العربية بطلت و مش راضية تدور !!

**AymanPt** · 14-05-2010 07:05 PM

السلام عليكم ورحمه الله وبركاته أخواني الكرام

أسعد الله أوقاتكم بكل خيـــر و كتب لكم التوفيق في سائر خطواتكم

بصراحة مشكلتي تبدو هايفة في مجلمها و سهلة الحل
بس للأسف لحد دلوقتي مش لاقي لها حل

عربيتي البيجو الـ 205 ,, كانت ماشية تمام و رايح بها شغلي
فجأة العربية بطلت !!

احاول أدورها ,, مفيش فايدة
حاولت كتيــــــــر جدا ,, برضه نفس الكلام

قولت يمكن البنزين خلص ,, رغم ان التنك فيه حوالي 20 لتر علي قراية العداد
جيبت جركنين , كل واحد 4 لتر و روحت لبنزينة بتاكسي ,, و مليتهم و رجعت للعربية ,, و حطيتهم و كاركت شوية و بدور ,, برضه مفيش شوية
البطارية جديدة و المارش بيقوم ,, بس العربية مش راضية تقوم

قولت يمكن البطارية عايزة وصلة مثلآ

, روحت و جيبت واحد صاحبي بعربيته و عملنا وصلة ,, و برضه ما دارتش

قولت يمكن الكاربراتير مش واصل له بنزين , شيلت فلتر البنزين و قعدت أشفط البنزين من الطرمبة لحد لما طلع البنزين في الخرطوم ,, و ركبت الفلتر (الفلتر لسه مغيره من شهر بس ) و من الناحية التانية من الفلتر قعدت أشفط البنزين لحد لما طلع ,, ووصلت الخرطوم اللي من الفلتر لحد الكاربراتير لعد لما تأكدت انه البنزين ماشي فيه
و أدور ,, برضه مفيش فايدة

فكيت عمة الكاربراتير و حطيت شوية بنزين قد غطا زجاجة ماء فيه,, و دورت ,,
برضه

زقيناها انا و صاحبي ,, و كل واحد يجرب يدورها شوية , برضه مفيش فايدة ,,
لحد لما ركناها في أول عباس العقاد

الكلام ده من 3 أيام تقريبا
بعدها في نفس الليلة كده سافرت لشغل و لسه راجع النهاردة بعد الصلاة و كنت ساييب العربية مكانها من ساعتها

النهاردة والدي الصبح جاب ميكانيكي قريب من بيتنا و قطروا العربية لورشته
بعد لما كشف ,, بيقول لي انه الموبينة و الاسبراتير الأليكتروني محروق هو و المشط

بصراحة انا مش مصدق الكلام ده نهائي ,, لآنه مفيش اي مشكلة في الكهرباء لما أطفت لوحدها و كنت مشغل الكاسيت و ماشية تمام و مكنش في اي مشكلة
بعد كده رجع قال انه الموبينة سليمة
و العربية محتاجة أسبراتير و مشط أليكتروني
أو أشتري أسبراتير عادي و موبينة عادية و أبلاتين و كوندينسر

روحت للميكانيكي مع صاحبي ده و قال لي نفس الكلام اللي قاله والدي ,, قولت له شكرا يا عم ,,
وسحبت العربية للبيت من شوية

دلوقتي يا جماعة العيب من ايه في الموضوع ده ؟
البطارية جديدة ,, المارش سليم و بيقوم دايما و العربية كانت بتدور من أول تكة ,,
البوجيهات جديدة من شهر بس و مركب NGK أبو 2 شمعة و أسلاك البوجيهات سليمة
طرمبة البنزين متابعها بأستمرار و لما كنت بسخن العربية قبل لما تقطع و تبطل ,, شايف الطرمبة بتضخ بنزين في الفلتر كويس جدا
حتي اني شفطت البنزين بفمي أحسن يكون في خرطوم مسدود و البنزين مش واصل للكاربراتير , بس كل حاجة تمام
انا مش مقتنع بحوار الأسبراتير و المشط أبدأ

تعتقدوا يكون العيب من ايه ؟

بأنتظاركم و جزاكم الله كل خيــر

**amrelsaqqa** · 14-05-2010 07:11 PM

هل لما تيجى تديها مرش بتسمع زي صرخة كدة ؟

وهل العربية دى سير الكاتينة فيها سير عادى ولا جنزير ؟
ولو عادى انت مغيره اخر مرة امتى ؟
ما هو احتمال يكون سير كاتينة اتقطع ..

