حد يعرف حاجة عن موتور لانشيا 1300

**ramyworm** · 14-05-2010 06:11 AM

انا كنت عاوز اعرف سعر موتور لانشيا 1300 سي سي 70 حصان وطبعا السعر شامل التكيف والفتيس والعفشة وكل القطع الخاصة بيه وياريت اللي عنده معلومات اكتر عن الموتور ده يفيدني بيها زي نزل في عربيات ايه وسنة كام .
عشان بفكر اسقطه على عربية فيات اونو 94
ولكم جزيل الشكر .....

**disha_2020** · 14-05-2010 08:32 PM

الموتور اللى انتا عاوزة ده انجكشن ولا كيربيداتير وليه مالوا موتور الاونو مزعلك فى ايه؟

**kasten** · 14-05-2010 10:24 PM

المشاركة الأصلية كتبت بواسطة ramyworm

انا كنت عاوز اعرف سعر موتور لانشيا 1300 سي سي 70 حصان وطبعا السعر شامل التكيف والفتيس والعفشة وكل القطع الخاصة بيه وياريت اللي عنده معلومات اكتر عن الموتور ده يفيدني بيها زي نزل في عربيات ايه وسنة كام .

المشاركة الأصلية كتبت بواسطة ramyworm

عشان بفكر اسقطه على عربية فيات اونو 94
ولكم جزيل الشكر .....

إختيار خاطئ للغايه
سقط اونو تربو وسيبك من اى كلام تانى
موتور مجرم وادخل على اليوتيوب واتفرج على الاونو اللى فيها الموتور ده بتعمل ايه
بلا لانشيا بلا بتاع

**kaza** · 14-05-2010 10:54 PM

الموتور دة نزل علي العربيات من اول الy10و الابسيلون والدلتا والبريسيما وهو هو نفس المحرك علي الونو والريجاتا 75 والريتمو 70و75 وهو جامد بيتحمل ضغط التيربو بس مشكلته ان الشوط بتاعه قصير وطبعا في الانشيا فية زيادة طفيفة في القوة عن الفيات

**ramyworm** · 15-05-2010 02:01 AM

إختيار خاطئ للغايه
بلا لانشيا بلا بتاع

طب ممكن تقولي لما اسقط الاونو التربو ده ححتاج تعديلات في العربية تكلفتها كام و قطع غياره حتبقى موجودة ولا لأ وسعر الموتور ده اصلا كام وفي مين في مصر بيفهم في صيانة التربو .
عشان ياريت لو العملية سهلة اوي كدا ايدي على كتفك اروح اسقطه من بكرة .

الموتور دة نزل علي العربيات من اول الy10و الابسيلون والدلتا والبريسيما وهو هو نفس المحرك علي الونو والريجاتا 75 والريتمو 70و75 وهو جامد بيتحمل ضغط التيربو بس مشكلته ان الشوط بتاعه قصير وطبعا في الانشيا فية زيادة طفيفة في القوة عن الفيات

شكرا على المعلومات بس انا مش فاهم يعني ايه الشوط بتاعه قصير وفي اللانشيا في زيادة طفيفة في القوة عن الفيات ؟

الموتور اللى انتا عاوزة ده انجكشن ولا كيربيداتير وليه مالوا موتور الاونو مزعلك فى ايه؟

الصراحة معرفش هو كربراتير ولا انجكشن وعشان كدة انا طالب اي معلومات عنه وبالنسبة لموتور الاونو مش مزعلني في حاجة بس انا عاوز حاجة اشد شوية بسيطة عشان السفر بس مش اكتر عشان الموتور ال1000 بتاع الاونو مش حيستحمل سفر .

**yuyu0000yuyu** · 15-05-2010 02:30 AM

المشاركة الأصلية كتبت بواسطة ramyworm

انا كنت عاوز اعرف سعر موتور لانشيا 1300 سي سي 70 حصان وطبعا السعر شامل التكيف والفتيس والعفشة وكل القطع الخاصة بيه وياريت اللي عنده معلومات اكتر عن الموتور ده يفيدني بيها زي نزل في عربيات ايه وسنة كام .
عشان بفكر اسقطه على عربية فيات اونو 94
ولكم جزيل الشكر .....

متابع باهتمام جدا لانى عاوز اسقطه فى ال128

**kaza** · 15-05-2010 02:45 PM

المشاركة الأصلية كتبت بواسطة ramyworm

شكرا على المعلومات بس انا مش فاهم يعني ايه الشوط بتاعه قصير وفي اللانشيا في زيادة طفيفة في القوة عن الفيات ؟

معني الشوط قصير ان مسافة تحرك االمكبس بين النقطة الميتة العليا والسفلي فصيرة ودة كويس للمحركات المطلوب دورنها بسرعات عالية فوق ال7000 لفة فى الدقيقة ودة مطلوب في سباقات الفورميولا واحد وحلبات السباق المقفلة بس طبعا بيبقي المحرك من 8 اسطوانات لكن للاستخدام العادي والراليات واللي عن اعتقادي الشخصى اصلح انواع التكنولوجي للمحركات للاستخدام في الشوارع العادية باحتاج لتصميم محرك شوطة طويل نسبيا علشان استفيد من عزم الدوران المولد داخل الاسطوانة لاكبر قدر ممكن الكلام ده بدون الدخول في تفصيلات كتير هاوجع دماغك بيها .. اما الفرق في القوة البسيط بين اللانشيا والفيات فدة بيرجع لشوية اختلافات بسيطة داخل المحك علي سبيل المثال لا الحصر ان مقدار الاختلاف في وزن المكابس والبيلات والبنوز في الفيات 5جرام بالنقص او الزيادة والانشيا 2جرام بس

