للمتزوجين فقط...الشجعان فقط..لو رجع بيك الزمان؟

**إسلام شاهين** · 04-02-2008 02:02 PM

يا حسام إنت فهمتني غلط الموضوع مش موضوع الاختيار الحمد لله أنا واخد من عيله وأب وأم فوق الوصف وإخوات كمان

المشكلة مش هنا المشكلة في المبدأ نفسه يعني الزواج وما يتتبعه من مسئوليات وهموم وطلبات لا تنتهي يعني الزواج كمعنى وليس كهدف

يعني ببساطه لما بقعد افتكر أيام ماكنت في بيت أبويا وأمي مش شايل هم حاجة سواء أيام الجامعه أو الشغل قبل الزواج ومفيش في بالك أي حاااااااااااااااااااااااا ااااااااااااااااااجه فاهم أي حاااااااااااااااااااااااا اااااااجه بتيجي من شغلك تلاقيس أكلك وتخش تريح وتقوم تعمل اللي نفسك فيه مابتفكرش مين كل ومين شرب ومين ذاكر ومين نجح ومين عايز بامبرز ومين عيان ومين عايز هدوم ومين ضرب مين يوووووووووووووووووووووووو ووووووووووووووووووووووووو وووووووووووووه !!!!!!!!!!!!!!!!!!!!!!!!!!

**aif** · 04-02-2008 02:29 PM

ربنا يخليهالي ويحفظ اولادي واولادكم جميعا
دي الضحكة في عين طفلك بالدنياوما فيها طب شوفو البوسة السمينة بتاعت الواد ابراهيم اللي في الصورة ... اللي بيخاف من السمين ياخد انتينال مضاد للاسهال
الزوجة الصالحة خير متاع الدنيا

**Ahmed Hassan** · 04-02-2008 02:53 PM

انا اخترت الاختيار الأول (هاخد نفس القرار). اصل مينفعش متتجوزش... المهم تقدر تفضل منطلق و تحقق احلامك (او على الأقل جزء منها) مع قدره تحمل معقوله للنكد الناتج عن ذلك :)

(نوع السيارة مثلا ماينفعش تكون مانيوال لأن المدام مابتعرفش تسوق مانيوال)

لأ يا ابو حميد... دي لازم تكون مانيوال... اصل الأوتوماتيك بيبوظ.... فاهمني؟؟؟ ;)

**Hossam_Hassan** · 04-02-2008 02:54 PM

المشاركة الأصلية كتبت بواسطة إسلام شاهين

يا حسام إنت فهمتني غلط الموضوع مش موضوع الاختيار الحمد لله أنا واخد من عيله وأب وأم فوق الوصف وإخوات كمان

المشكلة مش هنا المشكلة في المبدأ نفسه يعني الزواج وما يتتبعه من مسئوليات وهموم وطلبات لا تنتهي يعني الزواج كمعنى وليس كهدف

يعني ببساطه لما بقعد افتكر أيام ماكنت في بيت أبويا وأمي مش شايل هم حاجة سواء أيام الجامعه أو الشغل قبل الزواج ومفيش في بالك أي حاااااااااااااااااااااااا ااااااااااااااااااجه فاهم أي حاااااااااااااااااااااااا اااااااجه بتيجي من شغلك تلاقيس أكلك وتخش تريح وتقوم تعمل اللي نفسك فيه مابتفكرش مين كل ومين شرب ومين ذاكر ومين نجح ومين عايز بامبرز ومين عيان ومين عايز هدوم ومين ضرب مين يوووووووووووووووووووووووو ووووووووووووووووووووووووو وووووووووووووه !!!!!!!!!!!!!!!!!!!!!!!!!!

يا باشا انت اللى فهمتنى غلط، انا بجد مكنتش بعلق على اى تعليق، أنا كنت بس بأقول وجهة نظرى، عموما ابو ابراهيم جاب من الأخر، البصة فى وش ولادنا بالدنيا و تهون على الواحد أى قلق و المسئولية بتبقى متعة لما تقدر عليها و ساعة ماتقدرش و تلاقى شريكة حياتك واقفة جنبك، بتحس برضك بنوع من الرضا و الطمئنينة اللى بتضيع القلق

**Xpert** · 04-02-2008 03:34 PM

هههه هيا لو جت علي العربيه انا مستعد اشتغل تاكساجي عشانها يا عم .. :d بس اصل انا قدامي فعلاً حاجه من بيت كويس و المستوي متقارب و كله 100 100 .. و انا عن نفسي مستعد اكمل .. بس مش عارف ليه حاسس انكوا بتتكلموا عن الجواز ده زي ما يكون "قدر مكتوب عليك" .. انما احنا هنا بيت عمده و كده .. فالامور عكس كده عندنا .. ده الواحد يتمني يا خويا يتجوز .. هاتلاقي زي ما اتقال كده واحد بيحبك و عامل عليك .. و مصلحته من مصلحتك زي ما بيقولوا ..
ولا ايه الكلام يا رجاله .. متابعين كلامكم اهه

**Islam_galal** · 04-02-2008 04:18 PM

(و أما بنعمه ربك فحدث)

حاكررها طبعا و لو ممكن استنسخها (و الله بتكلم و انا قاعد لوحدي)
الحمد لله

انا متجوز بقالي سنتين و ربنا يديم نعمه علينا

**Migo123** · 04-02-2008 04:29 PM

الكبير سبعاوي بجرجركو في الكلام .... وقال ايه خليك شجاع وبتاع

ورأيك فيييين يا كبيير

**mada121977** · 04-02-2008 04:52 PM

انا اختارت الاختيار الاول .. لانها وبكل بساطه ربنا يكرمها مستحملانى وواقفه جنبى على طول الطريق ودايما بتثبتلى انها كانت الاختيار الصحيح .. طبعا ده لايمنع من وجود المشاكل الزوجيه الموجوده فى الكثير من الاسر بس فى المجمل هى برضه الاختيار الصحيح :)

hh · 04-02-2008 05:01 PM

في العادة تقسم مسئوليات الزواج كالاتي :

الست هي اللي بتطبخ و الراجل بياكل
الست بتغسل الهدوم وتكويها و الراجل بيلبسها
الست بتوضب البيت و الراجل يرمي حاجته في كل حته
الست بتستحمل الام الحمل و الولادة و الراجل لما البيبي يعيط بالليل يقوللها خديه اوضة تانية عشان عايز انام

و رغم كده الراجل دايما هو اللي عمال بيشتكي من الجواز و سنينه و يتحسر على العزوبية, ما شفتش ظلم اكثر من كدة!!!!!!!!!!!:) :)
و يا ريت محدش يكلمني على المسؤلية المادية عشان دلوقتي اغلب الستات بتشتغل و حتى لو ست بيت كفاية انها تكون مستحملة ظروف الحياة معاك و بتدبأها من كل حته عشان الحياه تمشي.

-

مشاهدة نتائج الإستطلاع: لو رجع بيك الزمان لورا قبل قرار الجواز مباشرة هتعمل ايه

الموضوع: للمتزوجين فقط...الشجعان فقط..لو رجع بيك الزمان؟

LinkBack

أدوات الموضوع

عرض

-

-

-

-

المواضيع المتشابهه

اخر الزمان

للمتزوجين فقط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مقارنه للمتزوجين فقط

للمتزوجين فقط

سؤال هام للمتزوجين فقط

الكلمات الدلالية لهذا الموضوع

المفضلات

المفضلات

ضوابط المشاركة