وانت ممكن تختبر حوار الاسبراتير ده
افصل سلوك البوجيهات وجربهم سلك سلك انك تقربه من ارضى العربية مسافة 3 مللى مثلا وتدور مارش
لو شفت شرارة مع كل سلك يبقى نظام الاشعال سليم وكمان انت بتقول البوجيهات جديدة
شوف بس حوار الكاتينة ده الاول

**dr.hany** · 14-05-2010 07:18 PM

المشاركة الأصلية كتبت بواسطة amrelsaqqa

وانت ممكن تختبر حوار الاسبراتير ده
افصل سلوك البوجيهات وجربهم سلك سلك انك تقربه من ارضى العربية مسافة 3 مللى مثلا وتدور مارش
لو شفت شرارة مع كل سلك يبقى نظام الاشعال سليم وكمان انت بتقول البوجيهات جديدة
شوف بس حوار الكاتينة ده الاول

تمام الكلام ده

اعتقد ان المشكله ليست فى دورة البنزين وانما هاتلاقيها فى دايرة الكهربا طالما انك متاكد من جميع مكونات دائرة البنزين.وعادى جدا ان الموبينه او المشط يفصل مرة واحده بون مقدمات

**AymanPt** · 14-05-2010 07:18 PM

المشاركة الأصلية كتبت بواسطة amrelsaqqa

هل لما تيجى تديها مرش بتسمع زي صرخة كدة ؟

وهل العربية دى سير الكاتينة فيها سير عادى ولا جنزير ؟
ولو عادى انت مغيره اخر مرة امتى ؟
ما هو احتمال يكون سير كاتينة اتقطع ..

وانت ممكن تختبر حوار الاسبراتير ده
افصل سلوك البوجيهات وجربهم سلك سلك انك تقربه من ارضى العربية مسافة 3 مللى مثلا وتدور مارش
لو شفت شرارة مع كل سلك يبقى نظام الاشعال سليم وكمان انت بتقول البوجيهات جديدة
شوف بس حوار الكاتينة ده الاول

ألف شكر أ/عمرو علي رد حضرتك .

سير الكاتينة عندي جنزير , مش عادي
تعتقد انه ممكن يتقطع ؟

و انا بدور : مش بسمع الصرخة اللي حضرتك بتقول عليها , بس العربية مش بتقوم .

بخصوص حركة الأسبراتير : معلش هو أرضي العربية موجود فين ؟
جزاك الله كل خير أ/عمرو علي ردك ..

**AymanPt** · 14-05-2010 07:19 PM

المشاركة الأصلية كتبت بواسطة dr.hany

تمام الكلام ده

اعتقد ان المشكله ليست فى دورة البنزين وانما هاتلاقيها فى دايرة الكهربا طالما انك متاكد من جميع مكونات دائرة البنزين.وعادى جدا ان الموبينه او المشط يفصل مرة واحده بون مقدمات

المشكلة انهم غاليين جدا يا د/هاني ,, و كمان كلمت بتوع الأستراد اللي بتعامل معاهم بعد لما أخدت العربية و مش لاقيهم

, مفيش غير العادي بس ..

**amrelsaqqa** · 14-05-2010 07:22 PM

المشاركة الأصلية كتبت بواسطة aymanpt

ألف شكر أ/عمرو علي رد حضرتك .

سير الكاتينة عندي جنزير , مش عادي
تعتقد انه ممكن يتقطع ؟

و انا بدور : مش بسمع الصرخة اللي حضرتك بتقول عليها , بس العربية مش بتقوم .

بخصوص حركة الأسبراتير : معلش هو أرضي العربية موجود فين ؟
جزاك الله كل خير أ/عمرو علي ردك ..

الارضى
الطرف السالب للبطارية
او شاسيه العربية كله لأنه متوصل بسالب البطارية

**samirayad** · 14-05-2010 08:55 PM

خللى صاحبك فى العربيه يدى مارش
وأنت حل كابل بوجيه واحد من عند البوجيه وحطه على جسم المكنه وهو بيدور

مطلعش شراره يبقى فيه مشكله فعلا فى الأسبراتير أو المشط الألكترونى

وغالبا حتلاقى المشط هو اللى شيع منك

**AymanPt** · 15-05-2010 02:59 AM

المشاركة الأصلية كتبت بواسطة amrelsaqqa

الارضى
الطرف السالب للبطارية
او شاسيه العربية كله لأنه متوصل بسالب البطارية

المشاركة الأصلية كتبت بواسطة samirayad

خللى صاحبك فى العربيه يدى مارش
وأنت حل كابل بوجيه واحد من عند البوجيه وحطه على جسم المكنه وهو بيدور

مطلعش شراره يبقى فيه مشكله فعلا فى الأسبراتير أو المشط الألكترونى

وغالبا حتلاقى المشط هو اللى شيع منك

الله يكرمكم و يوفقكم أ/عمرو و باشمهندس سمير ..

ربنا ييسر الصبح إن شاء الله

,,
هجيب ميكانيكي و يركب لي الأسبراتير (لآن الميكانيكي الأولاني حلّه و شايله مع المشط في شنطة العربية حاليا)
و أجرب الخطوات دي ,,

طب لو مطلعش العيب من الأسبراتير و طلع سليم , هل من أحتمالات انه في مشكلة في اي جزء تاني من محرك العربية ؟

ربنا يجازيكم كل خير علي تعبكم معي ..