الحمد لله على فضله و نعمته...جراند تى جيت

**Ghamrawy** · 18-05-2010 01:13 AM

الحمد لله على نعمته
النهارده استلمت و رخصت الجراند التى جيت الكوبيه
و اللون اللى كان عامل مشاكل و كان فيه ناس من جوه التوكيل حجزاه و هو اللون الابيض
طبعا العربية ماشاء الله لا قوة الا بالله من الداخل فخمة جدا دون التنازل عن الطابع الرياضى سواء فى الكراسى او التابلوه المطعم بالنيكل المط مع الكاربون فيبر
اما الاداء فالحكم عليه يعتبر بدرى جدا بس بعض الملامح واضحة
العربية دى ممكن تستخدمها كانها جراند عادية جدا و فى لحظة واحدة لو كبست رجلك على بدال التسارع مرة واحدة فجاة ....تلاقى لفات الموتور نطت لل 3000 و من شدة اندفاع العربية تبقى مش قادر غير انك تركز فى الطريق و تنسى عداد السرعة و يطلع الوحش اللى عايز سكة فاضية علشان ياكلها .
بالنسبة للسلبيات اللى لاحظتها و يمكن بعضها يمكن بسبب البنزين ال 92 او غشومية الموتور لانه مش ماشى غير حاجة و سبعين كيلو و هى علو صوت الموتور و ضرورة الكبس لتشغيل التربو

الفرامل مش بتدى احساس بالثقة و يمكن ده بسبب عدم تطبيع التيل مع الطنابير
الكاوتش عايز ظبط

فى صوت نحرة غريبة من ناحية الشمال و محسوسة فى البدلات
للاسف ودنى حساسة جدا زيادة عن اللزوم
بس دى كل حاجة على السريع و استنوا منى كل يوم انطباع جديد و اللى عنده سؤال يتفضل

**khalid_adel** · 18-05-2010 01:52 AM

اولا الف الف مبروك على العربيه وربنا يديك خيرها ويكفيك شرها
انا مش عارف اللي معاك دي دوال لوجيك ولا مانيوال بس لو دوال يبقى لسه قدامك بتاع اسبوع سواقه مستمره على ما تاخد عليه لانه حوار في حد ذاته
ده غير انك تاخد على العربيه نفسها لانك حتحس ان اي دوسه بتتعفرت وتتجنن وتجري وانك بجد مش عارف تلجمها ( لازم تاخد عليك الاول ومتنساش تأكلها سكر )
اما ال 95 فهو بالطبع بيدي تسارع اكتر بس ال 92 عادي شغال مش بتقول لا
باقي الحاجات اصبر عليها اسبوع كده ممكن مع تطبيع الشوارع المطبات الجميله الاصوات دي تروح لوحدها :)

**ahmadmidop** · 18-05-2010 02:05 AM

الف الف مبروك ياباشا

**ahmedmohamed7** · 18-05-2010 02:12 AM

الف الف مبروك ياباشا

**khalid_adel** · 18-05-2010 02:14 AM

المشاركة الأصلية كتبت بواسطة Ghamrawy

امين يا رب اشكرك يا خالد بك
هى العربية مانيوال مش دواللوجيك و فعلا الدوسة بتخليها تتعفرت جدا
بس انا مش عارف كده صح و لا اهدى شوية لغاية لما الكيلو يزيد علشان الموتور يكون فاق شوية

بص بلاش انا في النصيحة دي لاني اول ماجبتها جبت بيها 180 وانا راجع
بس بص حاول تنقل بالراحه ومتحرقش عن 4 ار بي ام لحد 500 ولو سافرت يبقي احسن ولما ترجع اعمل اللي انت عايزه
مع العلم مافيش حاجه اسمها تلين لعربيه جديده دلوقتي خلاص بس انا بقولك الافضل فقط بس مش فرض يعنيhttp://www.nilemotors.net/Nile/image...ies/B4_237.gif

**mohie777** · 18-05-2010 03:36 AM

الف الف مبروك ياباشا

**macdiv** · 18-05-2010 03:49 AM

الف الف مبروك و يريت تسيبك من العدادات و تركز في السواقه عشان فعلا العربيه بتجري بغباء .. و شيك على الفرامل عشان المفروض التيل و الطنابير ميحتاجوش تطبع عشان الاتنين فابريكه ..انا لما استلمت اللينيا لمده ٣ ايام تقريبا كل اللي يركب جمبي يقولي جررى ايه هو انت لسه بتتعلم متخف رجلك من على الفرامل و لا سوق حافي احسن ... و ربنا يديك خيرها و يكفيك شرها و يريت تدبح لها و طبعا اوعى تنسى تامن

**damasry** · 18-05-2010 04:18 AM

الف مبرك يا باشا وكده مش تقولى على الخبر الجميل ده بدرى بدرى

شوف يا باشا لو عندك الشاشة اللى بتبين التربو ومدى درجة عمله (زى اللى فى اللينيا) ها تعرف ان التربو بيشتغل معاك كل ما تدوس بنزين اكتر ولو عايزه يزيد معاك بسرعة ويفتح على الاخر لازم تكبس بنزين، زى عملية الكيك داون فى الاوتو.

الفرامل مش عارف ليه بتقول انها ضعيفة؟؟ فرامل الفيات ماشاء الله عليها حاجة تمام جدا بس لو عايز انت تقدر تغير الطنابير بطنابير سيراميك عشان تقوى اداء الفرامل، ده لو انت عايز يعنى.

امل التليين فا اطمن كل العربيات التربو لازم المواتير تكون متلينة قبل تركيب التربو، يعنى براحتك بس بلاش القيادة العنيفة اوى فى الاول.

مستنين التقرير المصور المطوووووول على العربية عشان نعيش معاك التجربة يوم بيوم.

-

الموضوع: الحمد لله على فضله و نعمته...جراند تى جيت

LinkBack

أدوات الموضوع

عرض

-

-

-

-

المواضيع المتشابهه

شوووف الصوره دى واحمد ربك على نعمته

الحمد لله ربنا نجانى ...خمسة كانوا هيثبتونى ..الحمد لله

أجمل جراند بونتو فى مصر و عربيتى و جراند T-jet يجتمعون !

الحمد لله اشتريت جراند بونتو و لكن فيه حاجات مديقاني .....

جراند فيتارا ولا جراند تريوس

الكلمات الدلالية لهذا الموضوع

المفضلات

المفضلات

ضوابط المشاركة