الموضوع: حصلت عندى اكتر من مشكلة مرة واحدة

1-اولا السيارة كيا بيكانتو 2006
اول مشكلة الفرامل دى بقالها شهرين كانت الاول اجى الصبح اكون طالع بيها الاقى مشوارها طويل واحسها سايبة وبعد دوستين تلاتة ترجع تانى كويسة قولت اكيد فيها هوا وابتدت تقل شوية شوية لاكن منكام يوم ابتدت اكون ماشى بيها والاقيها تنشف شوية ومش عارف ايه السبب
2- تانى حاجة ودى اللى خانقانى وحصلت من تلات ايام تقريبا لقيت العربية مرة واحدة جيت ادورها رعشت رعشة جامدة اوى وبعدها هديت بس فضلت فى رعشة خفيفة لحد دلوقتى فى العربية بس مش باحس الدركسيون بس لا الكرسى والازاز وكدة هى ماتحسهاش غير لو ركزت فيها بس انا متاكد انها ماكانتش موجودة قبل كده ومع بداية الموضوع ده برده حاسس ان العربية مابقتش ناعمة اوى زى الاول خصوصا على السرعات كانى بحس بمطبات هواء مش عارف اوصل اوى الجزء دة لازم تجرب
3-اخر حاجة برده دى حصلت من اسبوع بقيت اشم وانا بسخن العربية الصبح ز ريحة بنزين لمدة دقيقة او اتنين وبعد كده بتروح
يا ريت الخبراء مايبخلوش علينا بخبراتهم الجامدة واسف على الاطالة

اشكر كل اللى اهتم هو على ما اعتقد تنظيف فلتر الهواء الهواء والبنزين ضرورى لان سحب العربية حاسه قل بس موضوع سرفو الفرامل ازاى ممكن يكون السبب فى الرجة الخفيفة دى واشكركم مرة اخرى للاهتمام