ايه اكتر الماركات عمراا لمحركاتها

**mechbolla** · 04-05-2010 02:36 AM

يا رااااااات بدون تحيز يا رجاله

طبعا مع الاخز في الاعتبار القيام بالصيانه في مواعيدها المحدده

**Ahmed Galal** · 04-05-2010 02:46 AM

بدون تحيز و عن تجربة التويوتا و معاها اليابانيات متسوبيشى و نيسان و باحترم مكن المرسيدس فى الالمانى جدا ما حدش يقدر يتكلم عنه و نسمع بردك اراء الجماهير مع اننى حاسس ان احنا فى بداية موضوع ملحمى و بدأت طبول الحرب تدق و الهجوم جاى علينا من كل الاقسام الحق خد ساتر بقا

**SkyBird** · 04-05-2010 02:53 AM

غالبا كل واحد هيختار ماركة عربيته ...
وعلشان الموضوع يبقى مفيد
اما ان العضو اللي يختار موديل معين يبقى يدعم اختياره بالدليل العلمي
او يضع لينك لاحصائيات علمية موثوقة
انا عن نفسي
لا اعرف

**Ahmed Galal** · 04-05-2010 02:55 AM

يبقا يقول موديل العربية و الموتور عمل كام كيلو و كام عمرة و فى الغالب انت عايز ناس عربياتها قديمة يعنى تسعينات على الاقل عشان يبقا الكلام عملى

**eng.octooo** · 04-05-2010 03:08 AM

مرسيدس وعملت 4.6 مليون كيلو بدون عمرة !!!!

مرسيدس .. تقطع 4.6 مليون كيلومتر .. رقم قياسي - منتديات جلاجل

**Ahmed Galal** · 04-05-2010 03:15 AM

المشاركة الأصلية كتبت بواسطة eng.octooo

مرسيدس وعملت 4.6 مليون كيلو بدون عمرة !!!!

مرسيدس .. تقطع 4.6 مليون كيلومتر .. رقم قياسي - منتديات جلاجل

اهو ده الكلام يا هندسة عقبالى ان شاء الله اما اوصل للمليون كيلو و هادور على حاجات للتويوتا عشان الموضوع يسخن

**Ahmed Galal** · 04-05-2010 03:21 AM

حتة تويوتا كامرى ضاربة 250 الف ميل يعنى داخلة على نص مليون كيلو و بحاجتها الاصلية و الحجة على الفيديو و فيه تويوتات كتير على اليوتيوب عادة كيلومترات كتييييير YouTube - Camry 250,000 miles

**E30power** · 04-05-2010 03:58 AM

الالمانى محترم جداااااا ومعمر بكل فئاتة ....

**Traple_m** · 04-05-2010 04:02 AM

انا عارف و متأكد ان الاطول عمرا مواتير فيرارى ( كلام الاحصائيات )
اما انا عارف ان الموضوع بالنسبة للسوق المصرى فاعتقد فولجس فاجن ثم هوندا ثم تويوتا و اوبل ثم الميتسوبيشى بالنسبة لكثر السيارات المنتشرة فى شوارع مصر (طبعا الكالم دة المرسيدس مالهاش دعوة لانها رمز الجودة فى العالم وتليها ال bmw)

**medo2o1o** · 04-05-2010 04:21 AM

المرسيدس حجى ابويا غير المتور لما عمل المليون كبلو و كان ممكن يجيب كمان بس حب يغيره عشان حس انه بياكل زيت !!!!
المتور اللى راكب فيها دلوقتى اشتراه عامل 150 الف ده على كلام البياع معرفش عرف منين عموما حاليا لو حساباتى صحيحة داخل على 800 الف و بيقول كمان انا ماعملتش منهم غير 50 الف فى 5 سنين الله يرحمه عمل الباقى فى 3 سنين و نص

عموما العربيات الامريكانى و بعدين الالمانى و بعدين اليابانى ده الترتيب فى العمر الافتراضى للمتور
.

الموضوع: ايه اكتر الماركات عمراا لمحركاتها

LinkBack

أدوات الموضوع

عرض

-

-

-

-

-

-

-

المواضيع المتشابهه

اتصالات انترنت الدنيا لسه فيها حرقة دم اكتر و اكتر

ممكن ترتيب الماركات دى

الماركات الصيني النضيفة

Gap - وغيرها من الماركات

الكلمات الدلالية لهذا الموضوع

المفضلات

المفضلات

ضوابط المشاركة