زهقت كل يوم مشكلة جديدة؟؟؟؟؟

**ahmadhussein** · 07-05-2010 12:47 AM

السلام عليكم ....
المشكلة انى بحس وانا ماشى بالعربية ان فيه صوت دربكه فى العربية من قدام زى ما يكون فيه حاجه بتخبط فى بعض او حاجه سايبة ... روحت للميكانيكى قالى ده المساعد الامامى اللى جانب السواق خفيف وقلت له وباقى المساعدين بص عليهم وحرك العربية وقال لى لاء كويسين .

2- وانا ماشى على سرعه عالية شويه يعنى 90 مثلا واجى اهدى الاقى دواسة الفرامل بتتهز تحت رجلى روحت له تانى ...جربها وقال لى ( الطنابير يا باشا عايزة تتخرط هى اللى بتعمل معاك كده )

3- ودى الجديدة انى لما باجى اهدى وانا فى شارع هادى مافيهوش دوشة وادوس فرامل احس ان فيه صوت فى العربية تحت رجلى زى ما يكون صوت دربكه على خبط خفيف وده لما اجى ادوس فرامل غير صوت الدربكه اللى فى المشكلة الاولى

4- واخيرا وربنا يجعلها اخر حاجه ان لما باجى اطلع فى دوران يمين واكسر الدركسيون احس بصوت خبطه لما بدوس بنزين والخبطه دى بتكون تحت رجلى ودى غريبة اوى ساعات تحصل وساعات مابتحصلش بس هى مستمرة معايا يعنى نقدر نقول كده مرة ومرة ( بكرر صوت خبطه بحس بيها تحت رجلى وليس صوت طقطقه لانى لسه مغير الكبالن من اسبوع بس وجايب طقم ايطالى )

انا عارف انى طولت عليكم بس ياريت اللى صادفه اى مشكلة من دول يقولى حلها ايه او اى حد من الاخوة الافاضل اصحاب الخبرة يفيدنى لانى بجد خلااااااص طهقت
ولكم جزيل الشكر مقدما ....

**elewey** · 07-05-2010 12:56 AM

هى العربيه دى نوعها ايه يا باشا و موديل كام

**ahmadhussein** · 07-05-2010 01:01 AM

المشاركة الأصلية كتبت بواسطة elewey

هى العربيه دى نوعها ايه يا باشا و موديل كام

ريجاتا موديل 85

**ahmadhussein** · 07-05-2010 01:03 AM

المشاركة الأصلية كتبت بواسطة ahmadhussein

ريجاتا موديل 85

بس مش عارف ايه اللى حصل لها كانت ماشية كويس قوى بقالها فترة ومرة واحده حصل الحاجات دى كلها

**heshamzaky** · 07-05-2010 01:16 AM

يا باشا اكشف على تيل الفرامل ممكن يكون مش راكب كويس او خلصان ويفضل ان حضرتك تروح للميكابيكى ويعيد على ربط الكبالن مرة اخرى يعنى يكسر العجل شمال مرة ويمين مرة ويجيب مفتاح مشرشر يبط بية الكبالن يقف فوق الفتاح بكل جسمة علشان يربطة وبعدين يزنبة يعنى يدق بأجنة وشاكوش على طرف الصامولة معلش الميكانيكى سيفهم كلمة اربط الكبلن جامد و زنبوة