اصغر بيخلي المياه يحصل لها حركه تقليب جوه الموتور
اسيبكم مع الصور
واي استفسار انا في الخدمه

**Moe86** · 02-05-2010 04:13 PM

شكرا على المعلومة

**afr80** · 02-05-2010 04:15 PM

شاكرين مهللين على العلومات القيمة

**mido_soliman** · 02-05-2010 07:11 PM

والله يا رامى انا مبسوط جدا من المعلومات القيمة اللى بتقدمهلنا من وقتك ومجهودك دى ونفسى الادارة تجمع مواضيعك اللى بتتكلم فيها على الاجزاء الميكانيكية المختلفة للعربية وتدمجها فى موضوع واحد ويتم تثبيتة ويكون متجدد باستمرار يتحط فية كل موضوع جديد تعلمة ويكون ريفرنس جميل لينا نحب نقراة كل فترة والتانية وتزيد على الاقل ثقافتنا الميكانيكية للسيارة متبقاش العملية مقتصرة على السواقة بس انا بحييك وبشكرك جدا لانى بستفيد منك استفادة جامدة جدا وببقى مستمتع بكل موضوع بتعملة تحياتى وربنا يبارك فيك

**elmadawy** · 02-05-2010 11:37 PM

شكرا علي المعلومه وفي انتظار المزيد

**MohabSaeed** · 03-05-2010 12:38 AM

الف شكر يا رامى على مجهودك الكبير فى كل مواضيعك , تسلم ايدك يا باشا

**ramyar** · 03-05-2010 08:30 AM

العفو يا جماعه انا تحت امركم

**MohabSaeed** · 05-05-2010 12:28 AM

فى نقطه مهمه حابب اضيفها بعد اذن رامى باشا

تحت اى ظرف محدش يسمع كلام الميكانيكيه او غير الميكانيكيه و يشيل الثيرموستات ... على اساس ان مصر من البلاد الحاره و الكلام الفارغ ده .

كل العربيات بتنزل الخليج " اشد المناطق حراره " و فيها نفس الثيرموستات يعنى من باب اولى ان المهندسين الى صممو و صنعو المحرك انهم يلغوه من الاساس و يوفرو تمنه .

طبعا عدم ثبات درجه الحراره حيأثر على حاجتين اساسيتين:

1- معدل تأكل المحرك حيكون اسرع و ده ناتج لعدم ثبات درجه حراره التشغيل .

2- ارتفاع نسبه استهلاك البنزين .. لان ال ecu بيعدل نسبه خلط الهواء مع البنزين و الموتور بارد و بيكون مزيج الهواء بالبنزين مشبع بالبنزين بكميه اكبر من الطبيعى لتسخين الموتور بشكل اسرع .... و طبعا طلاما الموتور مش بيسخن لدرجه الحراره المطلوبه .. فحيفضل المزيج مشبع بالبنزين و استهلاك البنزين اعلى من الطبيعى .

**XXXMEMOXXX** · 05-05-2010 12:49 AM

شكرا م/رامي على المعلومات القيمه ,, وفعلا بستفاد منها جدا

وشكرا مهاب باشا على التنبيه ,, لاني فعلا بسمع ان الميكانيكيه بيقولوا كده كتييير

تحياتي

**ramyar** · 13-05-2010 02:04 AM

الله ينور يا استاذ مهاب

الموضوع: حـد يعرف ايه ده ؟؟

LinkBack

أدوات الموضوع

عرض

حـد يعرف ايه ده ؟؟ - انشر الموضوع فى :

-

-

-

-

المواضيع المتشابهه

مين يعرف

فى حد يعرف سعر فوانيس خلفى معدله لتويوتا ياريس؟او يعرف نمره محل فى بورسعيد او القاهره

حاد يعرف سعر ....؟؟؟؟؟؟؟

حد فكر يركب زجاج كهرباء لل128 او يعرف حد كويس او يعرف نوع مكن كويس يركبلها

لك من يعرف

الكلمات الدلالية لهذا الموضوع

المفضلات

المفضلات

ضوابط المشاركة