**ramyworm** · 16-05-2010 03:01 AM

معني الشوط قصير ان مسافة تحرك االمكبس بين النقطة الميتة العليا والسفلي فصيرة ودة كويس للمحركات المطلوب دورنها بسرعات عالية فوق ال7000 لفة فى الدقيقة ودة مطلوب في سباقات الفورميولا واحد وحلبات السباق المقفلة بس طبعا بيبقي المحرك من 8 اسطوانات لكن للاستخدام العادي والراليات واللي عن اعتقادي الشخصى اصلح انواع التكنولوجي للمحركات للاستخدام في الشوارع العادية باحتاج لتصميم محرك شوطة طويل نسبيا علشان استفيد من عزم الدوران المولد داخل الاسطوانة لاكبر قدر ممكن الكلام ده بدون الدخول في تفصيلات كتير هاوجع دماغك بيها .. اما الفرق في القوة البسيط بين اللانشيا والفيات فدة بيرجع لشوية اختلافات بسيطة داخل المحك علي سبيل المثال لا الحصر ان مقدار الاختلاف في وزن المكابس والبيلات والبنوز في الفيات 5جرام بالنقص او الزيادة والانشيا 2جرام بس

شكرا جدا للافادة .
من الواضح ان حضرتك ليك خبرة كبيرة في مواتير العربيات طب انا عاوز اعرف رأي حضرتك في اختيار الموتور ده لعربيتي وايه انسب المواتير اللي ممكن تزود الاداء شوية من غير تكلفة عالية وادخل في دوامة من التعديلات ؟؟

**kaza** · 16-05-2010 08:29 PM

المشاركة الأصلية كتبت بواسطة ramyworm

شكرا جدا للافادة .
من الواضح ان حضرتك ليك خبرة كبيرة في مواتير العربيات طب انا عاوز اعرف رأي حضرتك في اختيار الموتور ده لعربيتي وايه انسب المواتير اللي ممكن تزود الاداء شوية من غير تكلفة عالية وادخل في دوامة من التعديلات ؟؟

للاونو انا بافضل المحرك ال1400 الخاص بالتمبرا وشقيقتها التيبو ودة نفس المحرك اللي بينزل علي الاونو التربو بس طبعا اقل في القدرة الحصانية وعزم الدوران ..تمنة في حدود 2500 كامل بالجير بوكس في عزبة شلبي وممكن ادخال العديد من التعديلات بدون الدخول في دوامة التربو بس بيحكمك المادة طبعا وممطن تتطرف في التعديل لغاية 200 حصان تقريبا بامكانيات عادية زي توسيع مداخل الخليط واستخدام عادم رياضى وتنحيف الاجزاء الداخلية للمحرك وتقليل وزن ترس الحدافة ..الخ وعموما اومحتاج اي حاجة انا تحت امرك ولو عايز كتاب الصيانة للاونو عندي بالانجليزى لشركة هاينز

**ramyworm** · 17-05-2010 01:57 AM

معلش انا تعبك معايا يا kaza بس بجد انت عضو محترم جدا وده اللي خلاني اطمع في انك تشاركني برأيك في التعديل اللي بفكر فيه .
من الاخر انا مثلا لو معايا 5000 بس مش حعدي عنهم مليم وعاوز اسقط الموتور اللي قولتلي عليه بتاع التمبرا او التيبو طبعا انا قدامي تعديلات كتير ممكن تتعمل في الموتور وفي العفشة والفرامل وكل جزء لوحده ممكن يتكلف اكتر من ال5000 لكن انا عاوز اعمل توليفة مظبوطة يعني اعدل تعديل بسيط في الموتور يقابله تعديل بسيط في العفشة عشان يستحمل القوة والسرعة الزيادة الناتجة عن الموتور يقابله تعديل في الفرامل عشان يوقف القوة الجديدة .
انا عاوز اعرف ايه التعديلات اللي ممكن تتعمل من حيث التعديل في الموتور مع التعديل في العفشة مع الفرامل عشان الموضوع يبقى متظبط . وتكلفة كل تعدل حيكون كام وفي الاخر اكبر قوة كام حصان ممكن اوصلها بالمبلغ المتاح .
معلش استفسار كمان هو الموتور بتاع التمبرا فيه تكييف ولا لأ عشان ده السبب الرئيسي اللي خلاني افكر اسقط موتور
عشان انا كنت بفكر اركب تكييف في العربية لقيت التكيف المحترم ممكن يدخل في 2000 او 3000 فانا قولت اسقط موتور وفيه تكييف بنفس تكلفة التكييف وازود شوية واعمل تعديلات تخلي اداء العربية عالي نوعا ما .