خطورة زيادة زيت الموتور

**Giorgio** · 09-05-2010 07:51 PM

كلنا عارفين خطورة إن زيت الموتور يقل. طيب يا ترى هل في خطورة لو زيت الموتور زيادة؟
يعني لو قيست الزيت وطلع أزيد من علامة المكسيموم دة يسبب ضرر للموتور؟

**Mohamed_Rashad** · 09-05-2010 08:36 PM

المشاركة الأصلية كتبت بواسطة Giorgio

كلنا عارفين خطورة إن زيت الموتور يقل. طيب يا ترى هل في خطورة لو زيت الموتور زيادة؟
يعني لو قيست الزيت وطلع أزيد من علامة المكسيموم دة يسبب ضرر للموتور؟

زيادة مستوى زيت المحرك عن علامة الحد الأقصى تتسبب في تدمير ال CATALYTIC CONVERTER و هو باختصار عبارة عن منظومة في السيارة لتقليل الانبعاثات السامة الناتجة عن محركات الاحتراق الداخلي. و عادةً بيكون موجود في السيارات الحديثة. و هنا أوحب أضيف معلومة طريفة و هي أن Catalytic Converter بيُصنع من معادن غالية جداً زي البلاتينيوم و الروديوم و البالاديوم و عشان كده هو هدف للسرقة في الولايات المتحدة و أوروبا. أعتقد لسه الحرامية في مصر ماعندهمش خبر ههههه .

**khalil** · 09-05-2010 09:00 PM

زيادة المنسوب عن max يؤدى الى عدم طرطشة الزيت بواسطة الكرنك داخل المحرك التى تزيت اعلى المحرك

**hobby10** · 09-05-2010 09:02 PM

طيب انا حصل انى اكتشفت ان الزيت كان زيادة عندى ولما قللته كان بقاله زيادة كده .. 3000 كيلو .. يعنى مشيت بيه 3000 كيلو وهو زيادة هل ممكن يكون فى مشكلة داخلية حصلت ومحتاجة اراجع على حاجة ... مع العلم انى محستش باى مشكلة فى السواقة او كده ؟؟؟؟

**khalil** · 09-05-2010 09:11 PM

المصمم يعمل حساب للخطأ البسيط فى اى معدة

**ramy_gamal** · 09-05-2010 10:43 PM

اعتقد لو زيادة ممكن يوصل للبوجيهات ويخلى العربيه تقطع وهى ماشيه

**ahmadhussein** · 09-05-2010 10:47 PM

أنا عن نفسى حصلت معايا مرة واحده بس والراجل اللى غير الزيت الله يسامحه الظاهر كان جديد فى الشغلانه دى بس كل اللى حصل معايا ان الزيت طلع على بوجيه من البوجيهات بوظه فغيرته وقللت الزيت لمعدله تانى .