فيات ريتمو موديل 87 اتوماتيك " بيتقال عليها ط ريتمو ريجاتا "

**alaagrafix** · 13-05-2010 03:17 PM

السلام عليكم ورحمة الله وبركاته

عندي مشكلة ان البيبة بتاعه الكيلومترات بتاعه الريتمو بتاعتي وهيا موديل 87 واتوماتيك فيها جزء مكسور والعداد مش شغال ومش لاقيها ولا جديد ولا استيراد

ممكن حد يفيدني ممكن اجيبها منين وخصوصا ان العربية اتوماتيك

وشكرا

**semsem_uno** · 13-05-2010 03:43 PM

يعني ايه بيبة؟؟؟
و حضرتك تقصد عداد الكيلو متر نفسو كده يبقي بايظ و حضرتك مش لاقيو ولا ده جزء من العداد؟

**mmd3** · 13-05-2010 11:01 PM

بيبة السرعة هي الجزء اللي بيركب فية الواير بتاع عداد السرعة ومكانها في الفتيس وكمان بتتعشق مع ترس تفاضلي جوة الفتيس نفسة
حضرتك بتقول انة جزء منها مكسور ... عشان كدة ممكن تدور علي واحدة استيراد في الوكالة وممكن واحد يخلعهالك من فتيس كامل بس هيعطيهالك غالية جداا
لو الترس الفيبر الصغير هو اللي مكسور فكدة تبقي بسيطة لانة ممكن يتغير لوحدة من غير ما تغير البيبة كلها
اما لو ترس الفتيس هو اللي مكسور يبقي كدة لازم الفتيس ينزل وتعمل سن للترس في المخرطة
بس انت الاول اتاكد انة العيب مش في العداد او الواير ( السلك )
عشان البيبة بتبقي ساعات مكسورة وبردو شغالة عادي ... المهم فيها هو الجزء اللي داخل للفتيس