أحول العربيه غاز ولا أيه شاركني برئيك

**yahiahelaly** · 06-05-2010 12:08 AM

بسم الله الرحمن الرحيم
اولا يا ريت الي يقدر يشور عليا ميبخلش لاني محتااار

انا الحمد لله معايا اكسنت 1500

وماشي ببنزين 80 المهم ف الموضوع ان زوج اختي معاه جهاز الغاز كامل كان مركبه ع اليجو قبل ميبيعها ومن ساعتها بيدفع اقساطه وهوة مرمي في اللجراج كان قلي قبل كده خده وكمل اقساطه وكده وانا معجبتنيش الفكره

لكن لقيت واحد صحبي معاه عربيه اوتماتيك وبيجري ويشد وبتاع وفجائه لقيته بيقولي همون بس ودخل يمون غاز بقوله عامل معاك ايه بيقولي تمام ده معايا من العربيه الكيا القديمه ونقلته للعربيه الجديده وزي الفل طيب ياعم والفكره ضربت ف دماغي كلمت زوج اختي قلي فاضل ف اقساطه حوالي2500 جنيه وهحتاج عليهم بتاع500 جنيه عشان انا انجيكشين والقسط هيبقى 135 جنيه
طيب من النحيه المنطقيه والعمليه انا الوقتي طالب بكالريوس وكلها كام شهر واخلص وبعد كده هتبدي رحله البحث عن وظيفه او مشروع

طيب لو وظيفه بنسبه99%مش هتبقى في الزقازيق اكيد في القاهره او ما شبه العاشر مثلا ولا اي سفر

طيب ما مثلا ممكن يكون في باص للشغل ده فرضنا اساس ان في شغل الاحتمال الغالب او التاني يعني بقى ان يبقى في مثلا مشروع وسعتها احتياجي للعربيه هيبقى اكتر وهبقى محتاج وفر اكتر وطبعا في وسط كل ده هبقى داخل على جواز وخطوبيه وهبقى محتاج كل جونيه

فبيتهيئلي عقلانيا اخده اركبه ولا انتوا أيه رئيكوا مستنيكوا تشاركوني

**yahiahelaly** · 06-05-2010 12:09 AM

وعلى فكره انا بحط بحوالي200 جنيه بنزين ف الشهر

**aymanmaly** · 07-05-2010 12:11 AM

القرار صعب
بس الاول انت عندك استعداد تضحى بشنطة العربية ؟
ولو التكلفة عندك 200 ج يبقى متهيئلى البنزين كويس علشانك

**elewey** · 07-05-2010 12:59 AM

انا اعرف ان الغاز بيقلل من سحب العربيه جامد يعنى هو عايز مشى جوة البلد بس و كمان بيقصر عمر الموتور

**walidabdelaziz** · 07-05-2010 01:09 AM

وبالاضافة للعفشه ورا من ناحيه السوست والمساعدين وجلب المقصات

**gazzar91** · 07-05-2010 03:28 AM

كويس إن حضرتك سألت
-"الغاز بيسلخ المحرك من جوه (الشمايز) اللي هي الـ Cylinder walls و ده علشان الغاز الطبيعي من نواتج إحتراقه بخار حمض النيتريك"... (دكتور سامح محمد متولي أستاذ مساعد بكلية الهندسة بالمطرية قسم هندسة السيارات و الجرارات).
-سحب العربية بيبقى وحش على حد ما سمعت عشان ماسوقتش عربية غاز قبل كدة
-هاتبقى شايل قنبلة شديدة الإنفجار في شنطة عربيتك....
-بس هاتوفر فلوس كتير لما تمون..
لك أن

**yahiahelaly** · 07-05-2010 03:30 AM

مش عاااارف حيرتوني اكتر
ههههههههههههههههههههه

**Uranium** · 08-05-2010 04:04 AM

وعلى حد علمى الغاز برضة عشان خفيف فالموتور بيحتاج عزم وطاقة اكبر عشان يحرقة ودا اكيد هيقصر عمره

**m.aligamal** · 08-05-2010 07:15 AM

يباشا 200 حنيه بنزين 80 يعنى حوالى 2000 كيلو شهريا كتير جدا عليك و حضرتك بتقول انك داخل على شغل و جواز و الحوار ده وبستعمل بنزين 80 نصيحه خليك فى 80 ارحم و خف شويه من المشاوير و استخدم المواصلات العامه فى السفر و استرى دماغك انا الحمد لله دخلى كويس وبركب الاتوبيس الصبح وانا رايح الشغل علما بان المشوار حوالى 100 كيلو رايح جاى بس انا بركب مواصلات عشان بزهق من السواقه خاصه الطريق وحش ومتعب جدا بس برضه المواصلات ارحم واوقات بروح بعربيتى بس فى الضروره وبعملى 1000 ك فى الشهر دى بقا تقدر تقول فسح و مشواير و ترفيه يعنى والحمد لله العربيه كده مقضيانى ومصاريفها مش كتيره

**m_mekkawy** · 08-05-2010 10:46 AM

الحقيقه ان الغاز فاااااااااااشل ومينفعش الا للتكسيات وهو فعلا بيسلخ الشمايز ده غير ان قوة انضغاط المحركات متفاوته ونوع الغاز واحد يعنى مفيش غاز 91 او 95

الموضوع: أحول العربيه غاز ولا أيه شاركني برئيك

LinkBack

أدوات الموضوع

عرض

أحول العربيه غاز ولا أيه شاركني برئيك - انشر الموضوع فى :

-

-

-

-

-

المواضيع المتشابهه

شاركني شكراً .. في مقايسة إصلاحات كهرباء السيارة

ايه رأيكم في تهبيط العربيه ، ناوي اظبط العربيه بمساعدة أيمن مومو

الزجاج الأمامي أتكسر أغيروا ولا أحول أصلحوا

لو عايز أحول العربية إلي كابولية

إزاي ممكن أحول ملف الى صيغة wav

الكلمات الدلالية لهذا الموضوع

المفضلات

المفضلات

ضوابط المشاركة