التقديم فى المدرسة التجريبية لغات

ابنى مواليد شهر 8 ، وفى أول شهر 10 هيبقى عنده 4 سنين وشهرين ، والمفروض ان أحسن مدرسة فى البلد اللى أنا فيها (شبين الكوم) هى المدرسة التجريبية لغات (بتاعة سوزان مبارك) ، بس لما رحت اسأل قالوا ان من حقك تقدم بس تبعاً للضغط بياخدوا بالسن الأعلى وعادة بيقفوا عند 4 سنين وأربع شهور أو حتى أكبر من كده أحياناً ، يعنى ابنك مش هيلحق.

أنا محتاس ومش عارف أعمل ايه ..
هل أضيع على الواد سنة وأقدم له السنة الجاية؟
واللا أقدم فى مدرسة خاصة تانية وبلاها التجريبية؟
هل مسموح بالتقديم فى أكتر من مدرسة فى نفس الوقت لزيادة فرص قبوله؟
هل لو زورت شهادة الميلاد وكبرت السن شوية ، ممكن أخش السجن لو انكشفت؟
هل ممكن أقدم فى مدرسة خاصة لغات غير التجريبية ، والنقل للتجريبية السنة القادمة ، واللا التجريبية مش بتقبل نقل من غير تجريبية؟

يا ريت اللى عنده خبرة فى الموضوع ده يفيدنى علشان بجد مش عارف أعمل ايه ومش عايز أكون مقصر فى مستقبل ابنى.

اقتباس:

---

المشاركة الأصلية كتبت بواسطة Egyzizo

ابنى مواليد شهر 8 ، وفى أول شهر 10 هيبقى عنده 4 سنين وشهرين ، والمفروض ان أحسن مدرسة فى البلد اللى أنا فيها (شبين الكوم) هى المدرسة التجريبية لغات (بتاعة سوزان مبارك) ، بس لما رحت اسأل قالوا ان من حقك تقدم بس تبعاً للضغط بياخدوا بالسن الأعلى وعادة بيقفوا عند 4 سنين وأربع شهور أو حتى أكبر من كده أحياناً ، يعنى ابنك مش هيلحق.

أنا محتاس ومش عارف أعمل ايه ..
هل أضيع على الواد سنة وأقدم له السنة الجاية؟
انت متضمنش, حاول تدور
واللا أقدم فى مدرسة خاصة تانية وبلاها التجريبية؟
بالظبط مع التجريبي يمكن يقبل في واحدة فيهم
هل مسموح بالتقديم فى أكتر من مدرسة فى نفس الوقت لزيادة فرص قبوله؟
طبعا
هل لو زورت شهادة الميلاد وكبرت السن شوية ، ممكن أخش السجن لو انكشفت؟
Of Course
هل ممكن أقدم فى مدرسة خاصة لغات غير التجريبية ، والنقل للتجريبية السنة القادمة ، واللا التجريبية مش بتقبل نقل من غير تجريبية؟
الله اعلم

يا ريت اللى عنده خبرة فى الموضوع ده يفيدنى علشان بجد مش عارف أعمل ايه ومش عايز أكون مقصر فى مستقبل ابنى.

---

حضرتك لما بتقدم بتكتب عدد من الرغبات مش مدرسة واحدة بس
وملف المدارس الخاصة غير ملف المدارس التجريبية
يعنى ممكن تقدم هنا وهنا وفى كل ملف تكتب عدد من المدارس
اعتقد انه صعب جدا انك تنقل من مدرسة خاصة لمدرسة تجريبية
لو انت حابب يبقا تجريبى لازم تنتظر للسنة الجاية غالبا مش هيقبل السنة دى
مش عاوزة اقولك ان فى اليكس سن القبول فى المدارس التجريبى يتخطى ال 5 سنوات

متسأل كدة عن نظام المدرسة الصينية الجديدة بتاع المصيلحة

اللي اعرفة انها تجريبية برضو لكن معنديش تفاصيل

انت ممكن تقدم في اي مدرسة زي مانت عايز
وكل مدرسة حسب سعر استمارة التقديم فيها..
وعموما ياريتك تأخر الولد سنة كمان .. لان المناهج بقت صعبة الاستيعاب جدا جدا بالنسبة للسن الصغير دا..

شكــراً جزيلاً ..
أنا هاقدم فى أكتر من مدرسة ، وهو ونصيبه بقى ..
وهاسأل على حكاية المدرسة الصينية دى

بس مش عارف ، هل لو رسيت على ان التجريبية مش هتاخده السنة دى ، الموضوع يستاهل الانتظار للسنة الجاية ، واللا أمشيه فى مدرسة خاصة من السنة دى وخلاص ويكمل فيها.

هو موضوع النقل من خاصة لتجريبي دا ممكن بس مش عارف الصراحة ينفع دلوقتي لا لاء بس انا شخصيا كنت في خاصة لحد 2 ابتدائي و بعد كدا حولت الي تجريبي و اخوات اصحابي بردوا نقلوهم من خاصة لتجريبي يمكن الموضوع دا من 6 سنين او اكتر اي اعرفه ان الحكاية بتبقي عايز تظبيط و كدا .