الحرارة بتزيد مع زيادة السرعة ؟؟؟!!! شئ غريب جدااااااااااااا

**ahmedshoura** · 08-05-2010 03:13 AM

السلام عليكم ورحمة الله وبركاته أعضاء المنتدى الكرام
أوجه سؤالي الى أهل الخبرة في المنتدى وجزا الله من ارشدني لخير بعلمه خير الجزاء

معي سيارة إبيزا 94 كوبيه 1050 سي سي حاله ممتازة
ولكن من فتره تقريبا عام يعني من أوائل الصيف الماضي وانا في حيره (هاتجنن) ومش لاقي حل ودخت مع الميكانيكيه وكلهم بيقولوا ان العربيه زي الفل ومافيهاش حاجة
فاسمحولي اقولكم العيب ولكم الحكم وارشادي للصواب
أولا هذا العيب يظهر فقط في الطرق الطوالي(السفر أو السريعه أو المفتوحه) أو في حالة القرص يعني الحرق على الغيارات
امبير الحرارة بيزيد مع السرعة يعني مثلا لو ماشي يعني كل ما تقرص زياد يعني كل ماتزود بنزين امبير الحرارة يعلى لغاية النص مع العلم انه في العادي بيبقى عند الجزء الأبيض أو أول شرطه
فاضطر الى تقليل السرعة
وقبل ذلك كنت بامشي 150 و160 والأمبير زي الفل يعني على أول شرطة أو أعلى شويه صغيره
ماذا أفعل بالله عليكم

**Tamer-Ezzat** · 08-05-2010 03:22 AM

هل من ضمن الحلول التى استخدمتها تسليك الريداتير والكشف عليه ؟ ..
مش شرط ان المياة تنقص علشان اشك فى الريداتير

**elhagrasy** · 08-05-2010 03:36 AM

بتستخدم بنزين 80 ولا 90 ؟

**m_mekkawy** · 08-05-2010 10:51 AM

غير صمام الحرارة وسلك الريداتير

**elewey** · 08-05-2010 01:01 PM

وومكن بردة تكون بوادر وش السلندر انتا الميه عندك بتنقص طيب و الزيت لما بينزل اخبارة ايه ؟؟

**islambana** · 08-05-2010 03:23 PM

هل انت مركب ترموستات الكوعه ولا لا
لو الاجابه لا يبقي المفروض تروح تركبها علشان مشكلتك تتحل وطبعا استحاله اي صنايعي هيقولك كده علشان هما بيلغوها مش بيركبوها

**ahmednashaat** · 08-05-2010 04:59 PM

بص يا باشا الموضوع دة حصلى بالظبط فى الكورسا بتاعتى والميكانيكى يقولك زى الفل وبتاع الريداتير يقولك تمام ومفيش اى تغيير هتلاقى عندك حاجة من اتنين ملهاش تالت :
1) طلمبة المية عندك وحشة بس اكشف عليها الاول
2) جوان وش السلندر بيلفظ انفاسة الاخيرة
والاتنين امرهم سهل متقلقش , ونستنى برضوا ردود تانية

**MemetO** · 08-05-2010 07:17 PM

مشكلتك كانت عندى يا باشا فى عربيتى انا حقولك على الحل (غير سير التقسيمة)ومتخدش كلامي هلفطة وبقى بلغنى بالاخبار

**jojooo** · 08-05-2010 08:23 PM

ممكن تكون من الشكمان ايوة عيب خنقة الشكمان انة بيسخن العربية فى الطوالى وجوة البلد الحرارة بتكون زى الفل
شيك على الشكمان خصوصا العلبة الخلفية ومش معنى انك تكشف على الشكمان ان الصنايعى يبص على التسريب او خرم لا دة عيب علبة مسدودة
وبرضة الاخوة العضاء كلهم صح وانصحك تمشى مع المشكلة واحدة واحدة الاسهل فاالاصعب
1 روح عن اى حد بتاع ردياتير يبص على الردياتير وتقليب المياة اللى هى طرمبة المية لو تمام
2 تروح عن كهربائى يبص على المروحة والترموستات والكهرباء صمام الحرارة وسلك الريداتير لو تمام
3 تبص على الشكمان لو تمام
4 ميكانيكى يبص على وش السلندر وكدة