كيفية عمل التقسيمة لو سمحتم؟

**rabeasaber** · 14-05-2010 11:56 PM

إزاى يا جماعة أعمل التقسيمة بتاعة الأسبراتير(128) من الألف للياء لأن الموضوع ده متكرر وممكن نحتاجه فى ظروف سفر ولا حاجة خاصة انى عرفت انه ممكن يتعمل بسهولة بدون الميكانيكى . بس ياريت تفصيليا؟

**amrelsaqqa** · 15-05-2010 01:04 AM

متاااااااااابع باهتمام شديد

**newhansol** · 15-05-2010 02:57 AM

مش فاهم تقسيمة اية قصد حضرتك انك لو خلعت السلوك الى طالعة من الاسبراتير ازاى تعرف تركبها تانى بنفس الترتيب الى كانت علية ولا اية مش فاهم
يعنى ازاى تخلى ترتيب السلوك 1342

**m_mekkawy** · 15-05-2010 08:56 AM

مكتوب ع السبراتير 1 و2 و3 و4
1-للبجيه الولانى و2 للبجيه التانى وهاكذا
بتفك الصامولة ال13 اللى فى قاعدة الأسبيراتير.
بتخلى البجيه الأولانى فى وش الأسبيراتير مشاور على مكانه فى الماكينه بالتقريب.
بتخلى حد يدور وانت بتلفه يمين وشمال بشويش.
هتلقط العربيه على وضعية لفه معبنه وهتربط الصامولة ال13 شويه.
سنه يمين وسنه شمال لحد ما الترتيله اللى فى الشكمان تختفى بس هتظبط معاها الهوا والسلانسيه.
دوس ع العربيه ان ضربط مدفع من الشكمان الو مدافع صغيره وانت بتشيل رجلك يبقى لسه عايزه ظبطه صغيره.
وهاكذا لحد ماتظبط.

**rabeasaber** · 15-05-2010 01:19 PM

شكرا جزيلا للرد
لكن فية بعض الأستفسارات
ازاى أرقم البوجيهات فى جسم الموتور يعنى أعتبر ان الى ناحة الدريكسيون رقم 1 وبعده 2 وهكذا ولا من ناحة قربة المياه أعد رقم 1 و2 وهكذا لأن الاسبراتير مرقم لكن بلوك الموتور معليهوش ترقيم
ثانيا لو بعمل التقسيمة من الأول خالص كأن الأبراتير خرج علشان أركب أبلاتين وكوندنسر لأن بعض الزملا قالولى ان بستخدم مفك مكان البوجيه علشان أرفع البستم رقم 1 فياريت توضيح لهذه النقطة تفصيليا
تحياتى

**د.محمود صلاح** · 15-05-2010 04:01 PM

لو تقصد التقسيمة بتاعة سير الكاتينة >> يوجد علامات لذلك أثناء التغيير

لو تقصد تقسيمة الكهرباء >> ايه اللي هيخليك تلعب فيها على المستوى الفردي ؟ لو هتغير غطا الاسبيراتير يبقى ركب الجديد بنفس ترتيب القديم

**rabeasaber** · 15-05-2010 04:11 PM

شكرا جزيلا كده الأأمور وضحت

**newhansol** · 15-05-2010 06:02 PM

كل الكلام الى الاخوة الاعضاء شرحوة دة تمام وصحيح
توضيح بس صغير
البستم بيبقى رافع على اعلى نقطة فى حالتين
مرة وهوة بيعمل شوط الضغط وفى نهاية الشوط دة بتحدث الشرارة والبستم يرجع مكانة تانى
والمرة التانية والبيستم بيعمل شوط طرد العادم بانة بيرتفع لحد اعلى نقطة لطرد العادم
طب احنا بقى لم نحط المفك ونستنى البستم وهوة طالع اش عرفنا انة الطلعة دى بعدها هايحدث الشرارة الى هاتولع الخليط بتاع البنزين والهوا
علشان كدة بناخد كبس المكنة زى مابيقولو الصنيعية
بنعمل اية بقى
هانعشق الرابع وترفع العربية وتفك البوجية الاولانى واتاكد انة البوجية الاولانى مش الرابع
وهاتحط صوبعك مكان البوجية وانت بتلف هاتلاقى فى مرحلة بيحدث ضغط على صباعك وفى وقت مش هاتعرف تسد الضغط دة وبالتالى هايتسرب من تحت صبعاك وهايعمل صوت فسسسسسسسسسس
فى الوضع دة لو جبت مفك وحطيتة مكان صباعك هاتلاقى البستم قرب لفوق تقريبا هاتفضل تلف العجلة سنة سنة لحد ما البيستم يبقى على اعلى نقطة وهايبدا انة ينزل تانى فى اللحظة دى بالظبط المفروض يكون راس الشاكوش عند نقطة التلامس البوجية رقم واحد
وخلى بالك فى ملحوظة مكنتش اعرفها قبل كدة
فى حاجة اسمها النقطة الميتة العليا الى البستم بيبقى فيها على خط واحد مع المحور الى ثابت فية وعند الوضع دة المفروض مانعملش توقيت الاشتعال عليها لانها ممكن تكسر البستم
وضع الاشتعال بيبقى عند اللحظة الى البستم هايبدا ينزل فيها
يعنى تجيب اعلى نقطة فى البستم بالمفك وبعدين تكمل لف كمان لحد ما تلاقى البستم هايبدا ينزل لتحت عندها تظبط راس الشاكوش على نقطة التلامس بالظبط

