الموضوع: يا أهل العلم و ألخبرة ..احكولى عن عفشة التمبرة

ازيك يا باشا ومرحبا بك معلش انا مش فاهم قصد حضرتك بالتحديد بس اقول لحضرتك الى انا عارفة اولا المقصود بالعفشة الكاملة هو ال 4 مساعدين امامى وخلفى العلابية من الخلف سوست ومساعدين مفيش جاجة غيرهم ممكن تتغير من الامام جوز المساعدين والسوست الامامية و جوز المقصات و كاوتشتين صغيرين مدورين بتوع الميزان راكبين فى المقصات انصحك قبل تغير او شراء اى حاجة جديدة الذهاب الى الميكانيكى و الكشف على العفشة ومعرفة ما هو غير سليم ليتم تغيرة تجنبا للمصاريف الى ملهاش لازمة ضرورية انا اسف مش عارف افيدك اكثر من ذلك فى الوقت الحالى بس بعد معرفة ما هو مطلوب ممكن جدا نواليك بأسعار قطع الغيار بس انا من القاهرة للعلم وبالنسبة لموضوع التغير الميكانكى يغيرهم مش مهم التوكيل

هشام باشا
صباح الخير/مساء الخير اختار انت بقى
انا متشكر على ردك السريع لكن عاوز اقولك ان الصوت عندى قدام مش بالخلف وعلى فكرة انا لما غيرت فى التوكيل دفعت مبلغ حلو....ورجعولى حوالى 8 قطعة بدل اللى غيروها جديدة ماكانش منهم اى مساعدين !!! ده خلانى مش عارف هل المساعدين ضمن عمرة العفشة ولا دى مقاولة تانية لوحدها؟؟

أحمد باشا مساء الخير ازى حضرتك لللأمانة برضو خلى ميكانيكى يكشف على العربية و اسعار قطع الغيار المساعدين فى ب 430 جنية عند بتوع قطع الغيار و فى المونرو حلوين وماركم كحترمة وضمان سنة ب 600 جنية ودول غاز يعنى ناشفين شوية بس أداء عالى لو حضرتك بتأخد مطبات كتييييير المقصات عمرهم الافتراضى ممكن يكون قل ودول سعرهم 400 او 430 عى الاكثر ايطالى كاوتش الميزان التركى ب 20 جنية السوست الاصلية أرجنتينى من الكيلانى ب 350 جنية المصنعية حسب الميكانيكى كبيرة يأخذ 100 او 120 جنية على اقصى تقدير بالبحبحة قوى مش اكتر من كدة والحسابات متروكة لسيادتك حسب الميزانية

ودول يا باشا شكل المساعدين والسوست والمقصات ImageShack Album - 2 images

صباح شريف / مساء شريف

هشام باشا ...... عادل باشا

الحقيقة الاميدجات اللى بعتهملى يا هشام باشا نورونى تمام وعلى فكرة لو التواصل والتوضيح بيبقى معاه ايمدجات او صور حتى لو من المحمول ده بيسهل وصول المعلومة اكتر واسرع .
مره تانيه انا متشكر جدا على الاهتمام والافاده وبرضة زى ماقال عادل باشا يمكن تطلع حاجة بسيطه زى اللى كانت عنده ومنغرمش كتير في الشغلانة بس ربنا يعطرنا فى الصنايعى الحلو و اللى يكون فاهم .
لكم منى كل التحية و التقدير.

المشاركة الأصلية كتبت بواسطة ahmedelsoufy

صباح شريف / مساء شريف

هشام باشا ...... عادل باشا

الحقيقة الاميدجات اللى بعتهملى يا هشام باشا نورونى تمام وعلى فكرة لو التواصل والتوضيح بيبقى معاه ايمدجات او صور حتى لو من المحمول ده بيسهل وصول المعلومة اكتر واسرع .
مره تانيه انا متشكر جدا على الاهتمام والافاده وبرضة زى ماقال عادل باشا يمكن تطلع حاجة بسيطه زى اللى كانت عنده ومنغرمش كتير في الشغلانة بس ربنا يعطرنا فى الصنايعى الحلو و اللى يكون فاهم .
لكم منى كل التحية و التقدير.

أحمد بلشل العفو لو عايز اى صور اخرى للعربية قول و ما عندى لرسلة لك فور قراءة الموضوع بس طبعا الصور المتاحة لدى