إزاى التانك بيتلحم

**rabeasaber** · 10-05-2010 11:48 AM

التانك عندى ياجماعة فى 128 إتخرم إيه أفضل طريقة للحامه وبأى مادة؟

**orabi** · 10-05-2010 12:20 PM

بيتلحم عند بتوع الريداتير بتخلى الميكانيكى يفكه وتفضيه ويفضل لو تعلم مكان الخرم وبيقوم بصنفره مكان الخرم كويس وبيلحمه بالقصدير والالفونيا وبيرجه تمام وكل الحكايه 5 جنيه

**Shocky** · 10-05-2010 05:04 PM

المشاركة الأصلية كتبت بواسطة orabi

بيتلحم عند بتوع الريداتير بتخلى الميكانيكى يفكه وتفضيه ويفضل لو تعلم مكان الخرم وبيقوم بصنفره مكان الخرم كويس وبيلحمه بالقصدير والالفونيا وبيرجه تمام وكل الحكايه 5 جنيه

كلام تمام
بعد ما الميكانيكى يفك التانك ياريت تغسل التانك يالمية و الصابون فى مغسلة سيارات أو بنزينة فيها غسيل لحد ما أثر البنزين يضيع منة خالص وبعد ما تغسلة بتروح بية فعلاً لبتاع الرادياتيرات وهو هيلحمة إن شاء الله
تكلفة الغسيل من 5 إلى 10 جنية بالكتير
تكلفة اللحام حسب حجم الثقب اللى فى التانك . حوالى 10 جنية إن شاء الله

متنساش حضرتك وانت راجع للميكانيكى تبقى تشترى جركن بنزين عشان بعد التركيب مش هيبقى فى بنزين طبعاً

وربنا يوفقك إن شاء الله
وبالتوفيق إن شاء الله

**rabeasaber** · 11-05-2010 12:08 AM

شكرا جزيلا لأصحاب الردود
بس كنت عايز أسأل بعض الأخوة قالوا ممكن يتلحم بالمادتين المضافين على بعض على ما اعتقد اسمهم (ارنديل) فهل ممكن ؟

**khaled_sabry** · 11-05-2010 01:37 AM

المشاركة الأصلية كتبت بواسطة rabeasaber

شكرا جزيلا لأصحاب الردود
بس كنت عايز أسأل بعض الأخوة قالوا ممكن يتلحم بالمادتين المضافين على بعض على ما اعتقد اسمهم (ارنديل) فهل ممكن ؟

المادتين المضافين على بعض اسمهم ديفيكون او بعض الناس بيقولو عليه معجون حديد .. لكن ارنديل اول مره اسمعها دى

هو من الناحيه النظريه اه ممكن بس من الناحيه العمليه ممكن اللزق ده يفك خاصه انك لو كنت شاريه نوع مش كويس (معظم اللى موجود دلوقتى مش كويس ) فالامن انك تلحمه خاصه ان الموضوع مش مكلف و كده كده انتا لازم تفضى التانيك تماما علشان هو ماينفعشى يتلزق كويس على حاجه مبلوله

**kingmony** · 11-05-2010 07:31 AM

الموضوع ده جه على الجرح والله انا كان عندى عوامه البنزين بيظه فرحت لكهربائى عشان يغيرها المهم فك القديمه وجه يركب العوامه الجديده مركبتش غير ب مسمارين والباقى حوالى 4 مصامير باين مكانهم واكلاهم البارومه لدرجه ان المصامير طلعه متفروله ومكنهم فى التانك كمان المهم قلى كفايه مصمارين عليهم من ساعتها العربيه رحتها بنزين من جوه ومن بره كمان ورحت لسمكرى حكتلو القصه قلى مينفعش الحم حاجه فى التانك لحسن ينفجر وقالى ان فيه مره عمل لحام فى تنك انفجر فى وشو مع انه كان غسلو بالميه والصابون والخل فياريت لو حد عنده فكره يقلى مع العلم ان مش لاقى تانك استيراد لعربيتى 127 توب (طلع مختلف عن 127 النصر والفيورا)

**khaled_sabry** · 11-05-2010 08:28 AM

المشاركة الأصلية كتبت بواسطة kingmony

الموضوع ده جه على الجرح والله انا كان عندى عوامه البنزين بيظه فرحت لكهربائى عشان يغيرها المهم فك القديمه وجه يركب العوامه الجديده مركبتش غير ب مسمارين والباقى حوالى 4 مصامير باين مكانهم واكلاهم البارومه لدرجه ان المصامير طلعه متفروله ومكنهم فى التانك كمان المهم قلى كفايه مصمارين عليهم من ساعتها العربيه رحتها بنزين من جوه ومن بره كمان ورحت لسمكرى حكتلو القصه قلى مينفعش الحم حاجه فى التانك لحسن ينفجر وقالى ان فيه مره عمل لحام فى تنك انفجر فى وشو مع انه كان غسلو بالميه والصابون والخل فياريت لو حد عنده فكره يقلى مع العلم ان مش لاقى تانك استيراد لعربيتى 127 توب (طلع مختلف عن 127 النصر والفيورا)

ليه يا عمى
عادى لما التانك بيتخرم بيتلحم
هو تلاقى السمكرى كان مستعجل يومها و مانظفشى التانك كويس من البنزين و لما فرقع فى وشه اتعقد
بس سمكريه كتيييييييييييييييير بيلحمو و قبل كده حصلت مع والدى فى 504 بتاعتو التانك اتخرم و لحمه عادى
و حصلت مع اخو مراتى ولحم التانك عادى برضه فى هيونداى اكسيل
احسن تعملها عند اى حد و الراجل بعد مايغسلك التانك خليه يستنى ربع ساعه كده علشان لو فيه بقايا بنزين و لا حاجه تنشف قبل ما يبتدي
لكن انك تتكلف و تشترى واحد جديد يبقى حرام بصراحه

**rabeasaber** · 12-05-2010 05:29 PM

الحمد لله تم الموضوع
رحت للسمكرى بتاعى وتم الأتى
فك التانك لقى فيه شرخ كبير بطول حوالى 8سم وكان ملحوم بلحام الحديد قبل كده وفك اللحام تانىالمهم هو نضفة كويس وغسلة بخل وسافو علشان ريحة البنزين ثم لحمه بلحام نحاس شديد بطول الشرخ وغذاه كويس وركب التانك تانى
أخد 25 جنية فقط