زهقت من ثرموستات المروحة هل في حل ؟

**hemalotfy** · 13-05-2010 01:21 AM

السلام عليكم

انتم عارفين ان احنا داخلين على الصيف والحر ولا حظت ان الثرمستات بتعت المروحة يا اما تشتغل متأخر خالص يا اما ما تشتغلش خالص والحرارة توصل قبل النصف وانزل افتح الكبوت واوصل سلكين المروحة ببعض ( وياسلام بقى لو نسيت ممكن الحراره تنط لفوق وربنا يسترها) يا اما المروحة تفضل دايرة بعد ما ابطل العربية وممكن تخلص الشحن زي ما حصل قبل كده وحصل انهارده بس لحقتها وفصلتها

الثروموستات دي مغيرها من شهرين بالضبط وكان كويسه تشتغل وتفصل ودلوقتي باظت وكنت مغيرها قبلها برضو بحوالي 5 شهور

شكلها نوع مضروب (مكتوب عليها ايطالي كده بتعت فيات تقريبا او 131 ) راكبه في الريداتير من الاسفل وشاريها من محل قطع غيار فيات

في حاجة اضمن او اصلي بدل القرف ده كل شويه اشتري ثرموستات ب 20 جنيه واروح لبتاع الريداتير يغيرها ب 5 جنيه غير العطله ووجع الدماغ والخطورة على العربية

**elewey** · 13-05-2010 01:34 AM

هى عربيتك نوعها ايه يا باشا شوف الاصلى بتاعها و ركبه احسن حتى لو استعمال لو مش موجود

**hemalotfy** · 13-05-2010 02:02 AM

مازدا 323 موديل 81 حاجة كده من ايام الهكسوس بس الحمدلله على كل حال وعلى رأي المثل (" حمارتك العرجه ولا سؤال اللأيم ")

**hassanmm** · 13-05-2010 06:13 PM

شوف يا سيدى خذ الثرموستات القديم وروح محل قطع غيار لادا واطلب منه ثرموستات لادا ولاحظ سن القلاووز إذا كان نفس مقاس السن القديم خذه وركبه فى سيارتك وسوف تحل المشكلة بإذن الله.
وذلك لأن ثرموستات اللادا يقوم بتشغيل المروحة مبكرا ( عند حدوث أقل حرارة ) وربا يوفقك............

**hemalotfy** · 13-05-2010 09:43 PM

المشاركة الأصلية كتبت بواسطة hassanmm

شوف يا سيدى خذ الثرموستات القديم وروح محل قطع غيار لادا واطلب منه ثرموستات لادا ولاحظ سن القلاووز إذا كان نفس مقاس السن القديم خذه وركبه فى سيارتك وسوف تحل المشكلة بإذن الله.
وذلك لأن ثرموستات اللادا يقوم بتشغيل المروحة مبكرا ( عند حدوث أقل حرارة ) وربا يوفقك............

جزاك الله خير لردك
وان شاء هجرب

**thedeveloper87** · 17-05-2010 10:24 PM

جيب ثرموستات استيراد ب 30 جنية. أنا جبتها والحمدلله شغالة زي الفل معايا.

معلومة هامة: في المازدا المروحة بتشتغل قبل ال c بشوية وتطفي على 70 كده.

**hemalotfy** · 18-05-2010 12:55 AM

المشاركة الأصلية كتبت بواسطة thedeveloper87

جيب ثرموستات استيراد ب 30 جنية. أنا جبتها والحمدلله شغالة زي الفل معايا.

معلومة هامة: في المازدا المروحة بتشتغل قبل ال c بشوية وتطفي على 70 كده.

جزاك الله خر لردك ياباشا

الثرموستات الاستيراد بتركب في الريداتير ولا في الموتور (عندي حاجة كده ملغية فيها كلبس في وش السلندر الكهربائي بيقولي دي ثرموستات بلدها وبايظة)

هي دي اللي قصدك عليها؟

طيب ولو بتركب في الريداتير هي هي نفس السن بتاع الايطالي

انا دلوقتي بشغل المروحة بمفتاح عامل توصيلة ومدخل سلك جوه ومفتاح ولو انا في حته زحمة ولا ماشي بطيئ بشد المفتاح ده المهم الحرارة متعديش الشرطة التناية اللي هي فوق ال 50 علطول

**thedeveloper87** · 18-05-2010 12:59 AM

أنا قصدي على الثرموستات اللي بتركب في الرادياتير (هي دي بتاعت المروحة)

أما بالنسبة للحرارة انك تخليها متعديش الشرطة التانية اللي فوق ال 50 فده غلط (معنى كده ان المكنة باردة علطول وغلط على المدى الطويل)

لو مالقيتش عندك في الزقازيق ، لو انت نازل القاهرة في مرة ابقى هاتها استيراد من عند واحد اسمه ناصر مازدا (جنب نبيل مازدا علطول)

**khaled_sabry** · 18-05-2010 01:41 PM

المشاركة الأصلية كتبت بواسطة thedeveloper87

جيب ثرموستات استيراد ب 30 جنية. أنا جبتها والحمدلله شغالة زي الفل معايا.

معلومة هامة: في المازدا المروحة بتشتغل قبل ال c بشوية وتطفي على 70 كده.

ليه بتطفى على 70 ؟؟؟؟؟؟؟؟

**thedeveloper87** · 18-05-2010 05:21 PM

المشاركة الأصلية كتبت بواسطة khaled_sabry

ليه بتطفى على 70 ؟؟؟؟؟؟؟؟

أصل درجة الحرارة في المازدا مختلفة شوية. في معظم العربيات تقريبا درجة حرارة المكنة الطبيعية 90
أما في المازدا فهي أقل شوية تقريبا 75-80 أما لو وصلت ل 90 فدي بداية السخونة المقلقة.

الموضوع: زهقت من ثرموستات المروحة هل في حل ؟

LinkBack

أدوات الموضوع

عرض

زهقت من ثرموستات المروحة هل في حل ؟ - انشر الموضوع فى :

-

-

-

-

-

-

-

المواضيع المتشابهه

سعر ثرموستات التكييف

كوع ثرموستات

زهقت زهقت زهااااااااااااقت

ثرموستات الكوعة

ثرموستات

الكلمات الدلالية لهذا الموضوع

المفضلات

المفضلات

ضوابط المشاركة