الموضوع: للمتزوجين فقط...الشجعان فقط..لو رجع بيك الزمان؟

هاتجوز طبعا مافيش كلام

و لو كان بدرى كان احسن

لو رجع بيا الزمن اكيد ومليون فى المائة هتجوز زوجتى طبعا انا متزوج من حوالى 15 سنة ومرت بنا مشاكل لاتعد ولا تحصي ولا فى الخيال والافلام لكن انا متزوج عن حب فهى كانت زميلتى بالجامعة وكل من حولنا من زمايل او اقارب تنباوا لنا بالفشل فكان مرتبى عند الزواج لايتعدى ال300 جنيه لاننى كنت خريج جديد والان انا وزوجتى والاولادى فخورين بما حققناه وان لم نحقق كل ما نتمنى ولم تخلوا الحياة من بعض المشاكل لكن لا استطيع مهما فعلت ان ارد جزء بسيط مما فعلته زوجتى من تضحيات ومواجهات لاهلها فى بداية تعارفنا لاقناعهم بالزواج من شخص خريج جديد ولا يمتلك اى شى ولا شقة ولا عربية ولا اى شىء وبالكفاح سويا وتمسكنا ببعض استطعنا ان ننجح ونكون اسرة والحمد لله سعيدة الى حدا ما والان من كانوا فى موقف الرفض ارى فى بعضهم نظرات حسد وارى فى بعضهم الاخر نظرات الفخر بنا واننا نستحق ما نحن فيه الان والحمد لله الذى وهبنى تلك الانسانة الرائعة وعلى فكرة هى غير مشتركة فى هذا المنتدى وان كنت اتمنى اشتراكها لكى ترى تلك الكلمات التى لاتوافيها حقها ابدا
ولكن الحياة جعلتنى ارى من الزوجات ممن لايخافوا الله ولا يخافوا اى شىء فى سبيل تحقيق مصلحتهم الشخصية فقط دون ازواجهم او اولادهم واعوذ بالله منهم واحمد الله على التوفيق فى حسن اختيار زوجتى ونور عينى

بعد 8 سنين زواج و 3 اطفال ................ كنت هختار مراتي برضه بس كنت هاخد قرار الزواج وانا اصغر ب 10 سنين ... لاني اتجوزت متاخر

الحياة الزوجية ايام حلوة و ايام نص نص و ايام قليلة نكد و ده عادي جدا .... حوارات الحب و الغرام و اغاني عبدالحليم دي فترة الخطوبة والكتابة لكن بعد كده عوامل كتيرة بتاثر على الحياة زي استقرار العمل و معدل الدخل و حماتك و حماتها ....

لكن لو رجع بيا الزمن كمان هسكن في محافظة تانية بعيد عن حماتي ( مع اننا اصحاب و حبايب ) لكن الامهات تاثيرهم مش حلو على بناتهم

كنت هختار زوجتي طبعا .......... جدعة وطيبة وبنت ناس

لكن المشكلة في الزواج نفسه وكبت الحريات اه في ايام كتير حلوة لكن فيه نكد وخنقة كتير أوي أوي أوي