رعشه فى التمبرا لما بشغل التكييف

**adelco** · 13-05-2010 12:47 PM

السلام عليكم
انا لاحظت انى لما باشغل التكييف الدواسه بتاعت البنزين بتنزل لتحت شويه وعرفت ان ده طبيعى
بس المشكله انى لما بشغل التكييف العربيه بتبتدى تترعش والدركسيون يتهز
هل ده طبيعى
ولو مش طبيعى يبقى سبب المشكله ايه
افيدونى لانى خايف اشغل التكييف والجو حر قوى ورايح بنى سويف يعنى ولعه
شكرا

**adelco** · 13-05-2010 02:59 PM

المشاركة الأصلية كتبت بواسطة caysersosaih

rpm بيبقي علي كام لما تشغل التكييف؟
وياتري الهزة والرعشة والعربية واقفه ولا موجودة برضه في السرعات؟

السلام عليكم
شكرا يا دوك على اهتمامك وردك
والله انا حصل معايا الموضوع ده وانا ماشى على 120 تقريبا لكن ما كنتش فاهم ان التكييف السبب والار بى ام كان معدى 25
واخر مرة حصل معايا و العربيه متوقفه وطبعا انا ماكنتش مزود و الار بى ام كان 10 او 15
يعنى حصل فى الحالتين
يارب ما يكونش ده مشكله
وشكرا

**heshamzaky** · 13-05-2010 03:59 PM

أزيك يا عادل باشا انت فين يا راجل واحشنى واللة العظيم مشكلتك انا قلتلك قبل كدة اننا لازم نسافر لندن على حسابك منغير متقولى النظارة وقعت ............................................

**caysersosaih** · 13-05-2010 04:38 PM

دايما كده سابقني يا جاليليو باشا ماعرفش اعمل فيك ايه؟
ياريت يا باشا تشوفلي حل في موضوع السخونيه اللي مع التكييف دي واعمل ايه تاني

**heshamzaky** · 14-05-2010 02:32 PM

صديقى العزيز عادل باشا ازيك انا بس عاوز افرجك على شكل التكيف برة العربية للمعرفة بس واحشنى وابقى اسأل يا باشا بلاش تقل علينا

**heshamzaky** · 14-05-2010 02:33 PM

والشكل دة برسمة هندسية

**adelco** · 15-05-2010 02:21 PM

المشاركة الأصلية كتبت بواسطة galilio_mad

ما ينفعش تحصل فى ال 3 حالات دى

لو العربية واقفة سلانسيه , لو حصلت رعشة مع التكييف يبقى المكنة واطيه وعايزة تتظبط او عندك مشكلة فى نظام الفاكيوم

انما لو دايس بنزين و لو سنه صغيرة المفروض تظبط
على 120 ودايس بنزين ؟؟؟؟؟؟؟ والله اعلم مالهاش علاقة بالتكييف , شكلها كده ترصيص او جنط بايظ

جرب تظبط العربية و تعليها سنه و شوف المشكلة حتتحل ولا لأ

السلام عليكم
شكرا لاهتمامك وردك يا استاذ جاليليو
والله انا معاك وبميل لكلام حضرتك لان كلامك منطقى جدا
وانا هجرب فعلا الموضوع ده
ولو فيها رزاله انا عندى استفسار تانى وانا كتبته فى فى موضوع جديد فى قسم الفيات
ياريت تدخل تقراه وترد عليا
وجزاك الله خيرا

**adelco** · 15-05-2010 02:27 PM

المشاركة الأصلية كتبت بواسطة heshamzaky

والشكل دة برسمة هندسية

السلام عليكم
ازيك يا حبيب قلبى عامل ايه
انا اسف للتاخير فى الرد
وانا واللا مش عارف اسكرك ازاى انك فكيت عربيتك بالطريقه دى عشان اتفرج على اجزاء التكييف
والله انا لو اعرف مكان بيتك كنت بعتلك الميكانيكى بتاعى اللى مبوظلى العربيه يفكهالك
وانا بصراحه كان نفسى اروح لندن بس بيقولوا انهم قفلوا بج ايفل وانا كنت رايح بس عشان اشوفه
عموما جازاك الله عنى خير الجزاء
ولو سمحت اخل على الموضوع اللى انا لسه حاطه عشان يهمنى رايك
وجزاك الله خيرا