اشارة رمسيس الالكترونية - اتلقطت مرتين :(

**sameh.acc** · 10-05-2010 03:14 AM

من شوية ياجماعة كنت فى زفة وماشى معدى على رمسيس ووصلت للاشاره الالكترونية اللى هناك المهم كانت لسة خضراء وفيها كام ثانية فعديت راحت قفلت واحمرت والفلاش ضرب واتلقطت المهم مرضتش اكمل جيت ارجع بضهرى راحت ضاربة عليا تانى بقيت واقف مصدوم ومش عارف اعمل اية والساعة 12.30 صباحا (من شوية) ومفيش ولا عسكرى ولا حتى امين فى الشارع ومش عارف اعمل اية واول مرجعت دلوقتى قولت اعمل موضوع واستشيركم اية العمل وهل اتلقطت مرة واحدة ولا مرتين؟ وهل لو مرتين هتطلع تاريخ المخالفتين فى نفس الوقت والمكان وهل هدفع كام ؟؟ وهل لو روحت اتصالحت خلال 3 ايام هتكون وصلت وهدفع الحد الادنى ؟ بصراحة انا مش عارف اعمل اية ومخنوق جدا ارجو المساعدة ربنا مايوقعكم فى ضيقة :(

**hobaz** · 11-05-2010 12:06 PM

متابع معاك........

**M.Zaher** · 11-05-2010 03:13 PM

المشاركة الأصلية كتبت بواسطة hobaz

متابع معاك........

+11111111111

**sameh.acc** · 11-05-2010 11:34 PM

مشكورين للردود والمساندة ومنتظرين رد خصوصا عدى يومين ورحت النهاردة الصبح عملت شهادة مخالفات وكانت النتيجة لا يوجد مخالفات فسألت الراجل فى النيابة قالى لا دية تاخد من 6 شهور ل سنة علشان توصل وتنزل فى ملف عربيتك قولتله طيب امال فين المصالحة خلال 3 ايام ودفع الحد الادنى اللى القانون اقره ب 100 قالى لا مال 300 دية الحد الادنى دية بعد ماكانت 1500 نزلت ل 300 قولتله لية هتوصل ل السير عكس الاتجاه ومن الواضح كلامة مش صح وربنا يستر ارجو الافادة والحذر من الاشارات الالكترونية خصوصا اشاره الجامعة الامريكية وانت جاى من باب اللوق لسة شايفها ضربت على ناس وهى خضراء قبل ماتقلب احمر وتقفل وتلاحظها تبقى سريعة فى عداد الثوانى اما بتبقى خضراء جدا وتيجى لعداد الثوانى الاحمر بتبقى بطيئة جداااااااا كأنها مهنجة وبطلوع الروح واول ماتفتح وتخضر بتجرى بسرعة علشان تقفل على الضحية الجديدة ويلبس مخالفة زى ماحصل معايا والله قدام عينى ضربت على 3 ربنا يستر ع الجميع ووجب التنويه