الموضوع: طقم الدبرياش

حاول تتخلض من المشكلة دى وماتدوسش دبرياج وانت بتهدى غير لما تكون العربية خلاص هتبطل
والاهم انك ماتريحش رجلك ع الدبرياج على طول وانت سايق

ده كلة بيؤثر على عمر الطقم معاك

اما علامات تلف الاسطوانه تحس بضعف السحب وخصوصاً مع الاحمال او فى المطالع وصوت الموتور يعلى ومفيش سحب
الدسك بقى يعمل معاج رجرجه وانت طالع بالعربية وبرض بيؤثر فى السحب

هذا والله اعلم

المشاركة الأصلية كتبت بواسطة eng_ahmedryad

طقم الدبرياج بوجه عام من القطع الأستهلاكية في أي عربية خصوصا الأسطوانة .

وإستهلاك العربية للدبرياج بيختلف من عربية لأخرى ومن طريقة سواقة لأخرى ، وممكن التحميل الزائد على العربية يؤدي إلى الأستهلاك السريع أيضا .

ممكن أيضا يكون الأستهلاك راجع لسوء نوع الطقم ، بمعنى أخر أن يكون غير أصلي أو من مصدر غير موثوق (إستيراد أو صيني ).

ممكن يكون العيب في وجه الحدافة أو الفلام Flywheel مما يؤدي إلى إستهلاك الأسطوانة السريع .

المشاركة الأصلية كتبت بواسطة eng_ahmedryad

أحب أضيف أن أعراض تلف الطقم كالتالي :

1- تلف الأسطوانة (الأكثر شيوعاً) :
- وده بيكون في شكل ضعف في سحب العربية بشكل عام وعلى المطالع والتحميل بشكل خاص .
- سخونة زايدة وغير مبررة للمحرك .
- رائحة غريبة تشبه رائحة إحتراق الكاوتش وخصوصا عند بداية التحرك وعند المطالع .

2- تلف البلية : ودي بتسمعلها صوت شوشرة وتحس بيها في الفتيس ولما تدوس دبرياج الصوت يروح .

3- تلف الديسك : وده بيكون في صورة زيادة لنشوفية دواسة الدبرياج وممكن يصحبه صوت تزييق .

وتلف أيهم بيأثر على المجموعة بالسلب ويقلل عمرها الأفتراضي .