دة كل الى كنت عايز اقولة وبعدين موضوع اخد الكبس دة وترتيب البوجيهات والكلام دة مش سهل يعنى وياريت لو مش هاتعرف تعملة يبقى يعملة اى ميكانيكى وخلاص وتريح دماغك

**mramzy** · 15-05-2010 06:22 PM

المشاركة الأصلية كتبت بواسطة newhansol

كل الكلام الى الاخوة الاعضاء شرحوة دة تمام وصحيح
توضيح بس صغير
البستم بيبقى رافع على اعلى نقطة فى حالتين
مرة وهوة بيعمل شوط الضغط وفى نهاية الشوط دة بتحدث الشرارة والبستم يرجع مكانة تانى
والمرة التانية والبيستم بيعمل شوط طرد العادم بانة بيرتفع لحد اعلى نقطة لطرد العادم
طب احنا بقى لم نحط المفك ونستنى البستم وهوة طالع اش عرفنا انة الطلعة دى بعدها هايحدث الشرارة الى هاتولع الخليط بتاع البنزين والهوا
علشان كدة بناخد كبس المكنة زى مابيقولو الصنيعية
بنعمل اية بقى
هانعشق الرابع وترفع العربية وتفك البوجية الاولانى واتاكد انة البوجية الاولانى مش الرابع
وهاتحط صوبعك مكان البوجية وانت بتلف هاتلاقى فى مرحلة بيحدث ضغط على صباعك وفى وقت مش هاتعرف تسد الضغط دة وبالتالى هايتسرب من تحت صبعاك وهايعمل صوت فسسسسسسسسسس
فى الوضع دة لو جبت مفك وحطيتة مكان صباعك هاتلاقى البستم قرب لفوق تقريبا هاتفضل تلف العجلة سنة سنة لحد ما البيستم يبقى على اعلى نقطة وهايبدا انة ينزل تانى فى اللحظة دى بالظبط المفروض يكون راس الشاكوش عند نقطة التلامس البوجية رقم واحد
وخلى بالك فى ملحوظة مكنتش اعرفها قبل كدة
فى حاجة اسمها النقطة الميتة العليا الى البستم بيبقى فيها على خط واحد مع المحور الى ثابت فية وعند الوضع دة المفروض مانعملش توقيت الاشتعال عليها لانها ممكن تكسر البستم
وضع الاشتعال بيبقى عند اللحظة الى البستم هايبدا ينزل فيها
يعنى تجيب اعلى نقطة فى البستم بالمفك وبعدين تكمل لف كمان لحد ما تلاقى البستم هايبدا ينزل لتحت عندها تظبط راس الشاكوش على نقطة التلامس بالظبط

دة كل الى كنت عايز اقولة وبعدين موضوع اخد الكبس دة وترتيب البوجيهات والكلام دة مش سهل يعنى وياريت لو مش هاتعرف تعملة يبقى يعملة اى ميكانيكى وخلاص وتريح دماغك

استاااااااااااااااااااااا اذ

الموضوع: كيفية عمل التقسيمة لو سمحتم؟

LinkBack

أدوات الموضوع

عرض

-

-

-

المواضيع المتشابهه

تغيير سير التقسيمة

سير التقسيمة

أنواع سير التقسيمة ( سير التوقيت )

سير التقسيمة

سير التقسيمة

الكلمات الدلالية لهذا الموضوع

المفضلات

المفضلات

ضوابط المشاركة