الموضوع: مشكلة بطاريه

المشاركة الأصلية كتبت بواسطة مواطن مصرى

اول حاجه مبروك على العربية ربنا يديلك خيرها و يكفيك شرها

بخصوص مشاكل الكهرباء (اغلب مشاكل 128 منها على فكره) فحضرتك اتأكد انك عملت التالى

1- غيرت كلاً من : البوجيهات (لو الموتور حالته مش كويسه هات بوجيهات سنها قصير) - سلك البوجيهات - الابلاتين و الكوندنسر

2- كشفت على حاله الدينامو و غيرت سير الدينامو و لو بلى الدينامو فيه مشكله غيره (ممكن جداً الدينامو تكون فيه مشكله و مش بيشحن البطارية و بالتالى البطارية تفضى حتى لو هيا سليمه بحاله الزيرو )

3- كشفت على حاله البطارية من ناحية الشحن : لو ممكن تتشحن اشحنها و لو حالتها ضعيفه غيرها بواحده جافه 55 امبير (و يستسحن تغيرها لان الشحن حل مؤقت فقط) و بالمره نظف القواطيش و الاسلاك بتوع البطارية كويس

4- كشفت على حاله الاسبيراتير (وش الاسبيراتير و الشاكوش و السلوك)

لو حاجات الكهرباء مظبوطه 10-10 زى ما قلتلك و لسه العربيه بتزرجن فى الدوران يبقى المشكله فى المارش

المارش حل مشاكله اسهل بس مشكلته انه لازم الميكانيكى يفكه علشان تشوف الجلب و الشريونات بتاعته حالتها ايه و تغيرها لو لزم و ان شاء الله الدنيا هتبقى كويسه

و أخيراً انصح حضرتك نصيحه مهمه جداً

اول ما حد بيجيب عربيه مستعمله (اى ما كان نوعها) بيعملها سرفيس كامل بمعنى انه يغير الحاجات المستهلكه (اللى ليها عمر افتراضى بالكيلومترات او الشهور او اللى بتتهلك بسرعه) اللى فيها بحاجات جديدة لانه ميعرفش حالة الموجود ايه + ميعرفش المالك السابق كان اخر مره غيرها امتى + يعرف امتى غيرها علشان بعد كده لما يغيرها تتغير فى ميعادها كصيانه دورية للعربيه

من هذه المستهلكات :
السيور - الفلاتر - الزيوت - طاقم الكهرباء - تيل الفرامل

طمنا على الاخبار عملت ايه

مع خالص تحياتى ................

مساء الخير شرحت ووفيت الراجل كيبلك كل حاجة من الالف الى الياء شطرا جزيلا بس الراجل بيقول انة لسة جديد فى موضوع السواقة وكدة حيتخض يا باشا لا تقلق بكرة انت لما تروح للميكانيكى انت الى حتشغلة شوية ممارسة والعملية تبقى تمام والف مبروك وجمد قلبك

الف شكر ياجماعه مش عارف والله اقولكم ايه ربنا يبارك فيكم ويجازيكم عنى خير
انا فعلا غيرت الزيت والسيور والكونتاك عشان كا بيعلق وقاعدة الفتيس وامبارح روحت للميكانيكى قالى انا نضفتلك الاسبراتير والبوجيهات سليمه بس قالى المارش لسه بيعض وبعتنى لواحد بتاع مارش شافه وقالى انه بيسخن وكان المفروض يتغير كله بس هو لحمه وشغله مع انى كنت مغير الاتوماتيك بتاع المارش اول ماجبتها وعملت جلب بس انتم عارفين طبعا كل صنايعى بيعيب على الى قبله وهو بس الى صح
المهم بعد ماركب المارش ودور قالى خلى الميكانيكى يعلى الكهربا عشان المارش مايغيبش فى التدوير وفعلا روحت له وانا فى الطريق سلك الكبوت اتقطع ومرضيش الصنايعى بتاع الابواب انه يلحمه وقال ماينفعش لازم يتغير كله المهم غيرته
طبعا مش انا الى كنت سايق فى المشاوير دى ده واحد قريبى الى بيعلمنى السواقه ربنا يستر وتكون دى اخر حاجه تتعمل مع انى اشك
متشكر جدا ياجماعه وحوافيكم بالاخبار

غيرت الكابوت كله!!!!!!! يعنى حوالى 450 جنيه

لا مش الكبوت غيرت السلك الى بيفتح الكبوت

المشاركة الأصلية كتبت بواسطة aboomar2010

لا مش الكبوت غيرت السلك الى بيفتح الكبوت

مبروك على ما فعلت

الله يبارك فيك يا استاذ هشام

المشاركة الأصلية كتبت بواسطة aboomar2010

الله يبارك فيك يا استاذ هشام

الله يحفظك يا باشا قولك على شوية حاجات ونصائح اخرى بص يا الحمد لله انا بسوق عربيات وانا معايا رخصة قيادة من سنة 89 وطنغا من غير رخصة من قبلها بسنتين تقريبا واصحابى الى معايا كنا بنعلم بعض السواقة وطبعا انت فاهم فى هذا السن بنعلم بعض اية ؟ طبعا الغرز والامريكانى وشغل الشباب فى المرحلة دى النصائح المهمة ..... لا تجرى بالعربية دون ان تحس انك والعربية كيان واحد وحتة واحدة يعنى كانك بتجرى على رجليك تحكم تام ومتخليش حد يسخنك ويقولك اجرى شوية يا عم احنا ماشين على ستين وشمم العربية بصلة علشان تفوق النتيجة الحتمية لو انت مش خايف على عربيتك خاف على الناس اللى ماشين فى الشارع بعربياتهم او على رجليهم وبعدين أعرف انك و انت سايق العربية فى مراية الصالون فية مصطلح اسمة النقطة الميتة فى المراية بمعنى انك لو سايق وبصيت فى مراية الصالون على السيارات خلفك وان كانت المراية كبيرة ناحية اقصى اليمين واقصى الشمال ممكن يكون فية عربية خلفك بس انت مش حتشوفها فى المرايا تعوض ذلك بالنظر فى مرايات الجنب قبل ما تحود ودائما توقع ان الى بيسوق فى الشارع حواليك غشيم وانت الى واخد بالك ومتيقظ لو حسيت انك ماشى بسرعة ودست فرامل مفاجئة والفرامل مش تمام ما تكبس فرامل بشدة اضغط على الفرامل جامد وارفع رجلك من على البدال ودوس تانى دة يوقف العربية اسرع كابك بيكارك بنزين يعنى الحركة دى تقلل من القصور الذاتى وتتيح لك تحكم افضل فى الدريكسيون ارج الا اكون طولت عليك و بالتوفيق