استفسار بخصوص المشايات الكهربائية

**FunnyMickey** · 14-12-2010 12:05 AM

ده ايه المختصر المفيد ده
هههههههههههههههههههههههه
انتا حضرتك مستعجل ولا ايه
فكرتين بالنكته بتاعت الراجل العصبي

بيقولك واحد عصبي بيقول لمراته : تعالي احكيلك قصة جامدة اوي بس هتقولي عليا كداب بس انا مش كداب اهو انتي اللي كدابة وستين كدابة روحي وانتي طالق :) :)

اول حاجه حضرتك بتسأل عالموديلات بتاعتنا ولا فين بالظبط

عالعموم
الوزن ال150 ك
يجيب حاجه ب6500
صناعه تيواني

والموديل بتاعهم 8641 و8651
وحتلاقي صورهم في الويب سايت ده
www.abouelgoukh.com

اما لو اكتر من 150
فده حيدخل في حاجات الجيم
7000 فيما فوق
اما عن المنتجات اللي في السوق عموما فمعنديش فكره بصراحه

**dramir1** · 14-12-2010 10:00 AM

المشاركة الأصلية كتبت بواسطة funnymickey

ده ايه المختصر المفيد ده
هههههههههههههههههههههههه
انتا حضرتك مستعجل ولا ايه
فكرتين بالنكته بتاعت الراجل العصبي

بيقولك واحد عصبي بيقول لمراته : تعالي احكيلك قصة جامدة اوي بس هتقولي عليا كداب بس انا مش كداب اهو انتي اللي كدابة وستين كدابة روحي وانتي طالق :) :)

اولا جزاك الله خيرا على المعلومات الرائعه دي
ثانيا شكرا على النكته الفظيعه دي ههههههههههههههه
ثالثا:عندكم بدال ارضى زي بتاع شركة دامسون؟؟؟
وياريت تليفونك على الخاص

**FunnyMickey** · 21-12-2010 02:21 PM

يلا الف مبروك ياباشا
والعجل زي ما قلتلك مش من الاجهزه اللي بتتهلك بسرعه يعني

اهم حاجه تاخد بالك منها
اما تيجي تركب العجله
اقعد عالكرسي الاول متطلعش عالبدال وتنط عالكرسي

عارف الحركه اللي بيعملها بتاع العيش والانابيب
انه يمشي العجله ويروح حاطط رجله عالبدال وينط عالعجله

الحركه دي بتكسر الكرنك ومش حتلاقيه
فانا حتحط رجليك في وسط العجله وبعدين تقعد عالكرسي وبعد ما تحمل الوزن كله عالكرسي ابدل بقي

كده انتا مفيش اي وزن علي العجله اطلاقا ولا علي البدال

**oshy31** · 25-12-2010 06:30 PM

الاستاذ المحترم اجدا جدا :ميكي
بجد انا مش عارفه اشكر حضرتك ازاي على المعلومات المفيده دي انت بجد انسان محترم جدا جدا وانا ان شاء الله راح اشتري المشايه الكهربائيه اللي حضرتك قلت عليها من الصاوي اللي في اسكندريه وانا باشكر حضرتك مره اخرى لان لولاك كنت حاخد مقلب كبير في مشايه صيني وانت بكده وضحتلنا الصوره بجد انا محظوظه اني لقيت الموضوع ده وبالتوفيق في حياتك ان شاء الله على فكره انا سجلت مخصوص في المنتدى علشان اشكرك على افادتك للناس
وليا انا شخصيا

**oshy31** · 25-12-2010 06:38 PM

الاستاذ المعجزه ميكي
انا اولا سجلت مخصوص في المنتدى علشان اشكر حضرتك على المعلومات المفيده جدا جدا ولو كنا دورنا طول عمرنا في النت مش ممكن كنا نلاقي معلومات قيمه كده
وانا ان شاء الله حاشتري المشايه اللي قلت عليها 08 من عند الصاوي في اسكندريه انا كلمته النهارده وسئلت عليها قال تيجي كمان اسبوع انت بجد انسان محترم ربنا يباركلك في شغلك ويوفقك في حياتك لان انت بتفيد الناس وده بدون مقابل
انا بس حبيت اشكرك على المعلومات دي لان لولاك كنت حاينضحك عليا دلوقتي انا فاهمه كويس ايه الحكايه تقريبا مش تايهه كده ومش عارفه رايحه فين وجايه منين وشكرا مره اخري بس بجد اوعى تبطل تفيد الناس كده لان الناس اللي كده باقت شويه وشكراجزيلا لك

**salmasalma** · 25-12-2010 07:37 PM

استاذي الفاضل صبحي (ميكي)
ايه رايك في المشاية ماركة هيومن تراكشن وهل هي فعلا تيواني
و سعرها ممكن يكون كام وهل هي عند ابو الجوخ؟؟؟؟

**swsw** · 25-12-2010 09:06 PM

بجد بجد ميرسى على المعلومات دية كلها ربنا يباركلك وينولك كل اللى فى بالك
على فكرة انا مسجلة مخصوص
عشان خاطر الموضوع دة
انا كنت هشترى مشاية من اليكس سبورت
بس بعد ماقريت الموضوع هنا عرفت انها صينى مش تايوانى زى ما كان بيقولى
وبجد ميرسى
انا هروح عند الصاوى واشوف
وبجد ربنا يباركلك